രക്തദാനത്തിൽ മാതൃകയായി​ വിജി; 11 വ​ർ​ഷ​ത്തി​നി​ടെ ര​ക്ത​ദാ​നം ന​ട​ത്തിയത് 37 പേ​ർ​ക്ക്

ചെ​റു​തോ​ണി: ടൗ​ണി​ലെ ഓ​ട്ടോ​റി​ക്ഷ ഡ്രൈ​വ​റാ​യ പൈ​നാ​വ് താ​ന്നി​ക്ക​ണ്ടം സ്വ​ദേ​ശി​നി വി​ജി ഇ​തു​വ​രെ ര​ക്തം ദാ​നം ചെ​യ്ത​ത് 37 പേ​ർ​ക്ക്. ര​ക്ത​ദാ​ന ദി​ന​ത്തോ​ട​നു​ബ​ന്ധി​ച്ച് തൃ​ശൂ​ർ മെ​ഡി​ക്ക​ൽ കോ​ള​ജി​ൽ ന​ട​ന്ന ച​ട​ങ്ങി​ൽ സ​ർ​ക്കാ​ർ വി​ജി​യെ ആ​ദ​രി​ച്ചു. സം​സ്ഥാ​ന​ത്ത് ഇ​തൊ​രു സ​ർ​വ​കാ​ല റെ​ക്കോ​ഡാ​ണ്. മ​റ്റു​ള്ള​വ​ർ​ക്ക് ര​ക്തം ന​ൽ​കു​ന്ന​തി​ലൂ​ടെ സാ​യു​ജ്യം ക​ണ്ടെ​ത്തു​ന്ന വി​ജി ഒ​രി​ക്ക​ൽ​പോ​ലും ത​ന്‍റെ ര​ക്തം സ്വീ​ക​രി​ച്ച​വ​രെ ക​ണ്ടി​ട്ടി​ല്ല. 11 വ​ർ​ഷ​മാ​യി ഇ​വ​ർ ര​ക്തം ദാ​നം ചെ​യ്യു​ന്നു. 11 വ​ർ​ഷം മു​മ്പ്​ ഓ​ട്ടോ​റി​ക്ഷ​യി​ൽ ക​യ​റി​യ റ​ഫീ​ഖ്​ എ​ന്ന യു​വാ​വാ​ണ് വി​ജി​യെ ര​ക്ത​ദാ​ന​ത്തി​ന്‍റെ വ​ഴി​ക​ളി​ലേ​ക്ക് എ​ത്തി​ച്ച​ത്. അ​നാ​ഥാ​ല​യ​ത്തി​ൽ ഭ​ക്ഷ​ണ വി​ത​ര​ണ​ത്തി​ന് പോ​കാ​നാ​ണ് അ​ന്ന് ചെ​റു​തോ​ണി സ്റ്റാ​ൻ​ഡി​ൽ​നി​ന്ന് ഓ​ട്ടം വി​ളി​ച്ച​ത്.

അ​വി​ടെ ര​ക്ത​ദാ​ന​ക്യാ​മ്പും ന​ട​ന്നി​രു​ന്നു. അ​ന്ന​വി​ടെ ആ​ദ്യ​മാ​യി വി​ജി ര​ക്തം ദാ​നം ചെ​യ്താ​ണ് മ​ട​ങ്ങി​യ​ത്. ചെ​റു​തോ​ണി ടൗ​ണി​ലെ ഇ​മ്മാ​നു​വ​ൽ ഓ​ട്ടോ ആ​രെ​ങ്കി​ലും അ​ന്വേ​ഷി​ച്ചു വ​ന്നാ​ൽ മ​റ്റു​ള്ള​വ​ർ​ക്ക​റി​യാം. ആ​ർ​ക്കോ ര​ക്തം ആ​വ​ശ്യ​മു​ണ്ട്. ഇ​മ്മാ​നു​വേ​ൽ എ​ന്ന് ത​ന്‍റെ ഓ​ട്ടോ​ക്കു പേ​രി​ടാ​ൻ കാ​ര​ണ​വും വി​ജി പ​റ​യു​ന്ന​തി​ങ്ങ​നെ​യാ​ണ്..‘ ഇ​മ്മാ​നു​വേ​ൽ എ​ന്നാ​ൽ ദൈ​വം ന​മ്മോ​ടു കൂ​ടെ എ​ന്നാ​ണ്. ദൈ​വം എ​പ്പോ​ഴും കൂ​ടെ​യു​ണ്ടെ​ന്ന് ഞാ​ൻ വി​ശ്വ​സി​ക്കു​ന്നു’.

