ഒ​ച്ച​യു​ടെ ശ​ബ്ദം

പാ​ർ​ട്ടി ഒ​രു സം​ഗീ​ത​മാ​ണ്

ഇ​രു​പ​ത്തി​യ​ഞ്ച് വ​ർ​ഷ​ത്തോ​ളം ഒ​രു സാ​ധാ​ര​ണ പാ​ർ​ട്ടി മെ​മ്പ​ർ മാ​ത്ര​മാ​യി​രു​ന്ന ദാ​മു എ​ന്ന ഒ​ച്ച​ ദാ​മു മൂ​ന്നുവ​ർ​ഷം മു​ന്നേ നാ​ൽ​പ​ത്തി​ര​ണ്ടാം വ​യ​സ്സി​ലാ​ണ് കു​ണ്ട​ൻതോ​ടി​ന്റെ സെ​ക്ര​ട്ട​റി​യാ​യ​ത്. ഞ​ങ്ങ​ൾ കു​ട്ടി​ക​ള​ട​ക്കം മു​ഴു​വ​ൻ നാ​ട്ടു​കാ​രു​ടെ​യും വ​ലി​യൊ​രു അ​ഗ്ര​ഹ​മാ​യി​രുന്നു ഒ​ച്ച ഒ​തേ​ന​ന്റെ മ​ക​ൻ ദാ​മു​വി​ന്റെ സെ​ക്ര​ട്ട​റി പ​ദ​വി. ഞ​ങ്ങ​ൾ​ക്ക് അ​ന്ന​ത്തെ കു​ട്ടി​ക​ൾ​ക്ക് ദാ​മു​വേ​ട്ട​നോ​ട് പ്ര​ത്യേ​കം സ്നേ​ഹമു​ണ്ടാ​യി​രു​ന്നു.

ദാ​മു​വേ​ട്ട​ൻ രാ​വി​ലെ​യും വൈ​കു​ന്നേ​ര​വും ബ​സ് സ്റ്റോ​പ്പി​ൽ ഉ​ണ്ടാ​യാ​ൽ എ​ല്ലാ ബ​സും ഞ​ങ്ങ​ൾ​ക്കുവേ​ണ്ടി കൃ​ത്യ​മാ​യി നി​ർ​ത്തും.​ ബ​സി​ൽ ഞ​ങ്ങ​ളെ മു​ഴു​വ​ൻ ക​യ​റ്റി സേ​ഫ് ആ​ക്കി​യി​ട്ടേ ദാ​മു​വേ​ട്ട​ൻ സ്റ്റോ​പ്പി​ൽനി​ന്നും പോ​കൂ... ഡ്രൈ​വ​റോ​ടും ക​ണ്ട​ക്ട​റോ​ടും ദാ​മു​വേ​ട്ട​ൻ പ​റ​യും, ‘‘ഇ​ന്ന് പ​ഠി​ക്കു​ന്ന കു​ട്ടി​ക​ളാ​ണ് നാ​ടി​ന്റെ നാ​ള​ത്തെ മു​ത​ല്... അ​തി​നുവേ​ണ്ടി​യാ​ണ് ഈ ​നാ​ട്ടി​ലെ സ​ക​ല സം​വി​ധാ​ന​വും! അ​തി​ന് ആ​ര് എ​തി​രു വ​ന്നാ​ലും ഞ​ങ്ങ​ൾ പ്ര​തി​ക​രി​ക്കും...’’

ദാ​മു​വേ​ട്ട​ൻ സെ​ക്ര​ട്ട​റി​യാ​യ​തി​ന് പി​ന്നി​ൽ ന​ട​ന്ന സം​ഭ​വ​ങ്ങ​ളി​ൽ ഞാ​ന​ട​ക്ക​മു​ള്ള​വ​ർ​ക്ക് കു​റേ ദി​ന​ങ്ങ​ൾ വ​ലി​യ യാ​ത​ന​ക​ൾ അ​നു​ഭ​വി​ക്കേ​ണ്ടി വ​ന്നെ​ങ്കി​ലും ക​മ്യൂ​ണി​സ്റ്റ് പാ​ർ​ട്ടി​യി​ലെ ആ​ദ്യകാ​ല നേ​താ​ക്ക​ൾ അ​നു​ഭ​വി​ച്ച കൊ​ടി​യ പീ​ഡന​ങ്ങ​ൾ ആ​ലോ​ചി​ക്കു​മ്പോ​ൾ ഞ​ങ്ങ​ളൊ​ക്കെ അ​നു​ഭ​വി​ച്ച​ത് എ​ന്ത്? എ​ന്ന് ആ​ലോ​ചി​ക്കാ​നു​ള്ള ബു​ദ്ധി​യും അ​നു​ഭ​വ​വും ഞ​ങ്ങ​ൾ​ക്ക് ഉ​ണ്ടാ​യി​രുന്നു.

ക​ണ്ണൂ​രി​ലെ സെ​ന്റ് മൈ​ക്കി​ൾ സ്കൂ​ളി​ലാ​യി​രുന്നു പ്ല​സ് ടു ​പ​ഠി​ച്ച​ത്. കേ​ര​ള​ത്തി​ലെ ഏ​റ്റ​വും മി​ക​ച്ച ബാ​ൻ​ഡ് സ​ഖ്യം അ​ന്ന് ഞ​ങ്ങ​ളു​ടെ സ്കൂ​ളി​ലാ​യി​രു​ന്നു. സോ​ഷ്യ​ൽ സ​യ​ൻ​സ് എ​ടു​ത്തി​രു​ന്ന സ​ജി​ത്ത് മാ​ഷ് സം​സ്ഥാ​ന യു​വ​ജ​നോ​ത്സവ​ത്തി​ന് പോ​കു​ന്ന​തി​ന്റെ ത​ലേ​ന്ന് ക​ണ്ണൂ​ർ റെ​യി​ൽ​വേ സ്റ്റേ​ഷ​നി​ൽ വ​ണ്ടി കാ​ത്തി​രി​ക്കു​മ്പോ​ഴാ​ണ് കേ​ര​ള​ത്തി​ലെ എ​ക്കാ​ല​ത്തെ​യും വ​ലി​യ തൊ​ഴി​ലാ​ളി നേ​താ​വി​ന്റെ ക​ഥ ആ​ദ്യ​മാ​യി പ​റ​ഞ്ഞുത​ന്ന​ത്...

മാ​ഷ് ക​ഥ പ​റ​ഞ്ഞ​ത് ആ ​വ​ർ​ഷ​വും ബാ​ൻ​ഡ് മേ​ള​ത്തി​ലെ ക​പ്പ് ഞ​ങ്ങ​ൾ​ക്ക് ല​ഭി​ക്കാ​നു​ള്ള പ്ര​ചോ​ദ​ന​മാ​യാ​ണ്. പ​ക്ഷേ, മാ​ഷു​ടെ ക​ഥ പി​ൽ​ക്കാ​ലം മു​ഴു​വ​ൻ ഞ​ങ്ങ​ളു​ടെ ജീ​വി​ത​ത്തെ പ​ല ത​ര​ത്തി​ൽ മാ​റ്റിമ​റി​ച്ചു.

‘‘ബാ​ൻ​ഡി​ലെ നി​ങ്ങ​ളു​ടെ പ​ല​രു​ടെ​യും ശ​ബ്ദം ഒ​റ്റ, ഒ​റ്റ​യാ​കാ​തെ ഒ​ന്നി​ച്ചൊ​രു താ​ളം ആ​കു​മ്പോ​ൾ അ​തൊ​രു വ​ലി​യ ഊ​ർ​ജ​മാ​കും.​ ആ ഉ​ന്മേ​ഷം, അ​നു​ഭൂ​തി കേ​ൾ​വി​ക്കാ​രി​ലേ​ക്കും പ​ട​രും. അ​തി​നാ​ണ് ജ​ഡ്ജ​സ് നി​ങ്ങ​ൾ​ക്ക് മാ​ർ​ക്ക് ത​രു​ന്ന​ത്!’’

ക​ണ്ണൂ​രി​ലെ സ​ക​ല തെ​രു​വു​ക​ളി​ലൂ​ടെ​യും വ​ഴി​ക​ളി​ലൂ​ടെ​യും ഒ​രു ബാ​ൻ​ഡ് മാ​സ്റ്റ​റെപ്പോ​ലെ ഒ​റ്റ​ക്ക് ന​ട​ന്നുപോ​യ തൊ​ഴി​ലാ​ളി നേ​താ​വു​ണ്ടാ​യി​രുന്നു സ​ഖാ​വ് ക​ണ്ണേ​ട്ട​ൻ.

സ​മൂ​ഹ​ത്തി​ൽ പ​ല​ത​ര​ത്തി​ൽ ചി​ത​റി​യ മ​നു​ഷ്യ​രെ അ​ദ്ദേ​ഹം ഒ​ന്നി​ച്ച് ചേ​ർ​ത്ത​പ്പോ​ൾ അ​വ​ർ​ക്ക് ഉ​ണ്ടാ​യ ശ​ക്തി, ധൈ​ര്യം... അ​പാ​ര​മാ​യി​രു​ന്നു. ആ​രും കൂ​ടെ​യി​ല്ലാ​തെ എ​പ്പോ​ഴും ഒ​റ്റ​ക്കു ന​ട​ന്ന ആ ​മ​നു​ഷ്യ​ൻ സ​ക​ല​രെ​യും സം​ഘ​ടി​പ്പി​ച്ചു. തോ​ട്ടിത്തൊ​ഴി​ലാ​ളി​ക​ളെ, ചു​മ​ട്ടു​കാ​രെ, ക​ട​ല​ വി​ൽ​ക്കു​ന്ന​വ​രെ, ഹോ​ട്ട​ലി​ൽ പാ​ത്രം ക​ഴു​കു​ന്ന​വ​രെ, കാ​വ​ൽ നി​ൽ​ക്കു​ന്ന​വ​രെ... അ​തെ, മോ​ട്ടി​വേ​ഷ​ന്റെ മോ​ട്ടി​വേ​ഷ​ൻ..!

സ​ഖാ​വ് ഒ​രു തെ​രു​വി​ന്റെ ഏ​തെ​ങ്കി​ലും മൂ​ല​യി​ൽ കാ​ല് കു​ത്തി​യാ​ൽ തെ​രു​വ് ഓ​ട്ടോ​മാ​റ്റി​ക്കാ​യി ഓ​ണാ​കും... കാ​ലി​ൽ ചെ​രി​പ്പുപോ​ലു​മി​ല്ലാ​തെ ന​ട​ന്നുപോ​കു​ന്ന സ​ഖാ​വി​നെ ക​ണ്ടാ​ൽ തെ​രു​വി​ലെ പു​ൽ​ക്കൊ​ടിപോ​ലും എ​ഴു​ന്നേ​ൽ​ക്കും... ഇ​തൊ​ന്നും ആ​രും പ​റ​ഞ്ഞി​ട്ട​ല്ല, ചി​ല മ​നു​ഷ്യ​ർ ചു​റ്റു​പാ​ടി​ലേ​ക്കു പ്ര​സ​രി​പ്പി​ക്കു​ന്ന താ​ള​മാ​ണ്!

