പാ​ട്ട്​ തു​ന്നി​യ കു​പ്പാ​യം

കാ​ഞ്ഞി​ര​പ്പ​ള്ളി: ത​യ്യ​ൽ മെ​ഷീ​ന്‍റെ താ​ള​ത്തി​നൊ​പ്പം ചു​ണ്ടി​ൽ നി​ന്നു​തി​രു​ന്ന​ പാ​ട്ട്​ അ​വ​സാ​നി​ക്കു​മ്പോ​ഴേ​ക്കും ഒ​രു ഷ​ർ​ട്ട് ത​യ്ച്ച് തീ​ർ​ന്നി​രി​ക്കും ഷി​ഹാ​ബ്. സം​ഗീ​ത​വും ത​യ്യ​ൽ മെ​ഷീ​നി​ൽ കൊ​രു​ത്ത സൂ​ചി​യും ചേ​ർ​ത്ത് ക​ന്നു​പ​റ​മ്പി​ൽ ഷി​ഹാ​ബ് അ​ലി​ഫ് എ​ന്ന ക​ലാ​കാ​ര​ൻ ഇ​തു​വ​രെ തു​ന്നി​യെ​ടു​ത്ത് 25ല​ധി​കം ഷ​ർ​ട്ടു​ക​ൾ. 32 വ​ർ​ഷ​മാ​യി ത​യ്യ​ൽ ജോ​ലി ചെ​യ്യു​ന്ന ഷി​ഹാ​ബ് 2019 ലാ​ണ് ആ​ദ്യ​മാ​യി പാ​ട്ടി​നൊ​പ്പം ഷ​ർ​ട്ട് ത​യ്ച്ച് തീ​ർ​ത്ത​ത്.

72 ഷ​ർ​ട്ടി​ൽ പ്രാ​ക്ടീ​സ് ചെ​യ്ത ശേ​ഷ​മാ​ണ് ആ​ദ്യ വി​ജ​യം. പാ​ട്ടി​ന്‍റെ​യും ത​യ്യ​ലി​ന്‍റെ​യും സ​മ​യം ഒ​രു പോ​ലെ കൊ​ണ്ടു​പോ​വു​ക​യെ​ന്ന​താ​ണ്​ ഇ​തി​ലെ പ്ര​ധാ​ന ക​ട​മ്പ​യെ​ന്ന് അ​ദ്ദേ​ഹം പ​റ​ഞ്ഞു. അ​ഞ്ചു​മി​നി​റ്റ് 19 സെ​ക്ക​ൻ​ഡു​ക​ൾ കൊ​ണ്ട് ഓ​ർ​ക്ക​സ്ട്ര​യു​ടെ അ​ക​മ്പ​ടി​യി​ൽ പാ​ട്ട് പാ​ടി ഷ​ർ​ട്ട് ത​യ്ച്ചി​ട്ടു​ണ്ട്. ‘ഇ​ന്ന​ലെ മ​യ​ങ്ങു​മ്പോ​ൾ ഒ​രു മ​ണി​ക്കി​നാ​വി​ന്‍റെ’ എ​ന്ന ച​ല​ച്ചി​ത്ര ഗാ​ന​വും ‘മു​ടി പൂ​ക്ക​ൾ വാ​ടി​യാ​ലെ​ൻ ഓ​മ​നേ’ എ​ന്ന ഓ​ണ​പ്പാ​ട്ടും എ​ല്ലാം ഷ​ർ​ട്ടി​ന് അ​ക​മ്പ​ടി​യാ​യി​ട്ടു​ണ്ട്.

ഷ​ർ​ട്ടി​നാ​വ​ശ്യ​മാ​യ അ​ള​വി​ൽ തു​ണി വെ​ട്ടി വെ​ച്ച​ശേ​ഷ​മാ​ണ്​ പാ​ട്ടി​നൊ​പ്പം ത​യ്ക്കു​ന്ന​ത്. ത​യ്യ​ൽ രം​ഗ​ത്തു​ള്ള​വ​ർ​ക്ക് പ്ര​ചോ​ദ​ന​വും പ്രോ​ത്സാ​ഹ​ന​വു​മാ​യാ​ണ് ഇ​ത് ചെ​യ്യു​ന്ന​തെ​ന്ന് ഷി​ഹാ​ബ് പ​റ​ഞ്ഞു. കാ​ഞ്ഞി​ര​പ്പ​ള്ളി കോ​ക്കാ​പ്പ​ള്ളി​ൽ റോ​ഡി​ൽ സ്വ​ന്ത​മാ​യി അ​ലി​ഫ് യൂ​നി​ഫോം​സ് എ​ന്ന ത​യ്യ​ൽ സ്ഥാ​പ​നം ന​ട​ത്തു​ക​യാ​ണ് ഷി​ഹാ​ബ്. 10 ജീ​വ​ന​ക്കാ​രു​ള്ള സ്ഥാ​പ​ന​ത്തി​ൽ പ്ര​ധാ​ന​മാ​യും സ്കൂ​ൾ യൂ​നി​ഫോ​മു​ക​ളാ​ണ് ത​യ്ക്കു​ന്ന​ത്.

