അ​ടി​യ​ന്ത​രാ​വ​സ്ഥ​ക്കാ​ല​ത്തിന്റെ ഓ​ർ​മ​ക​ളി​ൽ ര​വീ​ന്ദ്ര​നാ​ഥ​ൻ

പാ​ല​ക്കാ​ട്: സ്വ​ത​ന്ത്ര ഇ​ന്ത്യ​യു​ടെ രാ​ഷ്ട്രീ​യ​ച​രി​ത്ര​ത്തി​ൽ ഏ​റ്റ​വും വി​വാ​ദം നി​റ​ഞ്ഞ അ​ധ്യാ​യ​മാ​യ അ​ടി​യ​ന്ത​രാ​വ​സ്ഥ​ക്ക് ബു​ധ​നാ​ഴ്ച അ​മ്പ​താം വാ​ർ​ഷി​കം. 1975 ജൂ​ൺ 25 അ​ർ​ധ​രാ​ത്രി​ക്ക് പ്ര​ഖ്യാ​പി​ച്ച അ​ടി​യ​ന്ത​രാ​വ​സ്ഥ 1977 വ​രെ നീ​ണ്ടു. രാ​ജ്യം ആ​ദ്യ​മാ​യി നേ​രി​ട്ട ദേ​ശീ​യ അ​ടി​യ​ന്ത​രാ​വ​സ്ഥ​ക്ക് അ​ര​നൂ​റ്റാ​ണ്ട് തി​ക​യു​മ്പോ​ൾ അ​ന്ന​ത്തെ സം​ഭ​വ​ങ്ങ​ൾ ഓ​ർ​ത്തെ​ടു​ക്കു​ക​യാ​ണ് പു​ലാ​പ​റ്റ ക​രി​മ്പ​ന​ക്ക​ൽ വീ​ട്ടി​ൽ ര​വീ​ന്ദ്ര​നാ​ഥ​ൻ (73). വി​ദ്യാ​ഭ്യാ​സ​ത്തി​നു​ശേ​ഷം ഇ​ട​തു​പ​ക്ഷ രാ​ഷ്ട്രീ​യ​പ്ര​വ​ർ​ത്ത​ന​ങ്ങ​ളു​മാ​യി ക​ഴി​യു​ക​യാ​യി​രു​ന്ന ര​വീ​ന്ദ്ര​നാ​ഥ​ൻ ആ​ദ്യ​മാ​യി ജ​യി​ൽ​വാ​സം അ​നു​ഭ​വി​ക്കു​ന്ന​ത് ഈ കാ​ല​ഘ​ട്ട​ത്തി​ലാ​ണ്.

സം​ഘം ചേ​രാ​നും സ​മ​രം ന​ട​ത്താ​നു​മെ​ല്ലാം നി​രോ​ധ​ന​മു​ണ്ടാ​യി​രു​ന്ന അ​ക്കാ​ല​ത്ത് ഇ​തൊ​ന്നു​മ​റി​യാ​തെ​യാ​ണ് ര​വീ​ന്ദ്ര​നാ​ഥ​ന്‍റെ നേ​തൃ​ത്വ​ത്തി​ൽ ഒ​രു​കൂ​ട്ടം ആ​ളു​ക​ൾ മ​ണ്ണാ​ർ​ക്കാ​ട്ടെ പൊ​മ്പ്ര​യി​ൽ ജാ​ഥ ന​ട​ത്തി​യ​ത്. അ​ന്ന് പാ​ർ​ട്ടി​യു​ടെ എ​ളു​മ്പു​ലാ​ശ്ശേ​രി ബ്രാ​ഞ്ച് സെ​ക്ര​ട്ട​റി​യാ​യി​രു​ന്നു ര​വീ​ന്ദ്ര​നാ​ഥ​ൻ. എ​ളു​മ്പു​ലാ​ശ്ശേ​രി​യി​ൽ ക​ർ​ഷ​ക​ന്‍റെ ഭൂ​മി​യി​ൽ വി​ള​വി​റ​ക്കാ​ൻ ജ​ന്മി​യു​ടെ ആ​ളു​ക​ൾ വ​രു​ന്നു​ണ്ടെ​ന്ന് അ​റി​ഞ്ഞ് അ​തി​നെ​തി​രെ​യാ​യി​രു​ന്നു ജാ​ഥ. ജൂ​ലൈ ഏ​ഴി​നാ​യി​രു​ന്നു സം​ഭ​വം.