ഗാ​ന്ധി​ജി ഒ​റ്റമു​ണ്ടി​ട്ട ഒ​രു സ​ഖാ​വാ​ണെ​ങ്കി​ൽ സ​ഖാ​വ് വെ​ള്ള​മു​ണ്ടും ഷ​ർ​ട്ടു​മി​ട്ട ക​മ്യൂ​ണി​സ്റ്റ്‌ ഗാ​ന്ധി​ജി​യാ​ണ്!

മാ​ഷ് ക​ഥ പ​റ​ഞ്ഞ​പ്പോ​ൾ ന​മ്മു​ടെ​യൊ​ക്കെ ഇ​ല്ലാ​ത്ത രോ​മം പോ​ലും കു​ന്തംപോ​ലെ ഉ​യ​ർ​ന്നു. പി​ന്നീ​ട് ഞ​ങ്ങ​ളി​ൽ ഒ​രു​ത്ത​ന് ഒ​രു പ്ര​ശ്നം വ​ന്ന​പ്പോ​ൾ സ​ഖാ​വ് പ​റ​ഞ്ഞ​തുപോ​ലെ ഞ​ങ്ങ​ളും സം​ഘ​ടി​ച്ചു. അ​തു​വ​രെ​യും ഉ​ണ്ടാ​യി​രു​ന്ന ബ്രാ​ഞ്ച് സെ​ക്ര​ട്ട​റി കെ.ജി.ബി ​എ​ന്ന കെ.​ജി. ബാ​ബു​വി​നെ ഞാ​ൻ അ​ട​ക്കം അ​ന്ന​ത്തെ പ്ല​സ് വ​ൺ കു​ട്ടി​ക​ൾ ഓ​ഫീ​സി​ൽ ക​യ​റി അ​ടി​ച്ചു.

വാ​യ​ന​ശാ​ല​യി​ൽ പു​തു​താ​യി ആ​രം​ഭി​ച്ച ബാ​ൻ​ഡ് മേ​ളം പ​രി​ശീ​ല​ന​ത്തി​നാ​യി പോ​യ ഞ​ങ്ങ​ളു​ടെ കൂ​ട്ട​ത്തി​ലെ ആ​ര​വി​നെ സ്‌​റ്റേ​റ്റ് കമ്മിറ്റിപോ​ലും ഉ​റ്റുനോ​ക്കു​ന്ന കു​ണ്ട​ൻ​തോ​ട് ചെ​ന്താ​ര​കം ബാ​ൻ​ഡ് കാ​ല​ങ്ങ​ളാ​യി അ​വ​രു​ടെ ഏ​റ്റ​വും വി​ല​യേ​റി​യ സ്വ​ത്താ​യി ക​രു​തു​ന്ന വി​ശേ​ഷ​പ്പെ​ട്ട ബ്യൂ​ഗി​ൾ വാ​യി​ക്കാ​ൻ ത​രാമെ​ന്നും പ​റ​ഞ്ഞാ​ണ് അ​ന്ന​ത്തെ ബ്രാ​ഞ്ച് സെ​ക്ര​ട്ട​റി കെ.​ജി. ബാ​ബു ആ​ര​വി​നെ മു​റി​യി​ലേ​ക്ക് കൊ​ണ്ടു​പോ​യ​ത്.

(വ​ലി​യ ച​രി​ത്ര​മു​ള്ള ആ ​ബ്യൂ​ഗി​ൾ 1978 മു​ത​ൽ സെ​ക്ര​ട്ട​റി ക​സേ​ര​യു​ടെ തൊ​ട്ട് പി​റ​കി​ൽ ഉ​ന്ന​ത പ​ദ​വി​യോ​ടെ​യാ​ണ് ബ്രാ​ഞ്ച് കമ്മിറ്റി ആ​ഫീ​സി​ൽ സൂ​ക്ഷി​ക്കു​ന്ന​ത്)

പാ​ർ​ട്ടി പ്ര​വ​ർ​ത്ത​ക​രു​ടെ വി​കാ​ര​മാ​യ ബ്യൂ​ഗി​ളാ​ണ് കെ​.ജി. ബാ​ബു പ്ല​സ് വ​ൺ​കാ​ര​ന് വാ​യി​ക്കാ​നാ​യി ന​ൽ​കാം എ​ന്ന് പ​റ​ഞ്ഞ​ത്. ചു​മ​രി​ൽ മ​നോ​ഹ​ര​മാ​യി അ​ല​ങ്ക​രി​ച്ച ബ്യൂ​ഗി​ൾ ചൂ​ണ്ടി കെ.​ജി.ബി ​പ​റ​ഞ്ഞു, കേ​ര​ള​ത്തി​ലെ പാ​ർ​ട്ടി ബാ​ൻ​ഡ് സം​ഘ​ത്തി​ൽ ഇ​ന്നു​ള്ള​തി​ൽ ഏ​റ്റ​വും വി​ല​യേ​റി​യ ബ്യൂ​ഗി​ൾ ഇ​താ​ണ്...

നി​ന്റെ​യീ ചു​വ​ന്ന തേ​ൻ കി​നി​യു​ന്ന ചു​ണ്ടു​ക​ളി​ൽ ആ ​ബ്യൂ​ഗി​ൾ ഞാ​ൻ വെ​ച്ചുത​രും... അ​തി​ലൂ​ടെ പു​റ​ത്തേ​ക്ക് വ​രു​ന്ന നി​ന്റെ ശ​ബ്ദം കേ​ട്ട് ഞാ​നും ലോ​ക​വും കോ​രി​ത്ത​രി​ക്കും! എ​ന്റെ പൊ​ന്നു... ഇ​ങ്ങോ​ട്ട് വാ ​നി​ന്റെ തെചു​ണ്ടു​ക​ൾ ഞാ​നൊ​ന്ന് തൊ​ട്ടുനോ​ക്ക​ട്ടെ. ഇ​തും പ​റ​ഞ്ഞ​യാ​ൾ അ​യാ​ളു​ടെ അ​ര​ ആ​ര​വി​ന്റെ മു​ഖ​​േത്തക്ക്​ അടുപ്പിച്ചു. .

ആ​ര​വ് പ​ര​മാ​വ​ധി ത​ട്ടി​മാ​റ്റി​യും മ​റ്റും ചെ​റു​ത്തു​വെ​ങ്കി​ലും പി​ന്നീ​ടു​ള്ള അ​വ​ധി ദി​ന​ങ്ങ​ളി​ലെ​ല്ലാം അ​യാ​ളു​ടെ ബ്യൂ​ഗി​ൾ അ​വ​നെക്കൊ​ണ്ട് പ​ല​ത​രം പ്ര​ലോ​ഭ​ന​ങ്ങ​ൾ പ​റ​ഞ്ഞ് വാ​യി​പ്പി​ക്കാ​ൻ പ്രേ​രി​പ്പി​ക്കു​ന്ന​ത് ഹ​ര​മാ​യി. അ​യാ​ളു​ടെ ഭീ​ഷ​ണി​യും ഉ​പ​ദ്ര​വ​വും നി​ര​ന്ത​ര​മാ​യ​പ്പോ​ൾ ആ​ര​വി​ന്റെ മാ​ന​സി​കനി​ല തെ​റ്റി.

സ്കൂ​ളി​ലും കൂ​ട്ട​ത്തി​ലും അ​വ​ൻ മൗ​നി​യാ​യി. ബ്യൂ​ഗി​ളി​ന്റെ നേ​ർ​ത്ത ശ​ബ്ദംപോ​ലും അ​വ​ന്റെ ഭ​യം ഇ​ര​ട്ടി​പ്പി​ച്ചു. പ​ഠ​ന​ത്തി​ൽ ശ്ര​ദ്ധ​യി​ല്ലാ​യ്മ, സ്കൂ​ളി​ലെ ബാ​ൻ​ഡ് സം​ഘ​ത്തി​ൽനി​ന്നു​ള്ള പി​ൻ​വാ​ങ്ങ​ൽ... കാ​ര്യ​ങ്ങ​ൾ അ​ത്ര​യും എ​ത്തി​യ​പ്പോ​ൾ കൂ​ട്ടു​കാ​രാ​യ ഞ​ങ്ങ​ൾ കാ​ര്യം ചോ​ദി​ച്ച​റി​ഞ്ഞു.

ആ​ര​വ് വ​ള്ളിപു​ള്ളി വി​ടാ​തെ എ​ല്ലാം തു​റ​ന്നുപ​റ​ഞ്ഞു.

ഞ​ങ്ങ​ൾ സം​ഘ​ടി​ക്കാനും ശ​ക്ത​രാ​കാ​നും തീ​രു​മാ​നി​ച്ചു.

ലോ​കം ഇ​ടി​ഞ്ഞുവീ​ണാ​ലും ഞ​ങ്ങ​ൾ അ​വ​ന്റെ കൂ​ടെ നി​ൽ​ക്കുമെ​ന്ന് ക​ട്ട ഉ​റ​പ്പുകൊ​ടു​ത്തു.

ബ്രാ​ഞ്ച് സെ​ക്ര​ട്ട​റി​യ​ല്ല ഇ​നി അ​മേ​രി​ക്ക​ൻ പ്ര​സി​ഡ​ന്റ് ആ​യാ​ലും ഇ​മ്മാ​തി​രി തെമ്മാടിത്തം കാ​ണി​ച്ചാ​ൽ ന​മ്മ​ൾ പ​ണി കൊ​ടു​ത്തി​രി​ക്കും! ന​മു​ക്ക് ഇ​ഷ്ട​മി​ല്ലാ​ത്തതൊ​ന്നും ന​മ്മു​ടെ മേ​ൽ പ്ര​യോ​ഗി​ക്കാ​ൻ നാം ​ആ​രെ​യും അ​നു​വ​ദി​ക്കി​ല്ല. ഇ​തും പ​റ​ഞ്ഞ് ഞ​ങ്ങ​ള​ന്ന് ഒ​രു​മി​ച്ച് കൈ ​പി​ടി​ച്ചു.

തു​ട​ർ​ന്ന് ഞ​ങ്ങ​ൾ എ, ​ബി, സി ​എ​ന്നി​ങ്ങ​നെ പ്ലാ​ൻ ത​യാ​റാ​ക്കി. തൊ​ട്ട​ടു​ത്ത അ​വ​ധിദി​നം ആ​ര​വ് വാ​യ​ന​ശാ​ല​യി​ൽ ചെ​ന്നു കെ.​ജി.ബി ​ബ്യൂ​ഗി​ൾ വാ​യ​ന​ക്കാ​യി വി​ളി​ച്ചു. ഒ​ന്നോ ര​ണ്ടോ നി​മി​ഷ​ങ്ങ​ൾ​ക്ക​കം കെ.​ജി.ബിയു​ടെ ബ്യൂ​ഗി​ൾ ഞ​ങ്ങ​ൾ ലോ​ക​സ​മ​ക്ഷം ലൈ​വ് ആ​യി അ​വ​ത​രി​പ്പി​ച്ചു.