നി​ര​വ​ധി ടി.​വി. ഷോ​ക​ൾ ചെ​യ്തി​ട്ടു​ണ്ട്. കാ​ഞ്ഞി​ര​പ്പ​ള്ളി ഉ​പ ജി​ല്ല ക​ലോ​ത്സ​വം നി​ര​വ​ധി ത​വ​ണ ഉ​ദ്ഘാ​നം ചെ​യ്തി​ട്ടു​ണ്ട് ഈ ​ക​ലാ​കാ​ര​ൻ. വേ​റി​ട്ട ക​ഴി​വി​ന് ‘ജ​പ്പാ​ൻ ജൂ​ക്കി മി​ഷ്യ​ൻ’ അ​വാ​ർ​ഡ് ല​ഭി​ച്ചി​ട്ടു​ണ്ട്. കാ​ഞ്ഞി​ര​പ്പ​ള്ളി ജ​ന​മൈ​ത്രി പൊ​ലീ​സും നി​ര​വ​ധി സാം​സ്കാ​രി​ക സം​ഘ​ട​ന​ക​ളും പു​ര​സ്കാ​ര​ങ്ങ​ൾ ന​ൽ​കി ആ​ദ​രി​ച്ചു.

ബോ​ബി ചെ​മ്മ​ണ്ണൂ​രി​ന് നേ​രി​ട്ട് പാ​ട്ടു പാ​ടി ഷ​ർ​ട്ട് ത​യ​ച്ച് കൊ​ടു​ത്ത​പ്പോ​ൾ ഇ​ത് എ​ട്ടാ​മ​ത്തെ ലോ​ക അ​ത്ഭു​ത​മെ​ന്നാ​ണ് ബോ​ബി പ​റ​ഞ്ഞ​ത്. നാ​ട്ടി​ലെ അ​റി​യ​പ്പെ​ടാ​ത്ത ക​ലാ​കാ​ര​ന്മാ​രെ പ​രി​ച​യ​പ്പെ​ടു​ത്തു​ന്ന ‘എ​ന്‍റെ നാ​ടി​ന്‍റെ ക​ലാ​കാ​ര​ന്മാ​ർ’ എ​ന്ന ഫേ​സ്ബു​ക്ക് പേ​ജും ഷി​ഹാ​ബി​ന്‍റേ​താ​ണ്.

ഇ​ര​ട്ട സ​ഹോ​ദ​ര​നാ​യ ഓ​ട്ടോ തൊ​ഴി​ലാ​ളി മു​ജീ​ബ് അ​ഞ്ചു വ​ർ​ഷം മു​മ്പ് വി​ട​പ​റ​ഞ്ഞ​ത്​ ഇ​ന്നും തീ​രാ ദു:​ഖ​മാ​യി മ​ന​സി​ൽ അ​വ​ശേ​ഷി​ക്കു​ന്നു. കാ​ഞ്ഞി​ര​പ്പ​ള്ളി സെൻറ് ആ​ൻ​റ​ണീ​സ് കോ​ള​ജ് അ​ധ്യാ​പി​ക​യാ​യ ര​ഹ്‌​ന​യാ​ണ് ഭാ​ര്യ. മൂ​ന്നാം വ​ർ​ഷ ബി​രു​ദ വി​ദ്യാ​ർ​ഥി​യാ​യ അ​ൻ​സ​ഫ്, പ​ത്താം ക്ലാ​സ് വി​ദ്യാ​ർ​ഥി​യാ​യ ആ​സി​ഫ് എ​ന്നി​വ​രാ​ണ് മ​ക്ക​ൾ.