മാധ്യമപ്രവർത്തകൻ സിദ്ദീഖ് കാപ്പനെ മോചിപ്പിക്കണമെന്നാവശ്യപ്പെട്ട് വനിത സംഗമം

വേങ്ങര (മലപ്പുറം): അഞ്ച് മാസത്തിലേറെയായി ഉത്തര്‍പ്രദേശ് ജയിലില്‍ കഴിയുന്ന മാധ്യമപ്രവര്‍ത്തകന്‍ സിദ്ദീഖ് കാപ്പനെ മോചിപ്പിക്കണമെന്ന് ആവശ്യപ്പെട്ട് അന്താരാഷ്​ട്ര വനിത ദിനത്തില്‍ വനിതകളുടെ പ്രതിഷേധ സംഗമം. സിദ്ദീഖ് കാപ്പന്‍ ഐക്യദാര്‍ഢ്യ സമിതിയുടെ നേതൃത്വത്തിലാണ് പ്രതിഷേധ സംഗമം നടത്തിയത്.

സിദ്ദീഖ് കാപ്പനെ മഥുര ടോള്‍പ്ലാസയില്‍നിന്ന് പൊലീസ് പിടികൂടി ജയിലിലടച്ചത് എന്തി​െൻറ പേരിലാണെന്ന് വ്യക്തമാക്കാന്‍ സര്‍ക്കാറിന്​ ബാധ്യതയുണ്ടെന്ന്​ ചടങ്ങില്‍ സംസാരിച്ച എ.ഐ.സി.സി അംഗം പ്രഫ. ഹരിപ്രിയ അഭിപ്രായപ്പെട്ടു. വേങ്ങര ഗ്രാമപഞ്ചായത്ത് പ്രസിഡൻറ്​ കെ.പി. ഹസീന ഫസല്‍ ഉദ്ഘാടനം ചെയ്തു.

പി. അംബിക അധ്യക്ഷത വഹിച്ചു. ജില്ല പഞ്ചായത്ത്​ അംഗം സമീറ പുളിക്കല്‍, കണ്ണമംഗലം പഞ്ചായത്ത് അംഗങ്ങളായ കെ.പി. സരോജിനി, സലീന താട്ടയില്‍, ഊരകം പഞ്ചായത്ത് വൈസ് പ്രസിഡൻറ്​ മൈമൂനത്ത്, വെല്‍ഫെയര്‍ പാര്‍ട്ടി സംസ്ഥാന വൈസ് പ്രസിഡൻറ് ഇ.സി. ആയിഷ, വിമന്‍ ഇന്ത്യ മൂവ്‌മെൻറ്​ മണ്ഡലം പ്രസിഡൻറ് പി. ആരിഫ ടീച്ചര്‍, എന്‍.ഡബ്ല്യു.എഫ് സംസ്ഥാന പ്രസിഡൻറ് ഹബീബ ഉസ്മാന്‍, സിദ്ദീഖി​െൻറ ഭാര്യ റൈഹാനത്ത് എന്നിവർ സംസാരിച്ചു.