ഇ​തി​നി​ട​യി​ൽ പ്ലാ​ൻ ബി​യു​മാ​യി ഒ​ളി​ഞ്ഞുനി​ന്ന മ​റ്റു​ള്ള​വ​ർ ഒ​രു കു​ലം​കു​ത്തി​യെപ്പോ​ലെ കെ.​ജി.​ബി​യെ ദാ​ക്ഷി​ണ്യ​മൊ​ന്നും കാ​ണി​ക്കാ​തെ ഓ​ഫി​സി​ൽ ച​വി​ട്ടി​ക്കൂട്ടി ഉ​ടു​തു​ണി​യി​ല്ലാ​തെ പു​റ​ത്തേ​ക്ക് വ​ലി​ച്ചെ​റി​ഞ്ഞു.

എ​ങ്ങ​നെ​യൊ​ക്കെ​യോ ര​ക്ഷ​പ്പെ​ട്ട കെ.​ജി.ബി റോ​ഡി​ലൂ​ടെ ഇ​ഴ​ഞ്ഞും നി​ര​ങ്ങി​യും നേ​രെ ഒ​ളി​വുജീ​വി​ത​ത്തി​ലേ​ക്ക് നീ​ങ്ങി. അ​ങ്ങ​നെ​യാ​ണ് നി​ല​വി​ലെ ബ്രാ​ഞ്ച് കമ്മിറ്റി​യി​ലെ ഏ​റ്റ​വും മു​തി​ർ​ന്ന​യാ​ളും കു​റ​ഞ്ഞ​ത് പ​തി​ന​ഞ്ച് വ​ർ​ഷം മു​ന്നേ​യെ​ങ്കി​ലും ബ്രാ​ഞ്ച് സെ​ക്ര​ട്ട​റി​യും ഇ​പ്പോ​ൾ ഏ​രി​യ കമ്മിറ്റി​യം​ഗ​വു​മാ​കേ​ണ്ടി​യി​രു​ന്ന ഒ​ച്ച​ദാ​മു​വേ​ട്ട​നി​ലേ​ക്ക് ബ്രാ​ഞ്ച് സെ​ക്ര​ട്ട​റി​യു​ടെ ഉ​ത്ത​ര​വാ​ദി​ത്തം മേ​ൽ​ക്കമ്മിറ്റി ഏ​ൽ​പിച്ചുകൊ​ടു​ക്കു​ന്ന​ത്. ദാ​മു​വേ​ട്ട​നെ സം​ബ​ന്ധി​ച്ച് ജീ​വി​ത​ത്തി​ലെ ഏ​റ്റ​വും മ​ഹ​ത്ത​ര​വും ഉ​ന്ന​ത​വു​മാ​യ പ​ദ​വി!

ത​ന്റെ ജ​ന​ത​യു​ടെ സ്വ​പ്ന​ങ്ങ​ളോ​ടും പോ​രാ​ട്ട​ങ്ങ​ളോ​ടും ചേ​ർ​ന്നുനി​ന്ന് അ​വ​രെ ന​യി​ക്കാ​നു​ള്ള ഉ​ത്ത​ര​വാ​ദി​ത്തം... ലെ​നി​ൻ, ര​ണ​ദി​വെ, ഇ.എം.എ​സ്, വി.​എ​സ് എ​ന്നീ മ​ഹാ​ൻ​മാ​ർ ഇ​രു​ന്ന ക​സേ​ര​യാ​ണ് പാ​ർ​ട്ടി സെ​ക്ര​ട്ട​റി ക​സേ​ര. ആ ​വ​ലി​യ സ്ഥാ​ന​ത്തേ​ക്കാ​ണ് ചെ​റി​യ​വ​നാ​യ ഈ ​ഞാ​ൻ!

കെ.​ജി.ബി ​എ​ന്ന മു​ൻ സെ​ക്ര​ട്ട​റി​യാ​ക​ട്ടെ ഗ​വ​ൺ​മെ​ന്റ് ഉ​ദ്യോ​ഗ​സ്ഥ​രു​ടെ സം​ഘ​ട​ന​ക​ളി​ൽ പ്ര​വ​ർ​ത്തി​ച്ച പ​രി​ച​യ​ത്തി​ൽ ഉ​ദ്യോ​ഗ പ​ദ​വി​യി​ൽനി​ന്നും വി​ര​മി​ച്ച​യു​ട​നെ കു​ണ്ട​ൻതോ​ടി​ലെ പ്ര​ബ​ല​നാ​യ ഏ​രി​യ കമ്മിറ്റി അം​ഗം മ​ഹേ​ഷ് നൊ​ടി​ശ്ശേ​രി​യു​ടെ പി​ന്തു​ണ​യോ​ടെ ബ്രാ​ഞ്ച് സെ​ക്ര​ട്ട​റി​യാ​യ ആ​ളാ​യി​രു​ന്നു.

അ​ടു​ത്ത സ​മ്മേ​ള​ന​ത്തി​ൽ കെ.​ജി.ബി​യെ ലോ​ക്ക​ൽ സെ​ക്ര​ട്ട​റി​യാ​ക്കു​ക​യും ശേ​ഷം ഏ​രി​യ കമ്മിറ്റി​യി​ൽ എ​ത്തി​ക്കു​ക ഇ​താ​യി​രു​ന്നു നൊ​ടി​ശ്ശേ​രി​യു​ടെ പ്ലാ​ൻ.

ത​ന്റെ പ്ലാ​ൻ പി​ഴ​ച്ചുപോ​കാ​തി​രി​ക്കാ​നും കെ.​ജി. ബാ​ബു​വി​നെ കേ​സി​ൽനി​ന്നും ഊ​രി​ക്കാ​നു​മാ​യി നൊ​ടി​ശ്ശേ​രി ത​ന്റെ ര​ണ്ടോ മൂ​ന്നോ ഉ​റ്റ അ​നു​യാ​യി​ക​ളെ ആ​ര​വി​ന്റെ വീ​ട്ടി​ലേ​ക്ക് പ​റ​ഞ്ഞ​യ​ച്ചു.

ന​ഗ​ര​ത്തി​ലെ ബാ​ർ ജീ​വ​ന​ക്കാ​ര​നാ​യ ആ​ര​വി​ന്റെ അ​ച്ഛന് വ​ന്ന​വ​രു​ടെ സ്വ​ഭാ​വം കൃ​ത്യ​മാ​യി അ​റി​യാ​വു​ന്ന​തി​നാ​ൽ ഒ​തു​ങ്ങി​യെ​ങ്കി​ലും ആ​ര​വി​ന്റെ ഏ​ട്ട​ൻ ച​ർ​ച്ച​ക​ളി​ലൊ​ന്നും സ​ന്ധി​യാ​കാ​തെ കേ​സു​മാ​യി മു​ന്നോ​ട്ടുപോ​കു​മെ​ന്നു​ള്ള ഉ​റ​ച്ച തീ​രു​മാ​ന​ത്തി​ൽ നി​ന്നു.​ ഞ​ങ്ങ​ളും അ​വ​ർ​ക്ക് മാ​ന​സിക പി​ന്തു​ണ ന​ൽ​കി. ര​ണ്ടാ​മ​ത്തെ​യോ മൂ​ന്നാ​മത്തെ​യോ ച​ർ​ച്ച​ക്കാ​യി നൊ​ടി​ശ്ശേ​രി ആ​ര​വി​ന്റെ വീ​ട്ടി​ലെ​ത്തി...

ന​ഗ​ര​സ​ഭ സെ​ക്ര​ട്ട​റി​യാ​യ കാ​ല​ത്ത് കെ.​ജി.​ബി നാ​ട്ടു​കാ​ർ​ക്കും പാ​വ​ങ്ങ​ൾ​ക്കും വേ​ണ്ടി ഒ​രുപാ​ട് പ്ര​യോ​ജ​ന​ക​ര​മാ​യ പ​ദ്ധ​തി​ക​ൾ കൊ​ണ്ടുവ​ന്ന ഉ​ദ്യോ​ഗ​സ്ഥ​നാണെ​ന്നും ആ ​കാ​ര്യം ആ​ലോ​ചി​ച്ച് കേ​സി​ൽനി​ന്നും പിന്മാ​റ​ണ​മെ​ന്നും നൊ​ടി​ശ്ശേ​രി പ​റ​ഞ്ഞു.

അ​ച്ഛ​ൻ ഏ​ട്ട​ന്റെ മു​ഖ​ത്തേ​ക്ക് നോ​ക്കി. ഏ​ട്ട​ൻ അ​ച്ഛ​നോ​ട് അ​ക​ത്തേ​ക്ക് പോ​കാ​ൻ ആം​ഗ്യം കൊ​ടു​ത്ത ശേ​ഷം നൊ​ടി​ശ്ശേ​രി​യു​ടെ മു​ഖ​ത്ത് നോ​ക്കി പ​റ​ഞ്ഞു.

‘‘ന​മ്മ​ൾ ഒ​രാ​ളു​ടെ വാ​ദം ഏ​റ്റെ​ടു​ക്കു​മ്പോ​ൾ അ​യാ​ൾ ന​മു​ക്ക് എ​ത്ര വേ​ണ്ട​പ്പെ​ട്ട​വ​നാ​ണെ​ങ്കി​ലും അ​യാ​ളെക്കൊ​ണ്ട് ദു​രി​തം അ​നു​ഭ​വി​ക്ക​പ്പെ​ട്ട​വ​നെ​യും ഓ​ർ​ക്കാ​ൻ ക​ഴി​യ​ണം... നീ​തിയെ​യും ന്യാ​യത്തെ​യും സം​ബ​ന്ധി​ക്കു​ന്ന മി​നി​മം ധാ​ര​ണ​യെ​ങ്കി​ലും ന​മു​ക്ക് അ​പ്പോ​ൾ ഉ​ണ്ടാ​യി​രി​ക്ക​ണം....

ഇ​തൊ​ന്നു​മി​ല്ലാ​ത്തൊ​രാ​ൾ പൊ​തു​പ്ര​വ​ർ​ത്ത​ക​ന​ല്ല എ​ന്തി​ന് ഒ​രു മ​നു​ഷ്യ​ൻപോ​ലു​മ​ല്ല. നി​ങ്ങ​ളൊ​ക്കെ വെ​റു​മൊ​രു അ​ധോ​ലോ​കം മാ​ത്ര​മാ​ണ്!

പി​റ്റേ​ന്ന് പു​ല​ർ​ച്ചെ നേ​രം വെ​ളു​ത്ത​തും ആ​ര​വി​ന്റെ വീ​ട്ടുകി​ണ​ർ ഭൂ​മി​ക്ക​ടി​യി​ലേ​ക്ക് ത​ലവെ​ച്ച് കി​ട​ക്കു​ന്ന ക​ര​ടി​യെപ്പോ​ലെ രോ​മ​ങ്ങ​ളാ​ൽ നി​റ​ഞ്ഞി​രുന്നു. അ​ടു​ത്ത ദി​നം മു​ടി​ക്ക് മീ​തെ പൂ​ക്ക​ളം വാ​രി​യെ​റി​ഞ്ഞ​തുപോ​ലെ തീ​ട്ട​വും.

