സി.വി.പത്​മരാജൻ: മുഖ്യമന്ത്രി കസേര മുതൽ റെസിഡന്‍റ്​സ്​ അസോസിയേഷൻ പ്രസിഡന്‍റ്​ വരെ

കൊ​ല്ലം: വ​ലി​പ്പ ചെ​റു​പ്പ​മി​ല്ലാ​ത്ത നേ​താ​വി​ന്‍റെ പ്ര​തീ​കം -അ​താ​ണ്​ സി.​വി.​പ​ത്​​മ​രാ​ജ​ൻ എ​ന്ന കോ​ൺ​ഗ്ര​സ്​ നേ​താ​വ്. പ​ക​ര​ക്കാ​ര​നാ​യാ​ലും കേ​ര​ള​ത്തി​ന്‍റെ മു​ഖ്യ​മ​ന്ത്രി ​ക​സേ​ര​യി​ൽ ആ​റ്​ മാ​സ​ക്കാ​ലം ഭ​ര​ണ​നി​ർ​വ​ഹ​ണം ന​ട​ത്തി​യ വ്യ​ക്തി, പ​ക്ഷേ വ​ലി​യ​നേ​താ​വെ​ന്ന ത​ല​ക്ക​ന​മി​ല്ലാ​തെ​യാ​ണ്​ അ​വ​സാ​ന​നാ​ൾ വ​രെ​യും നാ​ടി​നാ​യി പ്ര​വ​ർ​ത്തി​ച്ച​ത്. മു​ഖ്യ​മ​ന്ത്രി ക​സേ​ര​യി​ലും സ്വ​ന്തം നാ​ട്ടി​ലെ റെ​സി​ഡ​ന്‍റ്​​സ്​ അ​സോ​സി​യേ​ഷ​ൻ പ്ര​സി​ഡ​ന്‍റ്​ പ​ദ​വി​യി​ലും ഒ​രേ ആ​ത്​​മാ​ർ​ഥ​ത​യോ​ടെ അ​ദ്ദേ​ഹം നി​ല​കൊ​ണ്ടു. ഞാ​ൻ നി​ങ്ങ​ളു​ടെ ​കൂ​ടെ ഉ​ണ്ടെ​ന്ന്​ നാ​ട്ടി​ലു​ള്ള​വ​ർ​ക്ക്​ ഉ​റ​പ്പു​കൊ​ടു​ക്ക​ലാ​യി​രു​ന്നു അ​ദ്ദേ​ഹ​ത്തി​ന്‍റെ പ്ര​വ​ർ​ത്ത​നം.

അ​ങ്ങ​നെ​യാ​ണ്​ 2001ൽ ​കൊ​ല്ലം ആ​ന​ന്ദ​വ​ല്ലീ​ശ്വ​രം റെ​സി​ഡ​ന്‍റ്​​സ്​ അ​സോ​സി​യേ​ഷ​ൻ പ്ര​സി​ഡ​ൻ​റ്​ പ​ദ​വി പോ​ലും അ​ദ്ദേ​ഹം ഒ​രു മ​ടി​യും കൂ​ടാ​തെ ഏ​റ്റെ​ടു​ത്ത​ത്. 93ാം വ​യ​സി​ൽ അ​ദ്ദേ​ഹം വി​ട​പ​റ​ഞ്ഞ​തോ​ടെ​ ആ ​പ്ര​സി​ഡ​ന്‍റ്​ പ​ദ​വി​യും കൂ​ടി​യാ​ണ്​ ഇ​ന്ന്​ ശൂ​ന്യ​മാ​യി​രി​ക്കു​ന്ന​ത്. ഡി.​സി.​സി വൈ​സ്​ പ്ര​സി​ഡ​ന്‍റ്​ ആ​യി​രി​ക്കെ ഒ​രു പാ​ർ​ട്ടി അ​നു​ഭാ​വി​ക്ക്​ സ​ർ​ക്കാ​ർ വ​ക്കീ​ൽ ആ​കാ​ൻ ശി​പാ​ർ​ശ​യു​മാ​യി കെ.​ക​രു​ണാ​ക​ര​നെ കാ​ണാ​ൻ തി​രു​വ​ന​ന്ത​പു​ര​ത്ത്​ പോ​യ​താ​യി​രു​ന്നു അ​ദ്ദേ​ഹ​ത്തി​ന്‍റെ ജീ​വി​ത​ത്തി​ലെ ഏ​റ്റ​വും വ​ലി​യ വ​ഴി​ത്തി​രി​വാ​യ​ത്.

