അഡ്വഞ്ചർ ടൂറിസം പദ്ധതിയുമായി വീട്ടമ്മമാർ

ച​ങ്ങ​നാ​ശ്ശേ​രി: പ്രാ​ദേ​ശി​ക ടൂ​റി​സം സാ​ധ്യ​ത മ​ന​സ്സി​ലാ​ക്കി അ​ഡ്വ​ഞ്ച​ർ ടൂ​റി​സം പ​ദ്ധ​തി ‘ജ​ല​കൃ​പ’ ന​ട​പ്പാ​ക്കി വീ​ട്ട​മ്മ​മാ​ർ. നീ​ലം​പേ​രൂ​ർ പ​ഞ്ചാ​യ​ത്ത് ഏ​ഴാം വാ​ർ​ഡി​ലാ​ണ് അ​ഞ്ചു​വീ​ട്ട​മ്മ​മാ​ർ ചേ​ർ​ന്ന് സം​രം​ഭം തു​ട​ങ്ങി​യ​ത്. ഷേ​ർ​ളി രാ​ജേ​ന്ദ്ര​ൻ, സ​ര​സ​മ്മ ബേ​ബി, സ​ന്ധ്യ സ​നോ​ജ്, മ​ണി​യ​മ്മ വി​നോ​ദ്, മോ​ളി രാ​ധാ​കൃ​ഷ്ണ​ൻ എ​ന്നി​വ​ർ ചേ​ർ​ന്നാ​ണ് ഉ​ൾ​നാ​ട​ൻ ജ​ല​ടൂ​റി​സം പ​ദ്ധ​തി ന​ട​ത്തു​ന്ന​ത്. സം​രം​ഭ​വും വ​രു​മാ​ന​വും വേ​ണ​മെ​ന്ന ആ​ഗ്ര​ഹ​മാ​ണ് പ​ഞ്ചാ​യ​ത്തി​ന്‍റെ​യും കു​ടും​ബ​ശ്രീ സി.​ഡി.​എ​സി​ന്‍റെ​യും നേ​തൃ​ത്വ​ത്തി​ൽ മൂ​ന്ന്​ കു​ടും​ബ​ശ്രീ​ക​ളി​ലെ അം​ഗ​ങ്ങ​ളാ​യ ഇ​വ​ർ ഒ​രു​മി​ച്ചു​ചേ​ർ​ന്ന​പ്പോ​ൾ യാ​ഥാ​ർ​ഥ്യ​മാ​യ​ത്.

സം​സ്ഥാ​ന സ​ർ​ക്കാ​റി​ന്‍റെ റീ​ബി​ൽ​ഡ് കേ​ര​ള ഡെ​വ​ല​പ്മെ​ന്‍റ്​ പ്രോ​ഗ്രാ​മി​ന്‍റെ​യും, കു​ടും​ബ​ശ്രീ ജി​ല്ല മി​ഷ​ന്‍റെ​യും, ബ്ലോ​ക്ക് പ​ഞ്ചാ​യ​ത്തി​ന്‍റെ​യും പൂ​ർ​ണ​പി​ന്തു​ണ​യും ഇ​വ​ർ​ക്കു​ണ്ട്. കു​ടും​ബ​ശ്രീ പൈ​ല​റ്റ് അ​ടി​സ്ഥാ​ന​ത്തി​ൽ ആ​ദ്യ​മാ​യി ക​മ്യൂ​ണി​റ്റി ടൂ​റി​സം പ​ദ്ധ​തി വി​വി​ധ പ​ഞ്ചാ​യ​ത്തു​ക​ളെ കേ​ന്ദ്രീ​ക​രി​ച്ച് നി​ല​വി​ൽ വ​രു​ന്ന​തി​നാ​ൽ, കൂ​ടു​ത​ൽ പ്ര​തീ​ക്ഷ​ക​ളു​മാ​യി കാ​ത്തി​രി​ക്കു​ക​യാ​ണി​വ​ർ. ന​ട​പ്പാ​ക്കാ​ൻ ക​ഴി​യി​ല്ലെ​ന്ന്​ ക​രു​തി​യ ഒ​രു പ​ദ്ധ​തി പ്രാ​വ​ർ​ത്തി​ക​മാ​ക്കി​യ​തി​ന്‍റെ സ​ന്തോ​ഷ​ത്തി​ലാ​ണ് ഈ ​വ​നി​ത​ക​ൾ.