നാ​ട്ടി​ലും വീ​ട്ടി​ലും ജീ​വി​ക്കാ​ൻ സ​മ്മ​തി​ക്കി​ല്ല എ​ന്ന് ഉ​റ​പ്പാ​യ ആ​ര​വി​ന്റെ വീ​ട്ടു​കാ​ർ ഫാ​ഷിസ​ത്തി​നും അ​ധി​നി​വേ​ശ​ത്തി​നും സം​സ്ഥാ​ന​മൊ​ട്ടാ​കെ ന​ട​ത്തു​ന്ന രാ​പ്പ​ക​ൽ സ​മ​ര​ദി​നം നോ​ക്കി ഉ​ള്ള​തൊ​ക്കെ വാ​രി​ക്കെ​ട്ടി മ​റ്റേ​തോ നാ​ട്ടി​ലേ​ക്ക് സ്ഥ​ലംവി​ട്ടു.

കൃ​ത്യം ഒ​രാ​ഴ്ച മു​ന്നേ ബ്രാ​ഞ്ച് സെ​ക്ര​ട്ട​റി​യാ​യ ദാ​മു​വി​ന്റെ ജാ​ഗ്ര​ത കു​റ​വാ​ണ് കു​ടും​ബ​ത്തി​ന്റെ പല​ായന​ത്തി​ന് കാ​ര​ണം എ​ന്ന് മേ​ൽകമ്മിറ്റി​യി​ലെ നൊ​ടി​ശ്ശേ​രി​യും ര​ണ്ട് അം​ഗ​ങ്ങ​ളും വി​മ​ർ​ശ​നം ഉ​ന്ന​യി​ച്ചു.

ഇ​ത് ക​ണ്ടെ​ത്താ​നാ​യി ലോ​ക്ക​ൽ കമ്മിറ്റി​യു​ടെ നേ​തൃ​ത്വ​ത്തി​ൽ ര​ണ്ടം​ഗ അ​ന്വേ​ഷ​ണ ക​മീ​ഷ​നെ​യും... മേ​ൽകമ്മിറ്റി ദാ​മു​വി​നെ വി​ളി​പ്പി​ക്കു​ക​യും വി​ശ​ദീ​ക​ര​ണം ചോ​ദി​ക്കു​ക​യുംചെ​യ്തു.

ഒ​രു പാ​ർ​ട്ടി അം​ഗം അ​ല്ലെ​ങ്കി​ൽ പാ​ർ​ട്ടി​യു​ടെ ഏ​തെ​ങ്കി​ലും തി​ര​ഞ്ഞെ​ടു​ത്ത സ്ഥാ​ന​ത്തി​രി​ക്കു​ന്ന സ​ഖാ​വ് വെ​ള്ള​ത്തി​ൽ മീ​നെ​ന്ന പോ​ലെ ജ​ന​ങ്ങ​ളോ​ടൊ​പ്പം ഇ​ട​പ​ഴ​കി ജീ​വി​ക്ക​ണ​മെ​ന്നും ദാ​മു​വി​ന്റെ ഭാ​ഗ​ത്തുനി​ന്നും അ​ത്ത​ര​മൊ​രു ജാ​ഗ്ര​ത കൈ​മോ​ശം വ​ന്നു എ​ന്ന് അ​ന്വേ​ഷ​ണ ക​മീഷ​ൻ ഏ​രി​യ കമ്മിറ്റി​ക്ക് സ​മ​ർ​പ്പി​ച്ച റി​പ്പോ​ർ​ട്ട് മു​തി​ർ​ന്ന അം​ഗ​ങ്ങ​ൾ വാ​യി​ച്ചു.

കു​ടും​ബ​ത്തി​ന്റെ ഒ​ളി​ച്ചോ​ട്ടം പാ​ർ​ട്ടി​യെ ത​ക​ർ​ക്കാ​നു​ള്ള ആ​യു​ധ​മാ​ക്കി പ്ര​തി​പ​ക്ഷ മാ​ധ്യ​മ​ങ്ങ​ൾ മാ​റ്റി...

അ​വ​ർ ഒ​ളി​ച്ചോ​ടി​യ​ത് നി​ല​വി​ലെ ബ്രാ​ഞ്ച് സെ​ക്ര​ട്ട​റി അ​റി​ഞ്ഞി​ല്ല...​അ​ല്ലെ​ങ്കി​ൽ അ​റി​ഞ്ഞി​ട്ടും പാ​ർ​ട്ടി​യി​ൽനി​ന്നും മ​റ​ച്ചുപി​ടി​ച്ചു. ഇ​തൊ​ക്കെയാ​യി​രുന്നു കു​റ്റാ​രോ​പ​ണ​ങ്ങ​ൾ. ജീ​വി​ത​ത്തി​ൽ ഒ​രി​ക്ക​ലും ഒ​ച്ച​ത്തി​ൽ സം​സാ​രി​ക്കാ​ത്ത ദാ​മു യോ​ഗ​ത്തി​ൽ പ​ര​മാ​വ​ധി ശ​ബ്ദ​ത്തി​ൽ ത​ന്റെ കാ​ര്യം വി​ശ​ദീ​ക​രി​ച്ചു. തെ​റ്റും അ​നീ​തി​യും ചെ​യ്യു​ന്ന​വ​ർ ശി​ക്ഷി​ക്ക​പ്പെ​ട​ണം... പാ​ർ​ട്ടി എ​ന്നു പ​റ​യു​ന്ന​ത് കു​റേ സാ​ധാ​ര​ണ മ​നു​ഷ്യ​രു​ടെ ഉ​യ​ര​ങ്ങ​ളി​ലേ​ക്ക് പ​റ​ക്കാ​നു​ള്ള ചി​റ​കും നീ​തി ക​ണ്ടെ​ത്താ​നു​ള്ള ത്രാ​സുമാ​ണ്.

ജ​ന​ങ്ങ​ളു​ടെ തെ​റ്റി​നെ ന​മ്മ​ൾ ശ​രി​യെ​ന്ന് പ​റ​ഞ്ഞു പ്ര​വ​ർ​ത്തി​ക്കു​മ്പോ​ൾ ന​മ്മ​ളെ വി​ശ്വ​സി​ക്കു​ന്ന സ​മൂ​ഹം ത​ക​ർ​ന്നു പോ​കു​ക​യും ന​മ്മ​ളി​ൽനി​ന്നും അ​വ​ർ അ​ക​ലു​ക​യും ചെ​യ്യും...

സ​മൂ​ഹം പാ​ർ​ട്ടി​യെ കൈ​വി​ട്ടാ​ൽ പാ​ർ​ട്ടി ത​ക​രും... തെ​റ്റു ചെ​യ്യു​ന്ന​വ​രെ ര​ക്ഷി​ക്കു​ക എ​ന്ന​താ​ണ് പാ​ർ​ട്ടി​യു​ടെ പു​തി​യ ന​യ​മെ​ങ്കി​ൽ ഇ​നി​യും ഈ ​നാ​ട്ടി​ൽനി​ന്ന് ഒ​ളി​ച്ചോ​ട്ട​ങ്ങ​ൾ കൂ​ടും!

മേ​ൽ​ക്കമ്മിറ്റി​ക്ക് എ​ന്റെ പ്ര​വ​ർ​ത്ത​ന​ങ്ങ​ളി​ൽ അ​വി​ശ്വാ​സം ആ​ണെ​ങ്കി​ൽ പാ​ർ​ട്ടി എ​ന്നി​ലേ​ൽ​പിച്ച എ​ല്ലാ ഉ​ത്ത​ര​വാ​ദി​ത്തങ്ങ​ളി​ൽനി​ന്നും ഞാ​ൻ ഈ ​നി​മി​ഷം രാ​ജി​ക്കാ​യി സ​ന്നദ്ധ​നാ​ണ്...

ഒ​ച്ച​യി​ല്ലാ​ത്ത ഒ​രാ​ൾ ഒ​ച്ച​യി​ൽ പ​റ​യു​മ്പോ​ൾ എ​ല്ലാ​വ​രും ഉ​റ്റു​നോ​ക്കും. മ​ഹേ​ഷ് നൊ​ടി​ശ്ശേ​രി​യും ര​ണ്ടോ മൂ​ന്നോ ചെ​റു​പ്പ​ക്കാ​രും ഒ​ഴി​ച്ച് ഏ​രി​യ സെ​ക്ര​ട്ട​റി തു​ണ്ടി​യി​ൽ ക​ണ​ാരേ​ട്ട​ൻ, മ​റ്റു മു​തി​ർ​ന്ന അം​ഗ​ങ്ങ​ളാ​യ വി.​കെ. കൃ​ഷ്ണ​ൻ, മു​ല്ല​യ്ക്ക​ൽ അ​ഹ​മ്മ​ദ് എ​ന്നീ സ​ഖാ​ക്ക​ൾ ഒ​ച്ച ദാ​മു​വി​ന്റെ കൂ​ടെ ഉ​റ​ച്ചുനി​ന്നു.

സ​ഖാ​വ് ഇ​പ്പോ​ൾ ഒ​രു സ്ഥാ​ന​വും രാ​ജിവെ​ക്കേ​ണ്ട​തി​ല്ല എ​ന്നും നാ​ട്ടി​ലെ ബ​ഹു​ജ​ന​ങ്ങ​ളു​ടെ പി​ന്തു​ണ ഉ​റ​പ്പി​ക്കു​ന്ന ത​ര​ത്തി​ലു​ള്ള പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ക​യാണ് വേ​ണ്ട​തെ​ന്നും അ​വ​ർ ഉ​റ​പ്പി​ച്ചു. ഉ​പ്പു തി​ന്ന​വ​ർ വെ​ള്ളം കു​ടി​ക്ക​ണ​മെ​ന്നും കു​ടി​ച്ചി​ല്ലെ​ങ്കി​ൽ ന​മ്മ​ൾ കു​ടി​പ്പി​ക്കു​മെ​ന്നും സെ​ക്ര​ട്ട​റി തു​ണ്ടി​യി​ൽ ക​ണാ​രേ​ട്ട​ൻ ഉ​റ​ച്ച ശ​ബ്ദ​ത്തി​ൽ പ​റ​ഞ്ഞു.

മീ​റ്റിങ് ക​ഴി​ഞ്ഞ് വൈ​കു​ന്നേ​രം ഒ​ച്ച ദാ​മു ആ​ര​വിന്റെ ആ​ൾത്താ​മ​സ​മി​ല്ലാ​ത്ത വീ​ട്ടി​ലേ​ക്ക് പോ​യി മു​ടി​യും തീ​ട്ട​വും ക​ല​ങ്ങി​യ കി​ണ​ർ വൃ​ത്തി​യാ​ക്കാ​നി​റ​ങ്ങി.

രാ​ത്രി വ​ഴി​യേ പോ​കു​ന്ന ചി​ല​ർ വീ​ട്ടി​ലേ​ക്ക് ക​യ​റി ദാ​മു​വി​നോ​ട് ചോ​ദി​ച്ചു, ഇ​വ​ർ ന​മ്മു​ടെ പാ​ർ​ട്ടി​യു​ടെ ശ​ത്രു​ക്ക​ള​ല്ലേ... ശ​ത്രു​ക്ക​ളെ പാ​ർ​ട്ടി സെ​ക്ര​ട്ട​റിത​ന്നെ..!