പ​ര​വൂ​ർ കോ​ട​തി​യി​ൽ സി​വി​ൽ കേ​സു​ക​ൾ കൈ​കാ​ര്യം ചെ​യ്യു​ന്ന അ​ഭി​ഭാ​ഷ​ക​നാ​യ സി.​വി. പ​ത്​​മ​രാ​ജ​ന്​ എ​ന്തു​കൊ​ണ്ട്​ ​പ​ബ്ലി​ക്​ പ്രോ​സി​ക്യൂ​ട്ട​ർ ആ​യി​ക്കൂ​ടാ എ​ന്ന ക​രു​ണാ​ക​ര​ന്‍റെ ചോ​ദ്യം അ​ദ്ദേ​ഹ​ത്തെ പോ​ലും ഞെ​ട്ടി​ച്ചി​രു​ന്നു. പ​ബ്ലി​ക്​ പ്രോ​സി​ക്യൂ​ട്ട​റാ​യി പാ​ർ​ട്ടി അ​നു​ഭാ​വി അ​ല്ല, പാ​ർ​ട്ടി​ക്കാ​ര​ൻ ത​ന്നെ വ​ര​ണം എ​ന്ന്​ ക​രു​ണാ​ക​ര​ൻ നി​ർ​ബ​ന്ധം പി​ടി​ച്ച​തോ​ടെ ആ ​ചു​മ​ത​ല പ​ത്​​മ​രാ​ജ​നി​ലേ​ക്ക്​ വ​ന്നു​ചേ​ർ​ന്നു. അ​പ്പോ​ഴും പ​ര​വൂ​ർ കോ​ട​തി​യി​ൽ ആ​രു​മ​റി​യാ​ത്ത വ​ക്കീ​ലി​ന്‍റെ പേ​ര്​ ക​ല​ക്ട​റു​ടെ ശി​പാ​ർ​ശ പ​ട്ടി​ക​യി​ൽ ഉ​ൾ​പ്പെ​ട്ടി​ല്ല. തു​ട​ർ​ന്ന്, സം​സ്ഥാ​ന മ​ന്ത്രി​സ​ഭ പ്ര​ത്യേ​ക ഉ​ത്ത​ര​വ്​ ഇ​റ​ക്കി​യാ​ണ്​ പ​ത്​​മ​രാ​ജ​ൻ കൊ​ല്ല​ത്ത്​ പ​ബ്ലി​ക്​ പ്രോ​സി​ക്യൂ​ട്ട​ർ ആ​യ​ത്. ആ​ദ്യ​മാ​യാ​യി​രു​ന്നു അ​ത്ത​രം ഒ​രു ഉ​ത്ത​ര​വ്. പി​ന്നീ​ട്​ പ​ല​രും അ​ത്ത​ര​ത്തി​ൽ പ്രോ​സി​ക്യൂ​ട്ട​ർ പ​ദ​വി​യി​ൽ എ​ത്തി. ​

കൊ​ല്ലം ക​ണ്ട എ​ക്കാ​ല​ത്തെ​യും മി​ക​ച്ച പ​ബ്ലി​ക്​ പ്രോ​സി​ക്യൂ​ട്ട​ർ​മാ​രി​ൽ ഒ​രാ​ളാ​യി​രു​ന്നു സി.​വി.​പ​ത്​​മ​രാ​ജ​ൻ. കേ​സു​ക​ൾ ഇ​ഴ​കീ​റി പ​ഠി​ച്ചു​മാ​ത്രം കൈ​കാ​ര്യം ചെ​യ്തി​രു​ന്ന ക​ണി​ശ​ത. അ​ദേ​ഹ​ത്തി​ന്‍റെ മി​ക​വ്, രാ​ഷ്ട്രീ​യ​ത്തി​ലും സ​ഹ​ക​ര​ണ​മേ​ഖ​ല​യി​ലും അ​ഭി​ഭാ​ഷ​ക​വൃ​ത്തി​യി​ലു​മെ​ല്ലാം ശോ​ഭ​യോ​ടെ തി​ള​ങ്ങി. 53 ​കൊ​ല്ലം പ്ര​സി​ഡ​ന്‍റ്​ ആ​യി​രു​ന്ന കൊ​ല്ലം അ​ർ​ബ​ർ സ​ഹ​ക​ര​ണ​ബാ​ങ്കി​നെ സം​സ്ഥാ​ന​ത്ത്​ ത​ന്നെ മു​ൻ​നി​ര​യി​ൽ എ​ത്തി​ച്ചി​ട്ടാ​ണ്​ ക​ഴി​ഞ്ഞ വ​ർ​ഷം അ​ദ്ദേ​ഹം പ​ദ​വി ഒ​ഴി​ഞ്ഞ​ത്.

ആ​രോ​ടും പ​ക്ഷ​പാ​ത​മി​ല്ലാ​തെ പെ​രു​മാ​റി, ചു​റ്റു​മു​ള്ള​വ​രു​മാ​യി ആ​ത്​​മ​ബ​ന്ധ​ത്തി​ന്‍റെ വ​ലി​യൊ​രു വ​ല​യം തീ​ർ​ക്കു​ന്ന പ്ര​കൃ​ത​മാ​യി​രു​ന്നു. പ​ത്​​മ​രാ​ജ​ന്​ ഒ​പ്പ​മാ​ണെ​ങ്കി​ൽ, അ​താ​യി​രു​ന്നു മ​റ്റു​ള്ള​വ​ർ​ക്ക്​ മേ​ൽ​വി​ലാ​സം. ഒ​രു ​ഗ്രൂ​പ്പി​സ​വും അ​വ​രെ മാ​റ്റി​നി​ർ​ത്തി​ല്ല. കാ​ര​ണം സി.​വി.​പ​ത്​​മ​രാ​ജ​ന്​ ഗ്രൂ​പ്പി​ല്ലാ​യി​രു​ന്നു, ഒ​പ്പം അ​ദേ​ഹ​ത്തി​ന്‍റെ പ്രി​യ​പ്പെ​ട്ട​വ​ർ​ക്കും.