200ഓ​ളം പേ​രാ​ണ് ജാ​ഥ​യി​ൽ അ​ണി​നി​ര​ന്ന​ത്. ക​ണ്ണി​യാ​ർ​കാ​വി​ലെ​ത്തി​യ​പ്പോ​ൾ പൊ​ലീ​സ് വ​ള​ഞ്ഞു. എ​ന്നാ​ൽ, ജാ​ഥ നി​ർ​ത്തി​യി​ല്ല. പൊ​ലീ​സും കൂ​ടെ ന​ട​ന്നു. പൊ​മ്പ്ര മി​ല്ലും​പ​ടി വ​രെ ജാ​ഥ ന​ട​ത്തി. അ​വി​ടു​ന്ന് പി​രി​ച്ചു​വി​ട്ടു. ര​വീ​ന്ദ്ര​നാ​ഥ​ൻ ഉ​ൾ​പ്പെ​ടെ 17 പേ​ർ മാ​ത്രം ബാ​ക്കി​യാ​യി. അ​വ​രോ​ട് ശ്രീ​കൃ​ഷ്ണ​പു​രം പൊ​ലീ​സ് സ്റ്റേ​ഷ​ൻ വ​രെ ന​ട​ക്കാ​ൻ പൊ​ലീ​സ് ആ​വ​ശ്യ​പ്പെ​ട്ടു. എ​ന്നാ​ൽ, സം​ഘം വി​സ​മ്മ​തി​ച്ചു. അ​ന്ന് വാ​ഹ​ന​ഗ​താ​ഗ​ത​സൗ​ക​ര്യം കു​റ​വാ​യ​തി​നാ​ൽ പൊ​ന്ന​ങ്കോ​ട്, മ​ണ്ണാ​ർ​ക്കാ​ട് വ​ഴി വേ​ണം ശ്രീ​കൃ​ഷ്ണ​പു​ര​ത്തേ​ക്ക് പോ​കാ​ൻ. വേ​റെ റോ​ഡ് മാ​ർ​ഗ​മി​ല്ല. ഒ​ടു​വി​ൽ രാ​ത്രി​യോ​ടെ പൊ​ലീ​സ് വാ​ഹ​ന​മെ​ത്തി 17 പേ​രെ​യും സ്റ്റേ​ഷ​നി​ലേ​ക്ക് കൊ​ണ്ടു​പോ​യി.

നി​വ​ർ​ന്നു​നി​ൽ​ക്കാ​നോ ഇ​രി​ക്കാ​നോ പോ​ലും സൗ​ക​ര്യ​മി​ല്ലാ​ത്ത ഇ​ടു​ങ്ങി​യ ജ​യി​ല​റ​യി​ൽ ശു​ചി​മു​റി​യി​ൽ പോ​കാ​ൻ​പോ​ലും സൗ​ക​ര്യ​മി​ല്ലാ​തെ, അ​ടി​വ​സ്ത്രം മാ​ത്രം ധ​രി​ച്ചു നി​ന്ന​ത് ര​വീ​ന്ദ്ര​നാ​ഥ​ൻ ഇ​ന്നും വ്യ​ക്ത​മാ​യി ഓ​ർ​ക്കു​ന്നു. രാ​വി​ലെ വി​ടു​മെ​ന്നാ​യി​രു​ന്നു പ്ര​തീ​ക്ഷ. എ​ന്നാ​ൽ, രാ​ത്രി 12ഓ​ടെ അ​ന്ന​ത്തെ ജി​ല്ല പൊ​ലീ​സ് മേ​ധാ​വി മൊ​യ്തീ​ൻ​കു​ഞ്ഞ് സ്ഥ​ല​ത്തെ​ത്തി​യ​പ്പോ​ഴാ​ണ് വി​ഷ​യ​ത്തി​ന്‍റെ ഗൗ​ര​വം മ​ന​സ്സി​ലാ​യ​തെ​ന്ന് ര​വീ​ന്ദ്ര​നാ​ഥ​ൻ പ​റ​യു​ന്നു.