ഇ​വ​ർ എ​ന്ന​ല്ല ആ​രും പാ​ർ​ട്ടി​യു​ടെ ശ​ത്രു​ക്ക​ൾ അ​ല്ല. ചി​ല​ർ ചി​ല​രു​ടെ ആ​വ​ശ്യ​ങ്ങ​ൾ​ക്കുവേ​ണ്ടി ശ​ത്രു​ക്ക​ളെ സൃ​ഷ്ടി​ക്കു​ന്ന​താ​ണ്...

ഈ ​കു​ടും​ബ​ത്തോ​ട് ബ്രാ​ഞ്ചി​ലെ എ​ല്ലാ പാ​ർ​ട്ടി അം​ഗ​ങ്ങ​ളും അ​നു​ഭാ​വി​ക​ളും നീ​തിയും സ്നേ​ഹ​വും പു​ല​ർ​ത്ത​ണം, അ​വ​രെ അ​വ​രു​ടെ സ്വ​ന്തം വീട്ടി​ലേ​ക്ക്, നാ​ട്ടി​ലേ​ക്ക് തി​രി​കെ കൊ​ണ്ടു​വ​രാ​ൻ ന​മ്മ​ൾ മു​ൻ​കൈ​യെ​ടു​ക്ക​ണം... ആ​ഴ​മു​ള്ള കി​ണ​റി​ൽനി​ന്നും ദാ​മു​വി​ന്റെ ഒ​ച്ച ക​ര​യി​ലു​ള്ള​വ​ർ കൃ​ത്യ​മാ​യി കേ​ട്ടു. അ​വ​രൊ​ക്കെ​യും അ​ടു​ത്ത നി​മി​ഷം കി​ണ​റി​ലേ​ക്കി​റ​ങ്ങി. കൂ​ടെ ഞ​ങ്ങ​ൾ ചെ​റു​പ്പ​ക്കാ​രും.

2

ഒ​ച്ച ദാ​മു​വി​ന്റെ അ​ച്ഛൻ ഒ​ച്ച ഒ​തേ​ന​ന് നാ​ട​ക​മാ​യി​രുന്നു ജീ​വി​തം. ആ ​ജീ​വി​തം മു​ഴു​വ​ൻ ഒ​റ്റക്കും കൂ​ട്ട​മാ​യും ഇ​രു​ട്ടി​ലും വെ​ളി​ച്ച​ത്തി​ലും നാ​ട​കം ക​ളി​ച്ചു. വ​യ​ലെ​ന്നോ പ​റ​മ്പെ​ന്നോ വ്യ​ത്യാ​സ​മി​ല്ലാ​തെ... ഒ​തേ​ന​ന്റെ ശ​രീ​ര​ത്തി​ലെ​പ്പോ​ഴും ഒ​രു പ​ഴ​യ ബ്യൂ​ഗി​ൾ ഒ​ട്ടിച്ചേ​ർ​ന്നി​രുന്നു. ഒ​തേ​ന​നെ കാ​ണു​ന്ന​ത് മു​ത​ലേ ഒ​രു ബ്യൂ​ഗി​ളും നാ​ട്ടു​കാ​ർ ക​ണ്ടി​രുന്നു. എ​ല്ലാ നാ​ട​ക​വും തു​ട​ങ്ങു​ന്ന​തും അ​വ​സാ​നി​ക്കു​ന്ന​തും അ​തി​ന്റെ ഒ​ച്ച​യോ​ടെ​യാ​യി​രു​ന്നു. തീ​ർ​ത്തും പ​ഴ​കി ഇ​ട​ർ​ച്ച ഉ​ള്ള​തെ​ങ്കി​ലും ഒ​തേ​ന​ന്റെ താ​ളാ​ത്മ​ക​മാ​യ വാ​യ​ന കാ​ന്തം പൂ​ഴിത്തരി​ക​ളെ ആ​ക​ർ​ഷി​ക്കു​ന്ന​തുപോ​ലെ ആ​ളു​ക​ളെ ഒ​തേ​ന​നി​ൽനി​ന്നും അ​ന​ങ്ങാ​ൻ പ​റ്റാ​തെ​യാ​ക്കും.

ഇ​ങ്ക്വിലാ​ബ് സി​ന്ദാ​ബാ​ദ്.

ക​മ്യൂ​ണി​സ്റ്റ് പാ​ർ​ട്ടി സി​ന്ദാ​ബാ​ദ്...​ ഇ​താ​യി​രുന്നു എ​ല്ലാ​റ്റി​ന്റെ​യും തു​ട​ക്കം. പി​ന്നെ അ​ങ്ങോ​ട്ട് അ​ഹൂ​ജ​യു​ടെ സ്പീ​ക്ക​ർ തോ​റ്റു പോ​കു​ന്ന ശ​ബ്ദ​ത്തി​ൽ ഒ​തേ​ന​ൻ ഒ​ച്ച ഒ​തേ​ന​നാ​കും. ഫ്ര​ഞ്ച് വി​പ്ല​വം ജ​ന​ങ്ങ​ളി​ൽ ഉ​ണ്ടാ​ക്കി​യ മാ​റ്റ​ങ്ങ​ൾ, ലെ​നി​ന്റെ ക​മ്യൂ​ണി​സ്റ്റ് ഭ​ര​ണ​ത്തി​ൽ സോ​വി​യ​റ്റ് യൂ​നിയ​ന്റെ ഉ​യി​ർ​പ്പ്, ജ​ന്മിത്ത​ത്തി​നെ​തി​രെ ക​രി​വെ​ള്ളൂ​രും കാ​വു​മ്പാ​യി​യിലും ക​ർ​ഷ​ക​ർ ന​ട​ത്തി​യ പോ​രാ​ട്ട​ങ്ങ​ൾ, എ.കെ.ജിയു​ടെ പ​ട്ടി​ണിജാ​ഥ, ഇ.എം.​എ​സി​ന്റെ ജ​ന​കീ​യ മ​ന്ത്രി​സ​ഭ​യു​ടെ ഉ​ദ​യം... ഇ​ങ്ങ​നെ വ്യ​ത്യ​സ്ത വി​ഷ​യ​ങ്ങ​ൾ ഒ​തേ​ന​ന്റെ ഒ​റ്റ​യാ​ൾ നാ​ട​ക​ത്തി​ലൂ​ടെ ജ​ന​ങ്ങ​ൾ അ​റി​ഞ്ഞു.

ബ്യൂ​ഗി​ളി​ൽനി​ന്നു​ള്ള അ​വ​സാ​ന​ത്തെ ഇ​ങ്ക്വി​ലാ​ബ് സി​ന്ദാ​ബാ​ദ് മു​ഴ​ങ്ങു​മ്പോ​ഴേ​ക്കും അ​വി​ടെ നി​റ​ഞ്ഞുകൂ​ടി​യ മ​നു​ഷ്യ​രും കൈ​ക​ൾ ഉ​യ​ർ​ത്തി ഇ​ങ്ക്വി​ലാ​ബ് സി​ന്ദാ​ബാ​ദ് എ​ന്ന് ഏ​റ്റുപാ​ടും..

ത​ന്റെ നാ​ട​ക​ങ്ങ​ൾ ക​ണ്ട സാ​ധാ​ര​ണ മ​നു​ഷ്യ​രെ ഒ​ച്ച കൂ​ട്ട​ത്തോ​ടെ ക​മ്യൂ​ണി​സ്റ്റു​കാ​രാ​ക്കി. പി​രി​ഞ്ഞു പോ​കു​മ്പോ​ൾ ആ ​മ​നു​ഷ്യ​ർ അ​വ​രു​ടെ ക​യ്യി​ലു​ള്ള തേ​ങ്ങ​യും മാ​ങ്ങ​യും നാ​ണ​യ തു​ട്ടു​ക​ളും ഒ​ച്ച​ക്ക് ന​ൽ​കി...

ഒ​ച്ച ഊ​ണി​നും നി​ത്യ​ച്ചെ​ല​വി​നു​ള്ള​തും മാ​ത്രം എ​ടു​ത്ത് ബാ​ക്കി അ​തത് പാ​ർ​ട്ടി ഓ​ഫി​സു​ക​ളി​ൽ ഏ​ൽ​പിച്ചു. എ​വി​ടെ പാ​ർ​ട്ടി പൊ​തു​യോ​ഗ​മോ രാ​ഷ്ട്രീ​യ വി​ശ​ദീ​ക​ര​ണ​മോ ന​ട​ക്കു​മ്പോ​ൾ പി​ന്നീ​ട് അ​ങ്ങോ​ട്ട് ഒ​ച്ച​യു​ടെ നാ​ട​ക​വും ബ്യൂ​ഗി​ൾ വി​ളി​യും ഓ​രോ പ്ര​ദേ​ശ​ത്തെ​യും പാ​ർ​ട്ടി​യു​ടെ ആ​ൾ​ക്കാ​ർ ഉ​റ​പ്പാ​ക്കി.

1975 ജൂ​ൺ 25

ഒ​ന്ന് നേ​രം ഇ​രു​ട്ടി വെ​ളു​ത്ത​പ്പോ​ഴേ​ക്കും നാ​ട് ബ്രി​ട്ടീഷ് ഭ​ര​ണ​ത്തി​ലെ​ന്നപോ​ലെ പോ​ലീ​സി​ന്റെ ബൂ​ട്ടി​ന് കീ​ഴി​ലാ​യി. മാ​ടാ​യി ഹ​രി​പു​രം പ​ബ്ലി​ക് ലൈ​ബ്ര​റി​യി​ൽ നാ​ട​കം അ​വ​ത​രി​പ്പി​ച്ച് ഒ​ച്ച രാ​ത്രി പു​റ​പ്പെ​ട്ടു. ഏ​ഴോം എ​ത്തി​യ​പ്പോ​ഴേ​ക്കും നേ​രം പാ​തി​ര ക​ഴി​ഞ്ഞി​രുന്നു. ഏ​ഴോം വാ​യ​ന​ശാ​ല​യി​ൽ വ​ർ​ത്ത​മാ​നം പ​റ​ഞ്ഞി​രി​ക്കു​ന്ന ര​ണ്ട് ചെ​റു​പ്പ​ക്കാ​ർ ഒ​ച്ച ഒ​തേ​ന​നെ ക​ണ്ട​യു​ട​നെ റോ​ഡി​ലേ​ക്കി​റ​ങ്ങി –ഒ​തേ​നേ​ട്ടാ സൂ​ക്ഷി​ച്ച് പോ​ക​ണം. രാ​ജ്യം അ​ടി​യ​ന്ത​രാ​വ​സ്ഥ​യി​ലാ​യി ന​മ്മു​ടെ നേ​താ​ക്ക​ളെ മു​ഴു​വ​ൻ പി​ടി​ച്ച് ജ​യി​ലി​ൽ അ​ട​ച്ചുകൊ​ണ്ടി​രി​ക്കുക​യാ​ണ്... പൊലീസ് പി​രാ​ന്ത് പി​ടി​ച്ച നാ​യ്ക്ക​ളെപ്പോ​ലെ അ​തി​ലൂ​ടെ​യും ഇ​തി​ലൂ​ടെ​യും ഓ​ടു​ന്നു​ണ്ട്, സൂ​ക്ഷി​ക്ക​ണം!

