ട്രെയിനിൽ സ്ഫോടക വസ്തു എത്തിച്ചത് പാ​റ​പൊ​ട്ടി​ക്കാ​നെന്ന്

കോ​ഴി​ക്കോ​ട്: ട്രെ​യി​നി​ൽ ക​ട​ത്തി​യ സ്​​ഫോ​ട​ക വ​സ്​​തു​ക്ക​ളു​മാ​യി ത​മി​ഴ്​​നാ​ട്​ സ്വ​ദേ​ശി​നി പി​ടി​യി​ൽ. തി​രു​വ​ണ്ണാ​മ​ല​യി​ലെ ര​മ​ണി​യെ​യാ​ണ്​ (30) വെ​ള്ളി​യാ​ഴ്​​ച രാ​വി​ലെ പി​ടി​കൂ​ടി​യ​ത്. 117 ജ​ലാ​റ്റി​ന്‍ സ്​​റ്റി​ക്കും 350 ഡി​റ്റ​ണേ​റ്റ​റു​മാ​ണ്​​ യു​വ​തി​യി​ൽ​നി​ന്ന്​ ക​ണ്ടെ​ത്തി​യ​ത്. കി​ണ​ര്‍ നി​ര്‍മാ​ണ തൊ​ഴി​ലാ​ളി​യാ​യ ഭ​ര്‍ത്താ​വിൻെറ നി​ർ​ദേ​ശ​പ്ര​കാ​ര​മാ​ണ് സ്​​ഫോ​ട​ക​വ​സ്​​തു​ക്ക​ൾ കൊ​ണ്ടു​വ​ന്ന​തെ​ന്ന് മൊ​ഴി ന​ല്‍കി​യ​തിനെ തുടർന്ന്, ഭ​ർ​ത്താ​വ്​ ത​ങ്ക​രാ​ജി​നെ ​പൊ​ലീ​സ്​ സ്​​റ്റേ​ഷ​നി​ലേ​ക്ക്​ വി​ളി​പ്പി​ച്ച്​ ചോ​ദ്യം​ചെ​യ്​​തു. ഇ​ദ്ദേ​ഹ​വും കി​ണ​ർ കു​ഴി​ക്കു​േ​മ്പാ​ൾ പാ​റ​പൊ​ട്ടി​ക്കാ​നാ​ണ്​ ഇ​വ കൊ​ണ്ടു​വ​ന്ന​തെ​ന്നാ​ണ്​ വ്യ​ക്ത​മാ​ക്കി​യ​ത്.

