ഹാഫിസ് ഉമ്മർ സി.ബി.എസ്.ഇ ദേശീയ അത്‌ലറ്റിക്​ മീറ്റിന്​

ഷാർജ: യു.എ.ഇയിലെ സി.ബി.എസ്.ഇ സ്കൂളുകൾക്കായി നടന്ന അത്‌ലറ്റിക്​ ചാമ്പ്യൻഷിപ്പിൽ അണ്ടർ 19 ആൺകുട്ടികളുടെ ലോങ് ജംപിൽ ഒന്നാംസ്ഥാനം നേടിയ മലയാളി വിദ്യാർഥി ഹാഫിസ് ഉമ്മർ ദേശീയ മത്സരത്തിന് യോഗ്യത നേടി. ഒക്ടോബർ 15 മുതൽ 20 വരെ പഞ്ചാബിലെ പട്യാലയിൽ നടക്കുന്ന സി.ബി.എസ്.ഇ ദേശീയ അത്‌ലറ്റിക്​ മീറ്റിൽ യു.എ.ഇയെ പ്രതിനിധീകരിച്ച് ഹാഫിസ് മത്സരിക്കും. ഷാർജ ഗൾഫ് ഏഷ്യൻ ഇംഗ്ലീഷ് സ്കൂളിലെ പന്ത്രണ്ടാം ക്ലാസ് വിദ്യാർഥിയാണ്.

മലപ്പുറം ജില്ലയിലെ കാട്ടുമുണ്ട സ്വദേശികളായ ഉമ്മർകോയയുടെയും സലീനയുടെയും മകനാണ്. ഡോ. റീമ ഉമ്മർ, യാസീൻ ഉമ്മർ, റിസ്‌വാൻ ഉമ്മർ എന്നിവർ സഹോദരങ്ങളാണ്.