ചെ​റു​പ്പ​ക്കാ​ർ ഇ​തും പ​റ​ഞ്ഞ് വെ​ളി​ച്ച​ത്തി​ൽനി​ന്നും ഇ​രു​ട്ടി​ലേ​ക്ക് മ​റ​ഞ്ഞു. ഒ​തേ​ന​ൻ ചെ​റു​പ്പ​ക്കാ​രോ​ട് ചി​രി​ച്ചു. വാ​യ​ന​ശാ​ല​യു​ടെ മൂ​ല​യി​ൽ ഉ​ണ്ടാ​യി​രുന്ന പ്ലാ​സ്റ്റി​ക് ചാ​ക്കി​ലേ​ക്ക് ബ്യൂ​ഗി​ൾ പൊ​തി​ഞ്ഞ് വാ​ഴ​ക്കൈ മു​റി​ച്ച് ത​ന്റെ ത​ല​യി​ൽ വെ​ച്ച് ഒ​ച്ച മു​റു​ക്കി കെ​ട്ടി. ഒ​ച്ച​യെ അ​ങ്ങ​നെ ക​ണ്ട​പ്പോ​ൾ കൂ​ട്ട​ത്തി​ലൊ​രു ചെ​റു​പ്പ​ക്കാ​ര​ന് ഇ​പ്പോ​ൾ മു​ന്നി​ൽ നി​ൽ​ക്കു​ന്ന​ത് കു​ട്ടി​ച്ചാ​ത്ത​നാ​ണെ​ന്ന് തോ​ന്നി... അ​ടു​ത്തനി​മി​ഷം മു​ത​ൽ മു​ന്നി​ലു​ള്ള ആ​ൾ ഇ​ല്ലാ​താ​യി. ഒ​തേ​ന​ൻ പോ​ട്ട​യും ക​റു​വ​യും നി​റ​ഞ്ഞ കൈ​പ്പാ​ടി​ലൂ​ടെ ന​ട​ന്നും നീ​ന്തി​യും പ​ട്ടു​വ​മെ​ത്തി. പ​ട്ടു​വം പു​ഴ നീ​ന്തി ക​ര പി​ടി​ക്കാ​ൻ നോ​ക്കി​യ​തും ക​ര​യി​ൽ പൊ​ലീ​സ് വ​ണ്ടി!

ഒ​തേ​ന​ൻ ത​ന്റെ നീ​ന്ത​ലി​ന്റെ ല​ക്ഷ്യം പു​ഴ​യു​ടെ ന​ടു​വി​ൽ ര​ണ്ടോ മൂ​ന്നോ പേ​ർ​ക്കി​രി​ക്കാ​നു​ള്ള തു​രു​ത്തി​യി​ലേ​ക്ക് മാ​റ്റി. ഒ​തേ​ന​ൻ തു​രു​ത്തി​യി​ലെ മ​ര​ങ്ങ​ൾ​ക്കി​ട​യി​ൽനി​ന്നും ക​ര​യി​ലേ​ക്ക് നോ​ക്കി. പൊ​ലീസുകാര​ന്റെ ബീ​ഡി​യി​ലെ തീ ​അ​ങ്ങേ​യ​റ്റ​ത്തെ അ​പ​ക​ട വെ​ളി​ച്ചംപോ​ലെ ക​ര നി​റ​യെ പു​ക​യു​ന്നു. പൊ​ലീസ് നീ​ങ്ങി​യ​തോ​ടെ നീ​ർ​നാ​യ​യു​ടെ ശ്ര​ദ്ധ​യോ​ടെ അ​ടു​ത്ത നി​മി​ഷം ഒ​തേ​ന​ൻ ക​രപി​ടി​ച്ചു.

ഏ​രി​യ കമ്മിറ്റി​യു​ടെ ര​ഹ​സ്യ നി​ർ​ദേ​ശം ല​ഭി​ച്ച​തി​നാ​ൽ പി​ന്നീ​ടു​ള്ള കു​റേ ദി​വ​സ​ങ്ങ​ൾ ഒ​തേ​ന​ൻ പ​ട്ടു​വം, വെ​ള്ളി​ക്കീ​ൽ പു​ഴ​ക്കുള്ളി​ൽ ആ​രും ഇ​തു​വ​രെ​യും കാ​ല് കു​ത്താ​ത്ത ദ്വീ​പു​ക​ളെ​യും തു​രു​ത്തു​ക​ളെ​യും അ​ന്വേ​ഷി​ച്ചു. ക​ണ്ടെ​ത്തി​യ സ്ഥ​ല​ങ്ങ​ൾ മാ​ർ​ക്ക് ചെ​യ്ത ഒ​ച്ച പ​ല​യി​ട​ങ്ങ​ളി​ൽനി​ന്നും വ​ന്ന സ​ഖാ​ക്ക​ളെ പ​ല തു​രു​ത്തി​ക​ളി​ലേ​ക്കും മാ​റി മാ​റി കൊ​ണ്ടു​പോ​യി... ചി​ല​ർ​ക്ക് കൈ​പ്പാ​ടി​ൽ ന​ട​ന്ന് ശീ​ല​മി​ല്ലാ​ത്ത​തി​നാ​ൽ ഒ​ച്ച അ​വ​രെ ചു​മ​ലി​ലും ക​ഴു​ത്തി​ലും ക​യ​റ്റി..

കൂ​ടെ വ​രു​ന്ന​വ​രോ​ടും പോ​കു​ന്ന​വ​രോ​ടും ഒ​ര​ക്ഷ​രം മി​ണ്ട​രു​ത് എ​ന്ന് പാ​ർ​ട്ടി പ​റ​ഞ്ഞ​തി​നാ​ൽ ഒ​തേ​ന​ൻ ശ്വാ​സംപോ​ലും വി​ട്ടി​ല്ല.

ഒ​തേ​ന​ന് ത​ന്റെ ശ​രീ​ര​ത്തെ​യോ​ർ​ത്ത് അ​ഭി​മാ​നം ഉ​ണ​ർ​ന്നു.

പ്ര​തി​സ​ന്ധി ഘ​ട്ട​ത്തി​ൽ അ​നേ​കം നേ​താ​ക്ക​ളെ പ​ല​യി​ട​ങ്ങ​ളി​ലാ​യി വി​ന്യ​സി​ച്ച ഒ​രു അ​വയ്‌​ല​ബി​ൾ പോ​ളി​റ്റ്ബ്യൂ​റോ!

പ​ത്ര​ങ്ങ​ളി​ൽ നി​ര​ന്ത​രം ഫോ​ട്ടോ വ​രു​ന്ന ഒ​രു വ​ലി​യ സ​ഖാ​വി​നെ വെ​ള്ളി​ക്കീ​ൽ പു​ഴ​യും കൈ​പ്പാ​ടും ക​ട​ത്തി മൊറാഴയി​ലെ ര​ഹ​സ്യകേ​ന്ദ്ര​ത്തി​ൽ എ​ത്തി​ച്ച് തി​രി​കെ ക​ര​യി​ൽ എ​ത്തി​യ​പ്പോ​ൾ എ​ല്ലാ വെ​ളി​ച്ച​വും കെ​ടു​ത്തി ക​ണ്ട​ൽ​ക്കാ​ടു​ക​ളു​ടെ ക​ന​ത്ത ഇ​രു​ട്ടി​ൽ പൊ​ലീ​സ്!

ഒ​ച്ച ക​ര തൊ​ട്ട​തും അ​വ​ർ ചാ​ടി വീ​ണ് ജീ​പ്പി​ലേ​ക്ക് വ​ലി​ച്ചുക​യ​റ്റി. വ​ണ്ടി നേ​രെ പോ​യ​ത് മാ​ങ്ങാ​ട്ടു​പ​റ​മ്പി​ലെ കൊ​ടുംകാ​ട്ടി​ൽ.

1940 സെ​പ്റ്റംബ​ർ 15ന് ​കൃ​ഷ്ണ​ൻ​കുട്ടി എ​ന്ന ബ്രിട്ടീ​ഷ് അ​ടി​മ പൊലീ​സുകാ​ര​ൻ മൊ​റാ​ഴ ക​ർ​ഷ​ക ക​ലാ​പ​ത്തി​ൽ മ​രി​ച്ച​തോ​ടെ ബ്രി​ട്ടീ​ഷ് സാ​യു​ധ ബ​റ്റാ​ലി​യ​ൻ മാ​ങ്ങാ​ട്ടു​പ​റ​മ്പ് താ​വ​ള​മാ​ക്കി.

മൊറാഴയി​ലും ആ​ന്തൂ​രി​ലും വെ​ള്ളി​ക്കീ​ലു​മു​ള്ള ക​ർ​ഷ​ക തൊ​ഴി​ലാ​ളി​ക​ളെ​യും ക​മ്യൂ​ണി​സ്‌​റ്റ്‌ അ​നു​ഭാ​വി​ക​ളെ​യും ക​ള്ള കേ​സി​ൽ കു​ടു​ക്കി പൊ​ലീ​സ് മൃ​ഗീ​യ​മാ​യി ത​ല്ലിച്ചത​ച്ചു, ചി​ല​രെ കൊ​ന്നു.

അ​തേ കാ​ട്, അ​തേ മ​ർ​ദ​നം! ഒ​ച്ച​യു​ടെ ഉ​ള്ളി​ലൂ​ടെ ച​രി​ത്രം ഇ​ള​കി മ​റി​ഞ്ഞു. നി​ന​ക്ക് നാ​യ​നാ​രെ അ​റി​യാ​മോ, എം.​വി.​ആ​റി​നെ കൂ​വോ​ടി​ൽനി​ന്നും ഒ​ഴ​ക്രോ​ത്തി​ലേ​ക്ക് കൊ​ണ്ടുപോ​യ​ത് നീ​യ​ല്ലേ..? ഗോ​വി​ന്ദ​ൻ എ​ന്ന ക​മ്യൂ​ണി​സ​്റ്റ് യൂ​ത്ത് സെ​ക്ര​ട്ട​റി​യ​ല്ലേ നി​ന്നെ ക​ൺ​ട്രോ​ൾ ചെ​യ്യു​ന്ന​ത്? പൊ​ലീ​സ് ഇ​രു​ട്ടി​ന്റെ നാ​ലു ഭാ​ഗ​ത്തും വ​ള​ഞ്ഞ് അ​ന​വ​ധി ചോ​ദ്യ​ങ്ങ​ൾ ചോ​ദി​ച്ചെ​ങ്കി​ലും ഒ​ച്ച​യു​ടെ ശ​ബ്ദം പോ​യി​ട്ട് മൂ​ള​ൽപോ​ലും പു​റ​ത്തേ​ക്ക് വ​ന്നി​ല്ല.

പൊ​ലീ​സുകാ​ർ​ക്ക് വാ​ശി ക​യ​റി. അ​വ​ർ ഒ​ച്ച​യു​ടെ ലിം​ഗം മേ​ശ​മേ​ൽ വെ​ച്ച് അ​തി​നു​ള്ളി​ലേ​ക്ക് തീ​പ്പെ​ട്ടി​ക്കോ​ൽ ക​യ​റ്റി... ഒ​ച്ച​യു​ടെ ഇ​രു​പ​ത് ന​ഖ​ത്തി​ലേ​ക്കും പ​തി​ന​ഞ്ച് സെ​ന്റിമീ​റ്റ​ർ നീ​ള​മു​ള്ള ഈ​ർ​ക്കി​ലും.

