കാബൂളിൽ നിന്ന്​ ഒരൊന്നാം ക്ലാസുകാരി

കോ​ട്ട​യം: കു​ഞ്ഞു​ബെ​ഹ്​​സ​ക്ക്​ എ​ല്ലാം അ​ത്ഭു​ത​മാ​യി​രു​ന്നു. പ​ട​ർ​ന്നു​പ​ന്ത​ലി​ച്ച മാ​വി​ൻ​ചു​വ​ട്ടി​ലെ സ്കൂ​ളും പൂ​ക്ക​ൾ ​കൈ​യി​ലേ​ന്തി നി​റ​ചി​രി​യോ​ടെ വ​ര​​വേ​ൽ​ക്കു​ന്ന അ​ധ്യാ​പി​ക​മാ​രും ക​ല​പി​ല വെ​ക്കു​ന്ന കു​ഞ്ഞു​കൂ​ട്ടു​കാ​രും... വേ​റെ ഏ​തോ ലോ​ക​ത്തെ​ത്തി​യ​പോ​ലെ ആ​യി​രു​ന്നു ആ ​ആ​റു​വ​യ​സ്സു​കാ​രി. കേ​ട്ട​റി​ഞ്ഞ്​ പ​ല​രും ബെ​ഹ്​​സ​യെ കാ​ണാ​നും സെ​ൽ​ഫി എ​ടു​ക്കാ​നു​മെ​ത്തി.

ചോ​ദ്യ​ങ്ങ​​ൾ​ക്കെ​ല്ലാം ഇം​ഗ്ലീ​ഷി​ൽ മ​റു​പ​ടി പ​റ​ഞ്ഞ്​ അ​പ​രി​ചി​ത​ത്വ​മി​ല്ലാ​തെ തു​ള്ളി​ച്ചാ​ടി ന​ട​ന്നു ബെ​ഹ്​​സ. ആ​ർ​പ്പൂ​ക്ക​ര മു​ടി​യൂ​ർ​ക്ക​ര ഗ​വ. എ​ൽ.​പി സ്കൂ​ളി​നെ പ്ര​വേ​ശ​നോ​ത്സ​വ ദി​ന​ത്തി​ൽ ശ്ര​ദ്ധാ​കേ​ന്ദ്ര​മാ​ക്കി​യ​ത്​ ബെ​ഹ്​​സ ക​രീ​മി എ​ന്ന അ​ഫ്​​ഗാ​ൻ ​കു​രു​ന്നാ​ണ്. ​എം.​ജി സ​ർ​വ​ക​ലാ​ശാ​ല​യി​ൽ ഗ​വേ​ഷ​ണം ചെ​യ്യു​ന്ന കാ​ബൂ​ൾ സ്വ​ദേ​ശി മു​ഹ​മ്മ​ദ്​ ഫ​ഹീം ക​രീ​മി​യു​ടെ​യും ഇ​ലാ​ഹ സാ​ഹി​റി​ന്‍റെ​യും മൂ​ത്ത മ​ക​ളാ​ണ്​ ബെ​ഹ്​​സ. നാ​ലു​വ​ർ​ഷം മു​മ്പാ​ണ്​ ഇ​വ​ർ കോ​ട്ട​യ​ത്തെ​ത്തി​യ​ത്.

സ്കൂ​ളി​നു​സ​മീ​പം ഹൗ​സി​ങ്​ ബോ​ർ​ഡ്​ കോ​ള​നി​യി​ലാ​ണ്​ താ​മ​സം. ഗ​വേ​ഷ​ണം പൂ​ർ​ത്തി​യാ​കു​ന്ന​തു​വ​രെ കു​ടും​ബ​ത്തി​ന്​ കോ​ട്ട​യ​ത്തു​ത​ന്നെ തു​ട​ര​ണം. അ​തി​നാ​ലാ​ണ്​ മ​ക​ളെ ഇ​വി​ടെ ഒ​ന്നാം​ക്ലാ​സി​ൽ ചേ​ർ​ത്ത​ത്. എ​സ്.​എ​ച്ച് മൗ​ണ്ടി​ലെ സ്കൂ​ളി​ലാ​ണ്​ ബെ​ഹ്​​സ എ​ൽ.​കെ.​ജി​യും യു.​കെ.​ജി​യും പ​ഠി​ച്ച​ത്. ഇം​ഗ്ലീ​ഷും ഹി​ന്ദി​യും ഉ​ർ​ദു​വും സം​സാ​രി​ക്കു​ന്ന ഇ​വ​ർ​ക്ക്​ മ​ല​യാ​ളം അ​റി​യി​ല്ല. ബെ​ഹ്​​സ​ക്കാ​വ​ട്ടെ ചി​ല കു​ഞ്ഞു​വാ​ക്കു​ക​ൾ അ​റി​യാം. ഇ​നി മ​ല​യാ​ളം പ​ഠി​ക്ക​ണം. ബെ​ഹ്​​സ​യി​ൽ​നി​ന്ന്​ ത​ങ്ങ​ൾ​ക്കും മ​ല​യാ​ളം പ​ഠി​ക്കാ​മെ​ന്ന പ്ര​തീ​ക്ഷ​യി​ലാ​ണ്​​ മു​ഹ​മ്മ​ദ്​ ഫ​ഹീ​മും ഇ​ലാ​ഹ​യും.

മാ​താ​പി​താ​ക്ക​ൾ​ക്കും അ​നി​യ​ൻ ബ​ഹ​ർ ക​രീ​മി​ക്കും ഒ​പ്പ​മാ​ണ്​ ബെ​ഹ്​​സ ആ​ദ്യ​ദി​നം സ്കൂ​ളി​ലെ​ത്തി​യ​ത്. ​പ്ര​ഥ​മാ​ധ്യാ​പി​ക കെ. ​സി​ന്ധു​മോ​ളും ക്ലാ​സ്​ ടീ​ച്ച​ർ സോ​ളി​യ​മ്മ ജേ​ക്ക​ബും ബെ​ഹ്​​സ​യെ സ്വീ​ക​രി​ച്ചു. അ​ഫ്​​ഗാ​നി​ൽ​നി​ന്നു​ള്ള നാ​ലു​പേ​ർ​ കൂ​ടി എം.​ജി​യി​ൽ ഗ​വേ​ഷ​ണം ചെ​യ്യു​ന്നു​ണ്ട്. ഇ​വ​രി​ൽ കു​ടും​ബ​ത്തോ​ടൊ​പ്പം താ​മ​സി​ക്കു​ന്ന​ത്​ മു​ഹ​മ്മ​ദ്​ ഫ​ഹീം മാ​ത്ര​മാ​ണ്.