ഡോ. ടി.പി. സുകുമാരന്‍ പുരസ്കാരം ഷെറിക്കും ബാലകൃഷ്ണനും

കണ്ണൂര്‍: ഡോ. ടി.പി. സുകുമാരന്‍ സ്മാരക സാംസ്കാരിക കൂട്ടായ്മയായ ‘കൂട്ടം’ ഏര്‍പ്പെടുത്തിയ 2013 ലെ ഡോ. ടി.പി. സുകുമാരന്‍ പുരസ്കാരത്തിന് സിനിമ സംവിധായകന്‍ ഷെറി, പി.എം. ബാലകൃഷ്ണന്‍ എന്നിവര്‍ അര്‍ഹരായി.
താളവാദ്യം, സംഗീതം, കഥകളി, നാടകം, സാഹിത്യം എന്നീ മേഖലകളില്‍ കഴിഞ്ഞ ആറു പതിറ്റാണ്ടുകളായി നിറഞ്ഞുനിന്ന പി.എം. ബാലകൃഷ്ണന്‍െറ കലാജീവിതത്തോടുള്ള ആദരമായാണ് അദ്ദേഹത്തിന് പുരസ്കാരം നല്‍കാന്‍ തീരുമാനിച്ചത്. 10,001 രൂപയും ശില്‍പവും പ്രശസ്തി പത്രവുമാണ് അവാര്‍ഡ്. അവാര്‍ഡ് തുക രണ്ടുപേര്‍ക്കുമായി നല്‍കും.
ടി.എന്‍. പ്രകാശ്, കെ.ടി. ബാബുരാജ്, ബാലകൃഷ്ണന്‍ കൊയ്യാല്‍, കെ. പ്രസന്നന്‍ എന്നിവരടങ്ങുന്ന ജഡ്ജിങ് കമ്മിറ്റിയാണ് പുരസ്കാര ജേതാക്കളെ തെരഞ്ഞെടുത്തത്. ആഗസ്റ്റ് ആദ്യവാരം കണ്ണൂരില്‍ നടക്കുന്ന ചടങ്ങില്‍ പുരസ്കാരങ്ങള്‍ വിതരണം ചെയ്യും.