വ​ർ​ഷ​ങ്ങ​ൾ​ക്കു മു​മ്പ്​ ഇ​ടു​ക്കി ഡാം ​നി​ർ​മാ​ണ കാ​ല​ത്ത് റോ​ഡ്​ പ​ണി​ക്കു​വ​ന്ന പീ​റ്റ​റി​ന്‍റെ​യും മേ​രി​യു​ടെ​യും നാ​ലു​മ​ക്ക​ളി​ൽ ഇ​ള​യ​വ​ളാ​ണ് വി​ജി. നാ​ലു​മ​ക്ക​ളും ഡ്രൈ​വ​ർ​മാ​രാ​ണ​ന്ന പ്ര​ത്യേ​ക​ത​യും ഈ ​കു​ടും​ബ​ത്തി​നു​ണ്ട്. ക​ഷ്ട​പ്പാ​ടും ബു​ദ്ധി​മു​ട്ടു​ക​ളും നി​റ​ഞ്ഞ ബാ​ല്യ​കാ​ല​ത്ത് പ​ത്താം ക്ലാ​സ് പാ​സാ​യി ജീ​വി​ക്കാ​ൻ വേ​ണ്ടി സ്വ​യം തെ​ര​ഞ്ഞെ​ടു​ത്ത​താ​ണ് ഓ​ട്ടോ​ഡ്രൈ​വ​ർ ജോ​ലി. ര​ണ്ട്​ ആ​ൺ​മ​ക്ക​ളാ​ണി​വ​ർ​ക്ക്. മൂ​ത്ത മ​ക​ൻ ആ​ൽ​ബി​ൻ എ​റ​ണാ​കു​ള​ത്ത് സ്വ​കാ​ര്യ ക​മ്പ​നി​യി​ൽ ജോ​ലി ചെ​യ്യു​ന്നു. ര​ണ്ടാ​മ​ൻ അ​ബി​ൻ പ്ല​സ് ടു ​ക​ഴി​ഞ്ഞു. 2014ൽ ​ആ​ദ്യ​മാ​യി ര​ക്തം ന​ൽ​കു​മ്പോ​ൾ ഭ​യ​മാ​യി​രു​ന്നെ​ങ്കി​ൽ ഇ​പ്പോ​ൾ സ​ന്തോ​ഷ​വും ആ​ത്മ സം​തൃ​പ്തി​യു​മാ​ണെ​ന്നീ വീ​ട്ട​മ്മ പ​റ​യു​ന്നു.

ഏ​റ്റ​വു​മൊ​ടു​വി​ൽ ക​ഴി​ഞ്ഞ വ​നി​താ ദി​ന​ത്തി​ലാ​ണ് ര​ക്തം ദാ​നം ന​ൽ​കി​യ​ത്. ര​ക്ത​മെ​ല്ലാം ന​ൽ​കി​യ​ത് ഇ​ടു​ക്കി മെ​ഡി​ക്ക​ൽ കോ​ള​ജി​ലാ​ണ്. ഇ​തി​നി​ടെ രാ​ഷ്ടീ​യ​ത്തി​ലും ഒ​രു കൈ​പ​യ​റ്റി. ക​ഴി​യു​ന്നി​ട​ത്തോ​ളം പേ​ർ​ക്ക് ഇ​നി​യും ര​ക്തം​ദാ​നം ചെ​യ്യ​ണ​മെ​ന്നാ​ണ് 49കാ​രി​യാ​യ വി​ജി​യു​ടെ ആ​ഗ്ര​ഹം.