രാ​മാ​യ​ണ​ങ്ങ​ൾ നി​ര​വ​ധി

രാമാ​യ​ണ​ങ്ങ​ൾ എ​ത്ര​യു​ണ്ട് എ​ന്ന ചോ​ദ്യ​ത്തി​ന് ഉ​ത്ത​ര​മേ​കു​ന്ന ര​സ​ക​ര​മാ​യൊ​രു അ​ർ​ഥവാ​ദ​ക​ഥ​യു​ണ്ട്. ഒ​രി​ക്ക​ൽ രാ​ജ​സിം​ഹാ​സ​ന​ത്തി​ലി​രി​ക്കു​ന്ന ശ്രീ​രാ​മ​ന്റെ മോ​തി​രം താ​ഴെവീ​ണു. ഭൂ​മി തു​ര​ന്ന് അ​ത് പാ​താ​ള​ത്തി​ലെ​ത്തി. മോ​തി​രം ക​ണ്ടെ​ത്താ​ൻ ഹ​നു​മാ​ൻ നി​യു​ക്ത​നാ​യി. പാ​താ​ള​ത്തി​ലെ​ത്തി​യ സൂ​ക്ഷ്മ​രൂ​പി​യാ​യ ഹ​നു​മാ​നെ അ​വി​ട​ത്തെ ഭൂ​ത​രാ​ജാ​വ് ത​ടു​ത്ത​പ്പോ​ൾ അ​ദ്ദേ​ഹം രാ​മ​നാ​മം ജ​പി​ക്കാ​ൻ തു​ട​ങ്ങി.

പി​ന്നീ​ട് വ​ന്ന കാ​ര്യം വെ​ളി​പ്പെ​ടു​ത്തി. അ​പ്പോ​ൾ ഭൂ​ത​രാ​ജാ​വ് വ​ലി​യൊ​രു ത​ളി​ക​യി​ൽ ആ​യി​ര​ക്ക​ണ​ക്കി​ന് മോ​തി​ര​ങ്ങ​ളു​മാ​യി വ​ന്നു. രാ​മാ​വ​താ​ര​ത്തി​ന്റെ അ​വ​സാ​ന​കാ​ല​ത്ത് വീ​ഴു​ന്ന മോ​തി​ര​ങ്ങ​ളാ​ണ് ഈ ​ത​ളി​ക​യി​ലു​ള്ള​തെ​ന്നും തി​രി​കെ ചെ​ല്ലു​മ്പോ​ൾ ഹ​നു​മാ​നെ പ​റ​ഞ്ഞുവി​ട്ട ആ ​രാ​മ​ന്റെ അ​വ​താ​ര​വും അ​വ​സാ​നി​ച്ചി​രി​ക്കു​മെ​ന്നും പ​റ​ഞ്ഞ് മ​ട​ക്കി അ​യ​ച്ചു​വ​ത്രെ.

കാ​വ്യേ​തി​ഹാ​സ​മാ​യ രാ​മാ​യ​ണ​ത്തി​ന് വി​വി​ധ ദേ​ശ–​കാ​ല–​ഭാ​ഷ​ക​ളി​ൽ അ​നേ​കം പ​രി​ഭാ​ഷ​ക​ളും പാ​ഠ​ങ്ങ​ളും ആ​ഖ്യാ​ന​ങ്ങ​ളു​മു​ണ്ട്. ചൈ​ന, ലാ​വോ​സ്, ക​ംബോഡി​യ, ജ​പ്പാ​ൻ, താ​യ്​​ല​ൻഡ്, തിബത്ത് തു​ട​ങ്ങി​യ വി​വി​ധ രാ​ജ്യ​ങ്ങ​ൾ വൈ​വി​ധ്യാ​ത്മ​ക​വും വൈ​ചി​ത്യ്ര​പൂ​ർ​ണ​വു​മാ​യാ​ണ് അ​തി​നെ സ്വാം​ശീ​ക​രി​ച്ചി​രി​ക്കു​ന്ന​ത്.

അ​തു​കൊ​ണ്ടാ​ണ് അ​ധ്യാ​ത്മ​രാ​മാ​യ​ണം സം​സ്​​കൃ​ത മൂ​ല​കൃ​തി​യി​ൽ ‘‘പ​ല പ​ണ്ഡി​ത​രി​ൽ​നി​ന്നും രാ​മാ​യ​ണ​ങ്ങ​ൾ പ​ല​തും ശ്രു​തി​പ്പെ​ട്ടി​ട്ടു​ണ്ട്’’ (രാ​മാ​യ​ണാ​നി ബ​ഹു​ശഃ/​ശ്രു​താ​നി ബ​ഹു​ഭി​ർ ദ്വി​ജൈഃ–​അ​ധ്യാ​ത്മ​രാ​മാ​യ​ണം–2.4.77) എ​ന്ന് പ​റ​ഞ്ഞി​രി​ക്കു​ന്ന​ത്. ‘‘രാ​മാ​യ​ണ​ങ്ങ​ൾ പ​ല​വും ക​പി​വ​ര–/​രാ​മോ​ദ​മോ​ടു പ​റ​ഞ്ഞു​കേ​ൾ​പ്പു​ണ്ടുഞാ​ൻ’’ എ​ന്ന് അ​ധ്യാ​ത്മരാ​മാ​യ​ണം കി​ളി​പ്പാ​ട്ടി​ൽ തു​ഞ്ച​ത്താ​ചാ​ര്യ​ൻ സീ​ത​യി​ലൂ​ടെ പ​റ​യു​ന്ന​തി​ന്റെ കാ​ര​ണ​വും മ​റ്റൊ​ന്ന​ല്ല.