അ​ടി​യ​ന്ത​രാ​വ​സ്ഥ​ക്കാ​ല​ത്ത് പ്ര​തി​ഷേ​ധ​ങ്ങ​ൾ​ക്ക് വി​ല​ക്കു​ണ്ടാ​യി​രു​ന്ന​ത് സം​ബ​ന്ധി​ച്ച് ത​ങ്ങ​ൾ​ക്ക് അ​റി​വു​ണ്ടാ​യി​രു​ന്നി​ല്ലെ​ന്നും ആ ​ഒ​രു ദി​വ​സ​ത്തെ ലോ​ക്ക​പ്പ് ജീ​വി​തം ഒ​രി​ക്ക​ലും മ​റ​ക്കി​ല്ലെ​ന്നും അ​ദ്ദേ​ഹം പ​റ​ഞ്ഞു. പി​റ്റേ​ന്ന് മ​ണ്ണാ​ർ​ക്കാ​ട് കോ​ട​തി​യി​ൽ ഹാ​ജ​രാ​ക്കി പെ​രി​ന്ത​ൽ​മ​ണ്ണ ജ​യി​ലി​ലേ​ക്ക് റി​മാ​ൻ​ഡ് ചെ​യ്തു.

പി​ന്നീ​ട് അ​ടി​യ​ന്ത​രാ​വ​സ്ഥ​ക്കെ​തി​രെ നാ​ടു​നീ​ളെ പ്ര​തി​ഷേ​ധ​ങ്ങ​ളു​ണ്ടാ​യി. അ​ന്ന​ത്തെ മ​ല​പ്പു​റം എം.​എ​ൽ.​എ മു​സ്ത​ഫ പൂ​ക്കോ​യ ത​ങ്ങ​ളും ജ​യി​ലി​ൽ ഉ​ണ്ടാ​യി​രു​ന്ന​താ​യി ര​വീ​ന്ദ്ര​നാ​ഥ​ൻ ഓ​ർ​ക്കു​ന്നു. ജ​യി​ൽ നി​റ​ഞ്ഞ​പ്പോ​ൾ പാ​ല​ക്കാ​ട്ടു​നി​ന്നു​ള്ള 17 പേ​രെ​യും ചാ​വ​ക്കാ​ട്ടെ ജ​യി​ലി​ലേ​ക്കു മാ​റ്റി. ആ​ഴ്ച​യി​ൽ ഒ​രു​ദി​വ​സം മാ​ത്ര​മേ സ​ന്ദ​ർ​ശ​ക​രെ അ​നു​വ​ദി​ച്ചി​രു​ന്നു​ള്ളൂ. 43 ദി​വ​സം ജ​യി​ലി​ൽ കി​ട​ന്നു. പി​ന്നീ​ട് മാ​പ്പ് എ​ഴു​തി​ന​ൽ​കി​യാ​ണ് പു​റ​ത്തു​വ​ന്ന​ത്.

17 അം​ഗ സം​ഘ​ത്തി​ലെ ആ​റ് പേ​ർ മാ​ത്ര​മാ​ണ് നി​ല​വി​ൽ ജീ​വി​ച്ചി​രി​ക്കു​ന്ന​ത്. ജ​യി​ലി​ൽ​നി​ന്ന് ഇ​റ​ങ്ങി​യ​ശേ​ഷം പു​ലാ​പറ്റ​യി​ലേ​ക്ക് താ​മ​സം മാ​റി. കോ​ഓ​പ​റേ​റ്റി​വ് ബാ​ങ്ക് ജീ​വ​ന​ക്കാ​ര​നാ​യി​രു​ന്നു. ര​ണ്ടു​വ​ട്ടം ക​ട​മ്പ​ഴി​പ്പു​റം ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്‍റു​മാ​യി​രു​ന്നു. നി​ല​വി​ൽ വി​ശ്ര​മ​ജീ​വി​ത​ത്തി​ലാ​ണ്. ഭാ​ര്യ: റി​ട്ട. അ​ധ്യാ​പി​ക പാ​റു​ക്കു​ട്ടി. മ​ക്ക​ൾ: പ്ര​ജീ​ഷ്, ഷ​ബി​ൻ.