നി​ങ്ങ​ളി​ങ്ങ​നെ ഞ​ങ്ങ​ളി​ൽ എ​ത്ര പേ​രെ കൊ​ന്നുത​ള്ളി​യാ​ലും ഒ​രു ഒ​ച്ച​ക്ക് പ​ക​രം നൂ​റ് ഒ​ച്ച പൊ​ങ്ങും!

രാ​ത്രി കൊ​മ്പ​ൻമീ​ശ​ക്കാ​ര​നാ​യ ഒ​രു ത​ടി​യ​ൻ പൊ​ലീ​സ് ഈ​ർ​ക്കി​ൽ ക​യ​റ്റി പ​ഴു​പ്പി​ച്ച ലിം​ഗ​ത്തി​ലേ​ക്ക് മു​ള​ക് പൊ​ടി വി​ത​റി.

പു​ല​ർ​ച്ചെ അ​തേ പൊലീസു​കാ​ര​ൻ വീ​ണ്ടും മു​റി​ഞ്ഞ തൊ​ലി​ക​ളി​ലേ​ക്ക് ചൂ​ടു​വെ​ള്ളം ഒ​ഴി​ച്ചു. ഇ​തി​ന് മു​ന്നേ ഞ​ങ്ങ​ളു​ടെ മു​റി​വു​ക​ളി​ലേ​ക്ക് കൈ​പ്പാ​ട്ടി​ലെ ച​ളി​യും ഉ​പ്പും എ​ത്ര​യോ ക​യ​റി​യി​രുന്നു...​ എ​ന്നി​ട്ട് ഞ​ങ്ങ​ൾ മ​രി​ച്ചുപോ​യോ, നി​ങ്ങ​ൾ​ക്ക് ആ​ളുമാ​റി...​ ബോ​ധം മു​റി​യു​ന്ന​തി​ന് മു​ന്നേ ഒ​തേ​ന​ൻ മ​ന​സ്സി​ൽ പ​റ​ഞ്ഞു.

മ​ാങ്ങാ​ട്ടു​പ​റ​മ്പി​ലെ ചീ​വീടു​ക​ൾ മു​ഴു​വ​ൻ ചു​റ്റോ​ടുചു​റ്റും ശ്ശീ ​എ​ന്നൊ​രു ശ​ബ്ദം ഉ​ണ്ടാ​ക്കി. ഇ​യി​റ്റി​ങ്ങ​ള മു​ക്കി​ കൊ​ല്ലാ​ൻ പാ​ക​ത്തി​ൽ വ​ലി​യ ഡാ​മോ വെ​ള്ള​ച്ചാ​ട്ട​മോ ഇ​വി​ടെ​യി​ല്ലാ​ത്ത​ത് വ​ള​രെ മോ​ശ​മാ​യി എ​ന്നും പ​റ​ഞ്ഞ് പൊ​ലീ​സ് അ​ടു​ത്ത ക്യാ​മ്പി​ലേ​ക്ക് വ​ണ്ടിക​യ​റി.

1977 മാ​ർ​ച്ച്‌ 21ന് അ​ടി​യ​ന്ത​രാ​വ​സ്ഥ പി​ൻ​വ​ലി​ച്ചു. അ​തി​ന്റെ പി​റ്റേ​ന്ന് ത​ന്റെ സു​ദീ​ർ​ഘ​മാ​യ ജീ​വി​തസ​മ​രം അ​വ​സാ​നി​പ്പി​ച്ച് എ.​കെ.​ജി സ​ഖാ​ക്ക​ളോ​ട് എ​ന്നേ​ക്കു​മാ​യി വി​ട​പ​റ​ഞ്ഞു. അ​ടി​യ​ന്തര​ാവ​സ്ഥ പി​ൻ​വ​ലി​ക്ക​പ്പെ​ട്ട​ത് എ.​കെ.​ജി​യും അ​റി​ഞ്ഞി​രി​ക്കും.​ അ​ല്ലാ​തെ പെ​ട്ടെ​ന്ന് എ.​കെ.​ജി​യു​ടെ ഭാ​ഗ​ത്തുനി​ന്നും അ​ങ്ങ​നെ​യൊ​രു തീ​രു​മാ​നം ഉ​ണ്ടാ​കാ​ൻ വ​ഴി​യി​ല്ല. അ​ടി​യ​ന്തരാ​വ​സ്ഥ അ​റ​ബി​ക്ക​ട​ലി​ലാ​യി. ഒ​ച്ച​യും അ​നേ​കം നേ​താ​ക്ക​ളും പ്ര​വ​ർ​ത്ത​ക​രും ജ​യി​ലി​ൽനി​ന്നും നാ​ട്ടി​ലേ​ക്കി​റ​ങ്ങി.

പാ​ർ​ട്ടി​യു​ടെ ലോ​ക്ക​ൽ, ഏ​രി​യ കമ്മിറ്റി യോ​ഗ​ങ്ങ​ൾ മു​റപോ​ലെ ന​ട​ന്നു. ആ​റു വ​ർ​ഷ​ത്തി​നുശേ​ഷം ന​ട​ക്കു​ന്ന പാ​ർ​ട്ടി കോ​ൺ​ഗ്ര​സ് ആ​യ​തി​നാ​ൽ ബ്രാ​ഞ്ച് സ​മ്മേ​ള​ന​ത്തി​നുപോ​ലും പ്ര​വ​ർ​ത്ത​ക​രു​ടെ വീ​റും വാ​ശി​യും ഉ​ണ്ടാ​യി. ക​ണ്ണൂ​ർ ജി​ല്ലാ സ​മ്മേ​ള​നം ഒ​ച്ച​യെ സം​ബ​ന്ധി​ച്ച് ച​രി​ത്ര​മാ​യി... നീ​ണ്ടകാ​ല​ത്തെ ഇ​രു​ണ്ട ജ​യി​ൽവാ​സ​ത്തി​നുശേ​ഷം ന​ട​ക്കു​ന്ന തെ​ളി​ച്ച​മു​ള്ള പ​രി​പാ​ടി... ഉ​പ​യോ​ഗി​ക്കാ​തെ ഒ​ച്ച​യ​ട​ഞ്ഞുപോ​യ ബ്യൂ​ഗി​ൾ തു​ട​ച്ച് മി​നു​ക്കി ഒ​തേ​ന​ൻ സ​മ്മേ​ള​ന ന​ഗ​രി​യി​ലേ​ക്ക് പോ​യി. വ​ലു​തും ചെ​റു​തു​മാ​യ ഓ​രോ നേ​താ​വ് വ​രു​മ്പോ​ഴും ഒ​ച്ച​യു​ടെ ബ്യൂ​ഗി​ൾ മു​ഴ​ങ്ങി.

അ​വ​രി​ൽ ചി​ല​ർ ഒ​ച്ച​യെ ക​ണ്ട​യു​ട​നെ ഓ​ടിവ​ന്നു ചേ​ർ​ത്തുപി​ടി​ച്ചു. സ​മാ​പ​ന സ​മ്മേ​ള​ന​ത്തി​ൽ പ്ര​സം​ഗി​ക്കാ​ൻ സ്‌​റ്റേ​റ്റ് സെ​ക്ര​ട്ട​റി വ​രു​ന്നു. രാ​വി​ലെ മു​ത​ലേ ഒ​ച്ച കാ​ത്തി​രുന്നു. സെ​ക്ര​ട്ട​റി കാ​റി​ൽനി​ന്നും ഇ​റ​ങ്ങി​യ​തും ജ​ന​ങ്ങ​ൾ ഒ​ന്നാ​കെ ഇ​ങ്ക്വിലാ​ബ് മു​ഴ​ക്കി. നൂ​റു​ക​ണ​ക്കി​നു​ള്ള ആ​ൾ​ക്കാ​രു​ടെ ശ​ബ്ദ​ത്തി​ന​പ്പു​റം ഒ​ച്ച​യു​ടെ ബ്യൂ​ഗി​ളും വ​ലി​യൊ​രു ബാ​ൻ​ഡ് സം​ഘ​ത്തി​ന്റെ പ​ണി ഒ​റ്റ​ക്ക് ചെ​യ്തു.

ഒ​ച്ച​യെ നേ​ര​ത്തേത​ന്നെ അ​റി​ഞ്ഞി​രുന്ന സെ​ക്ര​ട്ട​റി കാ​റി​ൽനി​ന്നും ഇ​റ​ങ്ങ​വേ ഒ​രു പു​തു​പു​ത്ത​ൻ ബ്യൂ​ഗി​ൾ ക​യ്യി​ലെ​ടു​ത്ത് ഒ​തേ​ന​ന്റെ അ​രി​കി​ലേ​ക്ക് ന​ട​ന്നു ചേ​ർ​ത്തുപി​ടി​ച്ചു.

‘‘ഇ​ത് നി​ന​ക്ക് ന​മ്മു​ടെ പാ​ർ​ട്ടി​യു​ടെ സ​മ്മാ​നം,

ന​ല്ല ഒ​റി​ജി​ന​ൽ റ​ഷ്യ​ൻ മെ​യ്ഡ്. നീ​യൊ​ക്കെ​യാ​ണ് ഈ ​പാ​ർ​ട്ടി​യു​ടെ ക​രു​ത്ത്! ലാ​ൽ സ​ലാം സ​ഖാ​വേ...’’

ആ​കാ​ശ​ത്തോ​ളം ആ​ഞ്ഞ​ടി​ക്കു​ന്ന ആ​വേ​ശം നി​റ​ഞ്ഞ സ​മ്മേ​ള​ന​ ന​ഗ​രി പൂ​ർ​ണ നി​ശ്ശബ്ദം. ഒ​തേ​ന​ൻ പു​തി​യ ബ്യൂ​ഗി​ളി​ലേ​ക്ക് ചു​ണ്ട് ചേ​ർ​ക്കു​ന്ന നി​മി​ഷ​ത്തി​നാ​യി എ​ല്ലാ​വ​രും കാ​ത്തി​രുന്നു. അ​ടു​ത്ത നി​മി​ഷം ഒ​തേ​ന​ൻ ക​ണ്ണു​ക​ള​ട​ച്ചു. ബ്യൂ​ഗി​ളി​ൽനി​ന്നും ഒ​രു മാ​സ്മ​രി​ക ശ​ബ്ദം അ​ത്ഭു​ത മ​രു​ന്നുപോ​ലെ പു​റ​ത്തേ​ക്ക് തെ​റി​ച്ചു...

ഒ​തേ​ന​ന്റെ പി​ന്നി​ൽ പ​ല കമ്മിറ്റി​ക​ളു​ടെ ചു​വ​പ്പ് ബാ​ൻ​ഡ് സം​ഘം അ​ണി​നി​ര​ന്നു... അ​റ​ബി​ക്കട​ൽ വ​ലി​യൊ​രു തെ​ങ്ങോ​ളം ഉ​യ​ര​ത്തി​ലേ​ക്ക് ഇ​ള​കിമ​റി​ഞ്ഞു.

