തഴയില്‍ ജീവിതം നെയ്തെടുക്കുന്നതിന്‍റെ സംതൃപ്തിയിൽ അംബുജം

അ​മ്പ​ല​പ്പു​ഴ: 72ാം വ​യ​സ്സിൽ ത​ഴ​പ്പാ​യ​ക​ൾ നെ​യ്​​തൊ​രു​ക്കു​ക​യാ​ണ്​ അം​ബു​ജം. അ​മ്പ​ല​പ്പു​ഴ തെ​ക്ക് പ​ഞ്ചാ​യ​ത്ത് മൂ​ന്നാം വാ​ര്‍ഡി​ല്‍ ക​ട്ട​ക്കു​ഴി ക​റു​ക​മ്പ​റ​മ്പി​ല്‍ അം​ബു​ജം അ​യ​ല്‍വാ​സി​ക​ളും സു​ഹൃ​ത്തു​ക്ക​ളു​മാ​യ സു​ഭ​ദ്ര, ചെ​ല്ല​മ്മ, ഓ​മ​ന, ആ​ന​ന്ദ​വല്ലി എ​ന്നി​വ​രോ​ടൊ​പ്പം കാ​ലം കൈ​വി​ട്ട ത​ഴ​പ്പാ​യ​യി​ല്‍ ജീ​വി​തം ഇ​ഴ​ചേ​ര്‍ക്കു​ക​യാ​ണ്. പി​റ​ന്ന​ത് കു​ട്ട​നാ​ടി​ന്‍റെ മ​ണ്ണി​ന്‍റെ ഗ​ന്ധ​മു​ള്ള മാ​പ്പി​ള​ശേ​രി തു​ണ്ടു​പ​റ​മ്പി​ലാ​യി​രു​ന്നു.

അ​ന്ന​ത്തെ ജീ​വി​ത പ്രാ​രാ​ബ്ധം ത​ള്ളി​നീ​ക്കു​ക​യെ​ന്നതാ​യി​രു​ന്നു ഏ​റ്റ​വും വ​ലി​യ കാ​ര്യം.അ​ങ്ങ​നെ തി​രി​ച്ച​റി​വ് വെ​ക്കും​മു​മ്പെ കൈ​തോ​ല​ക​ളി​ല്‍ ത​ഴ​പ്പൊ​ളി​ക​ള്‍കൊ​ണ്ട് ജീ​വി​ത​ത്തി​ലേ​ക്കു​ള്ള അ​ക്ഷ​ര​ങ്ങ​ള്‍ കു​റി​ച്ചു.അ​മ്മ പെ​ണ്ണ​മ്മ​യാ​ണ് അം​ബു​ജ​ത്തി​ന്‍റെ കൈ​പി​ടി​ച്ച് ത​ഴ​പ്പൊ​ളി​ക​ള്‍ കോ​ര്‍ത്തി​ണ​ക്കി ജീ​വി​ത​ത്തി​ലേ​ക്കു​ള്ള വെ​ളി​ച്ചം പ​ക​ര്‍ന്ന​ത്. പാ​ര​മ്പ​ര്യം നി​ല​നി​ര്‍ത്താ​ന്‍ ആ​രും മു​ന്നി​ട്ടി​റ​ങ്ങു​ന്നി​ല്ലെ​ന്ന പ​രി​ഭ​വം മാ​ത്ര​മാ​ണ് വ​നി​താ​ദി​ന​ത്തി​ല്‍ അം​ബു​ജ​ത്തി​ന് പ​ങ്കി​ടാ​നു​ള്ള​ത്.

കി​ട​പ്പാ​യ​ക്ക് പു​റ​മെ നെ​ല്ലു​ണ​ക്കു​ന്ന ചി​ക്കു​പാ​യ​യും വി​ത്ത് കി​ളി​ര്‍പ്പി​ക്കാ​നും സാ​ധ​ന​ങ്ങ​ള്‍ മാ​ര്‍ക്ക​റ്റു​ക​ളി​ല്‍ നി​ന്നും കൊ​ണ്ടു​വ​രു​ന്ന​തി​നും ഉ​പ​യോ​ഗി​ക്കു​ന്ന വ​ട്ടി​യും കു​ട്ടി​ക​ളെ കി​ട​ത്തു​ന്ന ചെ​റി​യ പാ​യ​ക​ളും ശ​ര്‍ക്ക​ര​വ​ല്ല​ങ്ങ​ളും ഉ​ണ്ടാ​ക്കി​യി​രു​ന്നു. അ​തി​നെ​ല്ലാം ആ​വ​ശ്യ​ക്കാ​ര്‍ ഏ​റെ​യാ​യി​രു​ന്നു. എ​ന്നാ​ല്‍ ത​ഴ​ക്കൈ​ത​ക​ളു​ടെ വം​ശ​നാ​ശ​വും ഈ ​രം​ഗ​ത്തേ​ക്ക് പു​തി​യ ത​ല​മു​റ​ക്ക്​ താ​ല്‍പ​ര്യം ഇ​ല്ലാ​താ​യ​തും ത​ഴ​പ്പാ​യ​ക​ൾ ത​ഴ​യ​പ്പെ​ടാ​ൻ കാ​ര​ണ​മാ​യി. ഇ​തേ രം​ഗ​ത്ത് പ്ലാ​സ്റ്റി​ക് ഉ​ൽപന്ന​ങ്ങ​ളു​ടെ ക​ട​ന്നു​വ​ര​വും തി​രി​ച്ച​ടി​യാ​യി. ഇ​ന്ന് അ​ത്ത​രം ഉ​ൽപ​ന്ന​ങ്ങ​ള്‍ ഒ​ഴി​വാ​ക്കാ​ന്‍ സ​ര്‍ക്കാ​ര്‍ മു​ന്നി​ട്ടി​റ​ങ്ങു​മ്പോ​ഴും അ​തി​ന് പ​രി​ഹാ​ര​മാ​യ പാ​ര​മ്പ​രാ​ഗ​ത വ​സ്തു​ക്ക​ള്‍ വി​പ​ണി​യി​ല്‍ സ​ജീ​വ​മാ​ക്കാ​ന്‍ ഒ​രു ന​ട​പ​ടി​യും സ്വീ​ക​രി​ച്ചി​ട്ടി​ല്ല.