പി.സുരേന്ദ്രന്‍െറ തെരഞ്ഞെടുത്ത കഥകളുടെ പ്രകാശനം ജൂണ്‍ ഒന്നിന്.

പി.സുരേന്ദ്രന്‍െറ തെരഞ്ഞെടുത്ത കഥകളുടെ പ്രകാശനം ജൂണ്‍ ഒന്നിന് നടക്കും. കഥയെഴുത്തില്‍ മൂന്ന് പതിറ്റാണ്ട് പിന്നിടുന്ന അദ്ദേഹത്തിന്‍െറ 1981 മുതല്‍ 2011 വരെയുള്ള കഥകളാണ് ഡി.സി ബുക്സ് പ്രസിദ്ധീകരിക്കുന്നത്. ജൂണ്‍ ഒന്നിന് വൈകുന്നേരം അഞ്ചിന് തൃശൂര്‍ സാഹിത്യ അക്കാദമി വൈലോപ്പിള്ളി ഹാളിലാണ് പ്രകാശനം നടക്കുന്നത്. ചടങ്ങില്‍ കെ.വേണു അദ്ധ്യക്ഷത വഹിക്കും. ആലങ്കോട് ലീലാകൃഷ്ണന്‍ ആമുഖ പ്രഭാഷണം നടത്തും. സി.ആര്‍ പരമേശ്വരന്‍ പുസ്തക പ്രകാശനവും സെബാസ്റ്റ്യന്‍ ഏറ്റുവാങ്ങലും നിര്‍വഹിക്കും.