വയനാട് ബാ​ങ്ക് നി​യ​മ​ന കോഴ: ക്രമക്കേട്​ കണ്ടെത്തിയെന്ന്​ മന്ത്രി

തി​രു​വ​ന​ന്ത​പു​രം: വ​യ​നാ​ട് എ​ന്‍.​എം. വി​ജ​യ​ന്‍റെ​യും മ​ക​ന്‍റെ​യും ആ​ത്മ​ഹ​ത്യ​ക്കി​ട​യാ​ക്കി​യ​താ​യി പ​റ​യ​പ്പെ​ടു​ന്ന സ​ഹ​ക​ര​ണ ബാ​ങ്ക് നി​യ​മ​ന കോ​ഴ സം​ബ​ന്ധി​ച്ച് സ​ഹ​ക​ര​ണ വ​കു​പ്പ് ന​ട​ത്തി​യ അ​ന്വേ​ഷ​ണ​ത്തി​ല്‍ ക്ര​മ​ക്കേ​ടു​ക​ള്‍ ക​ണ്ടെ​ത്തി​യ​താ​യി മ​ന്ത്രി വി.​എ​ന്‍. വാ​സ​വ​ന്‍ നി​യ​മ​സ​ഭ​യെ അ​റി​യി​ച്ചു. സ​ഹ​ക​ര​ണ വി​ജി​ല​ന്‍സ് ഓ​ഫി​സ് നോ​ര്‍ത്ത് സോ​ണ്‍ ഡെ​പ്യൂ​ട്ടി ര​ജി​സ്ട്രാ​ര്‍ (വി​ജി​ല​ന്‍സ്) ക​ണ്ണൂ​ര്‍, എ​റ​ണാ​കു​ളം ജോ. ​ര​ജി​സ്ട്രാ​ര്‍ (ജ​ന​റ​ല്‍) കാ​ര്യാ​ല​യ​ത്തി​ലെ ഡെ​പ്യൂ​ട്ടി ര​ജി​സ്ട്രാ​ര്‍ (ഭ​ര​ണം) എ​ന്നി​വ​രു​ടെ നേ​തൃ​ത്വ​ത്തി​ലു​ള്ള സം​ഘം ന​ട​ത്തി​യ വ​കു​പ്പു​ത​ല പ്രാ​ഥ​മി​കാ​ന്വേ​ഷ​ണ​ത്തി​ലാ​ണ് ഇ​ത് ക​ണ്ടെ​ത്തി​യ​ത്.

സു​ല്‍ത്താ​ന്‍ബ​ത്തേ​രി സ​ഹ​ക​ര​ണ അ​ര്‍ബ​ന്‍ ബാ​ങ്ക്, സു​ല്‍ത്താ​ന്‍ ബ​ത്തേ​രി സ​ര്‍വി​സ് സ​ഹ​ക​ര​ണ ബാ​ങ്ക്, പൂ​താ​ടി സ​ര്‍വി​സ് സ​ഹ​ക​ര​ണ ബാ​ങ്ക്, മ​ട​ക്കി​മ​ല സ​ര്‍വി​സ് സ​ഹ​ക​ര​ണ ബാ​ങ്ക്, സു​ല്‍ത്താ​ന്‍ബ​ത്തേ​രി സ​ഹ​ക​ര​ണ കാ​ര്‍ഷി​ക ഗ്രാ​മ വി​ക​സ​ന ബാ​ങ്ക്​ തു​ട​ങ്ങി​യ സം​ഘ​ങ്ങ​ളി​ലാ​ണ് നി​യ​മ​ന​ങ്ങ​ളി​ല്‍ ക്ര​മ​ക്കേ​ടു​ക​ള്‍ ബോ​ധ്യ​പ്പെ​ട്ട​ത്. ക്ര​മ​ക്കേ​ട് ക​ണ്ടെ​ത്തി​യ സം​ഘ​ങ്ങ​ളി​ല്‍ പ​രി​ശോ​ധ​ന ന​ട​ത്തു​ന്ന​തി​ന് സു​ല്‍ത്താ​ൻ ബ​ത്തേ​രി അ​സി. ര​ജി​സ്ട്രാ​ര്‍ (ജ​ന​റ​ല്‍) കെ.​കെ. ജ​മാ​ലി​നെ നി​യോ​ഗി​ച്ചി​ട്ടു​ണ്ട്.

ഒ​രു​മാ​സ​ത്തി​ന​കം റി​പ്പോ​ര്‍ട്ട് സ​മ​ര്‍പ്പി​ക്കു​ന്ന​തി​ന് നി​ര്‍ദേ​ശം ന​ല്‍കി. ഇ​തി​ന് പു​റ​മെ എ​ന്‍.​എം. വി​ജ​യ​ന് സു​ല്‍ത്താ​ന്‍ ബ​ത്തേ​രി അ​ര്‍ബ​ന്‍ സ​ഹ​ക​ര​ണ ബാ​ങ്കി​ല്‍ 63.72 ല​ക്ഷം രൂ​പ വാ​യ്പ ബാ​ധ്യ​ത​യും സു​ല്‍ത്താ​ന്‍ ബ​ത്തേ​രി സ​ര്‍വി​സ് സ​ഹ​ക​ര​ണ ബാ​ങ്കി​ല്‍ 29.49 ല​ക്ഷം രൂ​പ സ്വ​ന്തം പേ​രി​ലും മ​ക​ന്‍റെ പേ​രി​ലു​ള്ള ജാ​മ്യ​ത്തി​ല്‍ 11.26 ല​ക്ഷം രൂ​പ​യും വാ​യ്പ ബാ​ധ്യ​ത നി​ല​വി​ലു​ണ്ടെ​ന്നും പ്രാ​ഥ​മി​കാ​ന്വേ​ഷ​ണ​ത്തി​ല്‍ ക​ണ്ടെ​ത്തി​യി​ട്ടു​ണ്ട്.