വിജയത്തിന്‍റെ രുചിക്കൂട്ടൊരുക്കി നാൽവർ സംഘം

അ​ടി​മാ​ലി: വി​ജ​യ​ത്തി​ന്‍റെ രു​ചി​ക്കൂ​ട്ട് ഒ​രു​ക്കു​ക​യാ​ണ് കു​ടും​ബ​ശ്രീ പ്ര​വ​ർ​ത്ത​ക​രാ​യ വ​നി​ത​ക​ൾ. അ​ടി​മാ​ലി ആ​യി​ര​മേ​ക്ക​റി​ൽ ഡ്രീം​സ് എ​ന്ന പേ​രി​ൽ ഫു​ഡ് ​പ്രോഡക്ട് യൂ​നി​റ്റ് തു​ട​ങ്ങി വി​ജ​യം വ​രി​ച്ചി​രി​ക്കു​ക​യാ​ണ് ഈ ​നാ​ൽ​വ​ർ സം​ഘം.

ആ​രോ​ഗ്യ​ക​ര​മാ​യ ഭ​ക്ഷ​ണം എ​ല്ലാ വീ​ടു​ക​ളി​ലും എ​ത്തി​ക്കു​ക​യെ​ന്ന ല​ക്ഷ്യ​ത്തോ​ടെ ചെ​റി​യ രീ​തി​യി​ൽ തു​ട​ങ്ങി​യ ഭ​ക്ഷ്യ​നി​ർ​മാ​ണ യൂ​നി​റ്റി​ന്‍റെ രു​ചി​പ്പെ​രു​മ സ്വ​ന്തം നാ​ട്​ ക​ട​ന്ന്​ ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ലെ​ത്തി​യി​രി​ക്കു​ന്നു. അ​ടി​മാ​ലി ആ​യി​ര​മേ​ക്ക​ർ സ്വ​ദേ​ശി​നി​ക​ളാ​യ ബി​നു ജ​യ്സ്, ഹാ​ജ​റ സ​ലിം, ജ്യോത്സ​ന, അ​മ്പി​ളി എ​ന്നി​വ​രാ​ണ് വി​ജ​യ​ത്തി​ന്‍റെ രു​ചി​ക്കൂ​ട്ട് ഒ​രു​ക്കു​ന്ന​ത്.

ജാ​ക് ഫ്രൂ​ട്ട് പൗ​ഡ​ർ, ചി​പ്സ്, ബ​നാ​ന ചി​പ്സും പൗ​ഡ​റും, റാ​ഗി പൗ​ഡ​ർ, പാ​ല​പ്പം മി​ക്സ്, വ​ട്ട​യ​പ്പം മി​ക്സ്, ഇ​ഡ്ഡ​ലി മി​ക്സ്, ഗോ​ത​മ്പ് സ്റ്റീം ​പു​ട്ട് പൊ​ടി, അ​രി സ്റ്റീം ​പു​ട്ടു​പൊ​ടി, അ​പ്പം, ഇ​ടി​യ​പ്പം, പ​ത്തി​രി പൊ​ടി​ക​ൾ എ​ന്നി​വ​യാ​ണ്​ ഇ​വ​ർ നി​ർ​മി​ക്കു​ന്ന​ത്. ഇ​തി​നു​പു​റ​മെ പു​റ​മെ ബേ​ക്ക​റി ക​ട​ക​ളി​ലും ചാ​യ​ക്ക​ട​ക​ളി​ലും വ​ട്ട​യ​പ്പം, കോ​ഴി​ക്കോ​ട്ട, ഇ​ഡ്ഡ​ലി, ഇ​ടി​യ​പ്പം എ​ന്നി​വ​യും നേ​രി​ട്ട് ത​യാ​റാ​ക്കി എ​ത്തി​ക്കുന്നു.

ഉ​ൽ​പ​ന്ന​ങ്ങ​ൾ​ക്ക് മി​ക​ച്ച ഗു​ണ​നി​ല​വാ​രം ഉ​റ​പ്പു​വ​രു​ത്തു​ക​യെ​ന്ന​താ​ണ്​ പ്ര​ധാ​ന​മെ​ന്ന്​ ഇ​വ​ർ പ​റ​യു​ന്നു. ഇ​തോ​ടെ ആ​വ​ശ്യ​ക്കാ​രും ഏ​റി. വി​ജ​യ​ക​ര​മാ​യ ര​ണ്ടാം വാ​ർ​ഷി​കം ആ​ഘോ​ഷി​ക്കു​ക​യാ​ണ്​ ഈ ​വ​നി​താ കൂ​ട്ടാ​യ്മ ഇ​പ്പോ​ൾ. കൂ​ടു​ത​ൽ പ്ര​ദേ​ശ​ങ്ങ​ളി​ൽ നി​ന്ന് ആ​വ​ശ്യ​ക്കാ​ർ ഉ​ണ്ടെ​ങ്കി​ലും എ​ത്തി​ച്ച് ന​ൽ​കാ​ൻ പ്ര​യാ​സ​മാ​ണെ​ന്ന് ഇ​വ​ർ പ​റ​യു​ന്നു.