അൽഫാന് നാലാം തവണയും മൈക്രോസോഫ്റ്റ് അവാർഡ്

കോ​ഴി​ക്കോ​ട്: മൈ​ക്രോ സോ​ഫ്​​റ്റ്​ മോ​സ്റ്റ് വാ​ല്യൂ​ബ​ൾ പ്ര​ഫ​ഷ​ന​ൽ (എം.​വി.​പി) അ​വാ​ർ​ഡ് നാ​ലാം ത​വ​ണ​യും സ്വ​ന്ത​മാ​ക്കി മ​ല​യാ​ളി.​ ഡേ​റ്റാ അ​ന​ല​റ്റി​ക്സ് ട്രെ​യി​ന​റും ക​ൺ​സ​ൾ​ട്ട​ന്റു​മാ​യ അ​ൽ​ഫാ​ൻ ഈ ​വ​ർ​ഷം മൈ​ക്രോ​സോ​ഫ്റ്റ് എ​ക്സ​ൽ, പ​വ​ർ ബി.​ഐ ഒ​രു​മി​ച്ചു​ള്ള ഡേ​റ്റ പ്ലാ​റ്റ്ഫോം എ​ന്ന വി​ഭാ​ഗ​ത്തി​ലാ​ണ് അ​വാ​ർ​ഡ് ക​ര​സ്ഥ​മാ​ക്കി​യ​ത്.

കോ​ഴി​ക്കോ​ട് കു​റ്റി​ച്ചി​റ സ്വ​ദേ​ശി​യാ​ണ്. ഇ​ന്ത്യ​യി​ൽ ആ​ദ്യ​മാ​യാ​ണ് ഈ ​ര​ണ്ട് അ​പ്ലി​ക്കേ​ഷ​ൻ വി​ഭാ​ഗ​ങ്ങ​ൾ​ക്കു​ള്ള അ​വാ​ർ​ഡ് ഒ​രു​മി​ച്ചു ഒ​രാ​ൾ സ്വ​ന്ത​മാ​ക്കു​ന്ന​ത്. വാ​ഷി​ങ്ട​ണി​ലെ മൈ​ക്രോ​സോ​ഫ്റ്റ് ആ​സ്ഥാ​ന​ത്ത് ഈ ​വി​ഷ​യ​ത്തി​ൽ പ്ര​ഭാ​ഷ​ണ​ത്തി​ന് അ​വ​സ​ര​മു​ണ്ട്. ക​ഴി​ഞ്ഞ മൂ​ന്ന് വ​ർ​ഷ​വും മൈ​ക്രോ​സോ​ഫ്​​റ്റ്​ എ​ക്സ​ൽ വി​ഭാ​ഗ​ത്തി​ൽ അ​ൽ​ഫാ​ൻ പു​ര​സ്കാ​രം നേ​ടി​യി​രു​ന്നു.

വി​വി​ധ സ​മൂ​ഹ മാ​ധ്യ​മ പ്ലാ​റ്റ്ഫോ​മു​ക​ളി​ലൂ​ടെ അ​ൽ​ഫാ​ൻ ഡേ​റ്റ അ​ന​ല​റ്റി​ക്സി​നെ കു​റി​ച്ച് അ​റി​വ് പ​ക​രു​ന്നു. വി​ദ്യാ​ർ​ഥി​ക​ൾ തൊ​ട്ട് പ്ര​ഫ​ഷ​ന​ലു​ക​ൾ വ​രെ നാ​ലു​ല​ക്ഷ​ത്തി​ല​ധി​കം പേ​ർ അ​ൽ​ഫാ​നെ ഫോ​ളോ ചെ​യ്യു​ന്നു​ണ്ട്. ഇ​ന്ത്യ​യി​ലും വി​ദേ​ശ​ത്തും മൈ​ക്രോ സോ​ഫ്​​റ്റ്​ സാ​​​ങ്കേ​തി​ക വി​ദ്യ​ക​ളി​ൽ പ​രി​ശീ​ല​നം ന​ൽ​കു​ന്നു​ണ്ട്.

2007ൽ ​ഫി​നാ​ന്‍ഷ്യ​ല്‍ അ​ന​ലി​സ്റ്റാ​യി ക​രി​യ​ര്‍ തു​ട​ങ്ങി​യ അ​ല്‍ഫാ​ന്‍ ടാ​റ്റ ക​ണ്‍സ​ല്‍ട്ട​ന്‍സി സ​ര്‍വി​സ്, ഐ.​ബി.​എം, അ​സെ​ഞ്ച്വ​ര്‍, കാ​ര്‍ഗി​ല്‍ തു​ട​ങ്ങി​യ വ​ൻ​കി​ട ഐ.​ടി ക​മ്പ​നി​ക​ളി​ൽ പ്ര​വ​ർ​ത്തി​ച്ചി​ട്ടു​ണ്ട്.

പി​ന്നീ​ട് അ​ധ്യാ​പ​ന​ത്തോ​ടു​ള്ള അ​ഭി​നി​വേ​ശം കാ​ര​ണം ജോ​ലി ഉ​പേ​ക്ഷി​ച്ച്​ സ്വ​ന്ത​മാ​യി റോ​സ്​ ആ​ൻ​ഡ്​ കോ​ളം​സ്​ എ​ന്ന ബ്രാ​ൻ​ഡി​ന് രൂ​പം ന​ൽ​കി. ‘ഗ​ൾ​ഫ്​ മാ​ധ്യ​മ’​ത്തി​ൽ ടെ​ക്കി​ കോ​ർ​ണ​ർ എ​ന്ന പേ​രി​ൽ പ്ര​ത്യേ​ക കോ​ളം കൈ​കാ​ര്യം ചെ​യ്യു​ന്നു​ണ്ട്.