ഹ​നു​മാ​ൻ മു​ഖ്യ​ക​ഥാ​പാ​ത്ര​മാ​കു​ന്ന വ്യൂ ​ചെ​ങ്–​എ​ൻ ര​ചി​ച്ച ഹി​ഷി​യൂ​ച്ചി രാ​മാ​യ​ണം, ബോ​ധി​സ​ത്വ​ൻ ക​ഥാ​നാ​യ​ക​നാ​യി വ​രു​ന്ന രാ​മാ​യ​ണം, ജം​ബു​ദ്വീ​പി​ൽ ഭ​ര​ണം ന​ട​ത്തി​യ ദ​ശ​ര​ഥ​മ​ഹാ​രാ​ജാ​വി​ന്റെ ക​ഥ പ​റ​യു​ന്ന രാ​മാ​യ​ണം എ​ന്നി​വ ചൈ​ന​യി​ൽ പ്ര​ചാ​ര​ത്തി​ലു​ണ്ട്.

നി​ഴ​ൽ​നാ​ട​ക​മാ​യും പാ​വ​നാ​ട​ക​മാ​യും രം​ഗ​ത്ത​വ​ത​രി​പ്പി​ക്കാ​റു​ള്ള രാ​മ​കീ​ർ​ത്തി​യെ​ന്ന ക​ം​േബാ​ഡി​യ​ൻ രാ​മാ​യ​ണം, ഹ​നു​മാ​ന് വി​ചി​ത്ര​ജ​ന്മ​മേ​കു​ന്ന ലാ​വോസി​ന്റെ രാ​മാ​യ​ണം, കേ​ൾ​വി​യി​ലൂ​ടെ​യും വാ​യ​ന​യി​ലൂ​ടെ​യും രാ​മ​നെ​പ്പോ​ലെ വി​ജ​യം വ​രി​ക്കാ​നാ​കു​മെ​ന്ന് ത​ദ്ദേ​ശീ​യ​ർ വി​ശ്വ​സി​ക്കു​ന്ന ഇ​ന്തോ​നേ​ഷ്യ​ൻ രാ​മാ​യ​ണം, ഫി​ലി​പ്പൈ​ൻ​സി​ലെ ഗോ​ത്ര​വ​ർ​ഗക്കാ​ർ​ക്കി​ട​യി​ലെ മ​ല​യ​ൻ രാ​മാ​യ​ണം എ​ന്നി​വ വി​ദേ​ശ​ രാ​മാ​യ​ണ​ങ്ങ​ളി​ൽ ചി​ല​താ​ണ്.

ന​മ്മു​ടെ മ​ല​യാ​ള​ ഭാ​ഷ​യി​ൽ ചീ​രാ​മ​ക​വി​യെ​ഴു​തി​യ രാ​മ​ച​രി​തം, അ​യ്യി​പ്പി​ള്ള ആ​ശാ​ന്റെ രാ​മ​ക​ഥ​പ്പാ​ട്ട്, ക​ണ്ണ​ശ്ശ​രാ​മാ​യ​ണം, തു​ഞ്ച​ത്തെ​ഴു​ത്ത​ച്ഛ​ൻ ര​ചി​ച്ച അ​ധ്യാ​ത്മ​രാ​മാ​യ​ണം കി​ളി​പ്പാ​ട്ട് എ​ന്നി​വ മ​ല​യാ​ള​ ഭാ​ഷ​യു​ടെ​യും സാ​ഹി​ത്യ​ത്തിന്റെയും ഗ​തി​വി​ഗ​തി​ക​ൾ നി​ർ​ണയി​ച്ച കൃ​തി​ക​ളാ​ണ്. വ​യ​നാ​ട​ൻ ചെ​ട്ടി​രാ​മാ​യ​ണം, വ​യ​നാ​ട​ൻ സീ​താ​യ​നം, കു​ട്ടോ​ത്ത് മു​സ്​​ലിയാ​ർ എ​ഴു​തി​യ​തെ​ന്ന് ക​രു​ത​പ്പെ​ടു​ന്ന മാ​പ്പി​ള​രാ​മാ​യ​ണം എ​ന്നി​വ നാ​ടോ​ടി രാ​മാ​യ​ണ​ങ്ങ​ളി​ൽ​പ്പെ​ടു​ന്നു.