ചെ​ന്നൈ-​മം​ഗ​ലാ​പു​രം സൂ​പ്പ​ര്‍ഫാ​സ്​​റ്റ്​ എ​ക്സ്പ്ര​സി​ല്‍ പ​രി​ശോ​ധ​ന ന​ട​ത്ത​വെ തി​രൂ​രി​നും ​േകാ​ഴി​ക്കോ​ടി​നും ഇ​ട​യി​ൽ​വെ​ച്ച്​ റെ​യി​ല്‍വേ സു​ര​ക്ഷ​സേ​ന​ക്കു​ കീ​ഴി​ലു​ള്ള ക്രൈം ​പ്രി​വ​ന്‍ഷ​ന്‍ ഡി​റ്റ​ക്​​ഷ​ന്‍ സ്‌​ക്വാ​ഡാ​ണ്​ സ്ഫോ​ട​ക​വ​സ്തു​ക്ക​ള്‍ പി​ടി​കൂ​ടി​യ​ത്. റെ​യി​ല്‍വേ പാ​ല​ക്കാ​ട് ഡി​വി​ഷ​ന്‍ സെ​ക്യൂ​രി​റ്റി ക​മീ​ഷ​ണ​ര്‍ ജി​തി​ന്‍ ബി. ​രാ​ജി​‍െൻറ നി​ര്‍ദേ​ശ​പ്ര​കാ​ര​മാ​യി​രു​ന്നു പ​രി​ശോ​ധ​ന. ഡി ​വ​ണ്‍ ക​മ്പാ​ർ​ട്​​മെൻറി​ല്‍ യാ​ത്ര​ചെ​യ്​​ത ഇ​വ​രു​ടെ സീ​റ്റി​ന​ടി​യി​ലെ ബാ​ഗ്​ സ്​​ക്വാ​ഡി​ലെ ഹെ​ഡ്​ കോ​ൺ​സ്​​റ്റ​ബ്​​ൾ വി.​പി. മ​ഹേ​ഷ്, വി​ജേ​ഷ്​ എ​ന്നി​വ​ർ പ​രി​ശോ​ധി​ക്കു​ക​യും സ്​​ഫോ​ട​ക​വ​സ്​​​തു​ശേ​ഖ​രം ക​ണ്ടെ​ത്തി​യ​തോ​ടെ​ യു​വ​തി​യെ ക​സ്​​റ്റ​ഡി​യി​ലെ​ടു​ത്ത്​ കോ​ഴി​ക്കോ​ട്​ ഓ​ഫി​സി​ലെ​ത്തി​ക്കു​ക​യു​മാ​യി​രു​ന്നു. ചെ​ന്നൈ​യി​ൽ​നി​ന്ന്​ ത​ല​ശ്ശേ​രി​യി​ലേ​ക്കു​ള്ള ടി​ക്ക​റ്റാ​ണ്​ യു​വ​തി​യു​ടെ പ​ക്ക​ലു​ണ്ടാ​യി​രു​ന്ന​ത്.

തെ​ര​ഞ്ഞെ​ടു​പ്പ്​ അ​ടു​ത്ത പ​ശ്ചാ​ത്ത​ല​ത്തി​ൽ ക​ണ്ണൂ​ർ ജി​ല്ല​യി​ലേ​ക്ക്​ ഇ​ത്ത​ര​ത്തി​ൽ സ്​​ഫോ​ട​ക​വ​സ്​​തു കൊ​ണ്ടു​വ​ന്ന​തി​െ​ന പൊ​ലീ​സ്​ ജാ​ഗ്ര​ത​യോ​ടെ​യാ​ണ്​ കാ​ണു​ന്ന​ത്. ആ​നി​ല​ക്കാ​ണ്​ അ​ന്വേ​ഷ​ണം പു​രോ​ഗ​മി​ക്കു​ന്ന​തും. സ്‌​ഫോ​ട​ക​വ​സ്തു ശേ​ഖ​രം പി​ടി​കൂ​ടി​യ​ത​റി​ഞ്ഞ് കേ​ന്ദ്ര-​സം​സ്ഥാ​ന ര​ഹ​സ്യാ​ന്വേ​ഷ​ണ വി​ഭാ​ഗ​വും ഭീ​ക​ര​വി​രു​ദ്ധ സ്‌​ക്വാ​ഡും (എ.​ടി.​എ​സ്) ആ​ർ.​പി.​എ​ഫി​ൽ​നി​ന്ന്​ വി​വ​ര​ങ്ങ​ൾ ശേ​ഖ​രി​ച്ചു. യു​വ​തി​യെ​ക്കു​റി​ച്ച്​ ത​മി​ഴ്‌​നാ​ട് പൊ​ലീ​സു​മാ​യി ബ​ന്ധ​പ്പെ​ട്ടും വി​വ​ര​ങ്ങ​ള്‍ ശേ​ഖ​രി​ക്കു​ന്നു​ണ്ട്.

സ്‌​ഫോ​ട​ക വ​സ്തു​ക്ക​ളു​ടെ മ​ഹ​സ​ര്‍ ത​യാ​റാ​ക്കി​യ​ശേ​ഷം ആ​ർ.​പി.​എ​ഫ് ഇ​വ​രെ റെ​യി​ല്‍വേ പൊ​ലീ​സി​ന് കൈ​മാ​റി. കോ​ട​തി പ്ര​തി​യെ റി​മാ​ൻ​ഡ്​ ചെ​യ്​​തു.