3. അ​വ​സാ​ന രാ​ത്രി​യു​ടെ പ്ര​ഭാ​ത​ങ്ങ​ൾ

അ​വ​സാ​നം സ​ഖാ​ക്ക​ളു​ടെ നി​ർ​ബ​ന്ധ​ത്താ​ൽ ഒ​ച്ച ദാ​മു ത​ന്റെ നാ​ൽ​പതു​ക​ളു​ടെ തു​ട​ക്ക​ത്തി​ൽ ക​ല്യാ​ണം ക​ഴി​ച്ചു. അ​കാ​ല​ത്തി​ൽ അ​ന്ത​രി​ച്ച സ​ഖാ​വ് ചാ​ത്തു​വി​ന്റെ മ​ക​ൾ ഗൗ​രി​യാ​യി​രുന്നു വ​ധു. ഗൗ​രി​യു​ടെ ര​ണ്ടാം വി​വാ​ഹ​മാ​യി​രുന്നു. ആ​ദ്യ വി​വാ​ഹ​ത്തി​ന് ആ​റുമാ​സം മാ​ത്ര​മാ​യി​രു​ന്നു ആ​യു​സ്സ്.

അ​യാ​ളും വീ​ട്ടു​കാ​രും കൊ​ള്ളി​ല്ല എ​ന്നുപ​റ​ഞ്ഞ് ഗൗ​രി സ്വ​യം ബ​ന്ധം ഒ​ഴി​വാ​ക്കി​യ​താ​ണ്.

സ. ​ചാ​ത്തു മ​ര​ണ​ക്കി​ട​ക്ക​യി​ൽവെ​ച്ച് അ​ന്ത്യാ​ഭി​ലാ​ഷം എ​ന്ന നി​ല​യി​ൽ ത​ന്നെ കാ​ണാ​ൻ വ​ന്ന പാ​ർ​ട്ടി പ്ര​വ​ർ​ത്ത​ക​രോ​ട് ഗൗ​രി​യു​ടെ ക​ല്യാ​ണക്കാ​ര്യം ആ​വ​ശ്യ​പ്പെ​ട്ടു.

ഇ​നി ക​ല്യാ​ണ​മേ വേ​ണ്ട എ​ന്ന ആ​ശ​യ​ത്തി​ൽ നീ​ങ്ങി​യ ഗൗ​രി ഗ​ത്യ​ന്ത​ര​മി​ല്ലാ​തെ മു​പ്പ​ത്തി​മൂ​ന്നാം വ​യ​സ്സി​ൽ ക​ല്യാ​ണ​ത്തി​ന് സ​മ്മ​തം മൂ​ളി... പാ​ർ​ട്ടി പ​ല ചെ​റു​പ്പ​ക്കാ​രെ​യും സ​മീ​പി​ച്ചെ​ങ്കി​ലും ആ​രും ക​ല്യാ​ണ​ത്തി​ന് നി​ന്നി​ല്ല. അ​വ​സാ​നം പ​ല പ്ര​തി​സ​ന്ധി​ഘ​ട്ട​ങ്ങ​ളി​ലും പാ​ർ​ട്ടി​ക്ക് ര​ക്ഷ​ക​നാ​യി നി​ന്ന ഒ​ച്ച ഒ​തേ​ന​ന്റെ മ​ക​ൻ ദാ​മു​വി​ലേ​ക്ക് അ​ന്വേ​ഷ​ണം വ​ന്നു.

പു​റമ്പോ​ക്കി​ലെ അ​ഞ്ച് സെ​ന്റ് സ്ഥ​ല​വും പ​ഴ​യ വീ​ടും മാ​ത്ര​മു​ള്ള ദാ​മു, ത​ന്റെ ക​ടു​ത്ത ഏ​കാ​ന്ത ജീ​വി​ത​ത്തി​ന് എ​ങ്ങ​നെ​യെ​ങ്കി​ലും അ​വ​സാ​നം ആഗ്ര​ഹി​ച്ചി​രുന്നു.

നാ​ട്ടി​ലെ വീ​ടാ​യ വീ​ട് മു​ഴു​വ​ൻ വെ​ള്ള​പൂ​ശു​ക​യും പെ​യി​ന്റ​ടി​ക്കു​ക​യും ചെ​യ്തി​രു​ന്ന ദാ​മു​വി​ന്റെ വീ​ട് സ​ഖാ​ക്ക​ളും മ​റ്റു​ള്ള​വ​രും ചേ​ർ​ന്ന് വൃ​ത്തി​യാ​ക്കി.

കാ​ല​ക്ര​മേ​ണ എ​ല്ലാ ദാ​മ്പ​ത്യ​ത്തി​ലു​മെ​ന്ന​പോ​ലെ ചു​മ​രി​ലെ പെ​യി​ന്റട​ർ​ന്നു. ചു​മ​ര് ചു​മ​രി​ന്റെ സ്വ​ഭാ​വ​വും പെ​യി​ന്റ് അ​തി​ന്റെ സ്വ​ഭാ​വ​വും കാ​ണി​ച്ചു. മ​നു​ഷ്യ​ർ അ​വ​രാ​യി മു​ന്നോ​ട്ടുപോ​കു​മ്പോ​ൾ അ​വ​ർ​ക്കി​ട​യി​ലും വൈ​രു​ധ്യാ​ത്മക ഭൗ​തി​ക​വാ​ദം ഉ​ട​ലെ​ടു​ക്കും. ഇ​തി​ൽനി​ന്നും യോ​ജി​ക്കു​വാ​നു​ള്ള ഇ​ട​ങ്ങ​ൾ ക​ണ്ടെ​ത്തി യോ​ജി​ച്ച് പോ​വു​ക... ദാ​മു സ്വ​യം പ​റ​ഞ്ഞു.

കു​ട്ടി​ക​ളെ നൃ​ത്തം പ​ഠി​പ്പി​ക്കു​ന്ന ഗൗ​രി സ്കൂ​ൾ യു​വ​ജ​നോ​ത്സവ സ​മ​യ​ങ്ങ​ളി​ൽ നി​ന്നുതി​രി​യാ​ൻ നേ​ര​മി​ല്ലാ​ത്ത​ത്ര​യും തി​ര​ക്കി​ലാ​കും. സൗ​ന്ദ​ര്യ​വും സൗ​ന്ദ​ര്യവ​ർ​ധ​ക വ​സ്തു​ക്ക​ളും പു​തി​യ ഫാഷ​നു​ക​ളും ഗൗ​രി​യു​ടെ ജീ​വി​ത​ത്തി​ലെ അ​വി​ഭാ​ജ്യഘ​ട​ക​ങ്ങ​ളാ​യി... ഇ​ത്ത​രം കാ​ര്യ​ങ്ങ​ൾ വ​ല്ലാ​തെ കൂ​ടു​ന്ന​താ​യി ദാ​മു ഗൗ​രി​യോ​ട് സൂ​ചി​പ്പി​ച്ചു.

മ​റു​പ​ടി​യാ​യി ഗൗ​രി ദാ​മു​വി​നോ​ട് പ​റ​ഞ്ഞു, നി​ങ്ങ​ൾ​ക്ക് സൗ​ന്ദ​ര്യ​ത്തോ​ടാ​ണ് വി​യോ​ജി​പ്പെ​ങ്കി​ൽ നി​ങ്ങ​ളൊ​രി​ക്ക​ലും പെ​യി​ന്റിങ്ങി​ന്റെ പ​ണി​ക്ക് പോ​ക​രു​ത്... വീ​ടി​ന്റെ​യാ​യാ​ലും ക്ല​ബി​ന്റെ​യാ​യാ​ലും അ​തൊ​ക്കെ​യും ഒ​രു ത​ര​ത്തി​ല​ല്ലെ​ങ്കി​ൽ മ​റ്റൊ​രു ത​ര​ത്തി​ൽ മോ​ടികൂ​ട്ട​ലാ​ണ്. മാ​ർ​ക്സി​നുപോ​ലും സൗ​ന്ദ​ര്യ​ത്തോ​ട് വി​യോ​ജി​പ്പൊ​ന്നും ഉ​ണ്ടാ​യി​രു​ന്നി​ല്ല...

ചി​ല സ​ന്ദ​ർ​ഭ​ങ്ങ​ളി​ൽ ഭാ​ര​തീയ ദ​ർ​ശ​നം മാ​ർ​ക​്സി​ന്റെ ദ​ർ​ശ​ന​ങ്ങ​ളെ​ക്കാ​ളും മു​ക​ളി​ലു​മാ​ണ്! ഗൗ​രി ഇ​ത് പ​റ​ഞ്ഞ​തോ​ടെ ദാ​മു​വി​ന് കാ​ര്യ​ങ്ങ​ളു​ടെ പോ​ക്കി​നെ സം​ബ​ന്ധി​ച്ച് കൃ​ത്യ​മാ​യ ധാ​ര​ണ ല​ഭി​ച്ചു. ദാ​മു അ​ന്ന് രാ​ത്രി ഉ​റ​ക്ക​ത്തി​ൽ പി​റു​പി​റു​ത്തു. ഞാ​നൊ​രു തൊ​ഴി​ലാ​ളി മാ​ത്ര​മാ​ണ്... അ​ല്ലാ​തെ സൗ​ന്ദ​ര്യ പൂ​ജ​ക​ൻ അ​ല്ല, ഒ​രു ബൂ​ർ​ഷ്വാ​സി​ക്ക് മാ​ത്ര​മാ​ണ് സൗ​ന്ദ​ര്യം കൊ​ണ്ടു​ള്ള നേ​ട്ട​ങ്ങ​ൾ!

ഇ​തി​നി​ട​യി​ൽ അ​ടു​ത്ത ഏ​രി​യ സ​മ്മേ​ള​ന​ത്തി​ൽ അ​വ​ത​രി​പ്പി​ക്കാ​നു​ള്ള ആ​യി​രം പേ​രു​ടെ മെ​ഗാ തി​രു​വാ​തി​ര പ​രി​ശീ​ലി​പ്പി​ക്കാ​നു​ള്ള ഉ​ത്ത​ര​വാ​ദി​ത്തം ആ​ഘോ​ഷ കമ്മിറ്റി ചെ​യ​ർ​മാ​ൻ കൂ​ടി​യാ​യ മ​ഹേ​ഷ് നൊ​ടി​ശ്ശേ​രി ഗൗ​രി​യെ​യാ​ണ് ഏ​ൽ​പിച്ച​ത്. സ​മ്മേ​ള​നത്തി​ന് നാ​ലോ അ​ഞ്ചോ ദി​നം മു​മ്പ് മാ​ത്ര​മാ​യി​രു​ന്നു മെ​ഗാ തി​രു​വാ​തി​ര സം​ബ​ന്ധി​ച്ച് തീ​രു​മാ​നം ഉ​ണ്ടാ​യ​ത്.

തു​ട​ർ​ന്നു​ള്ള ദി​ന​ങ്ങ​ളി​ൽ രാ​വെ​ന്നോ പ​ക​ലെ​ന്നോ ഇ​ല്ലാ​ത്ത വി​ധ​മാ​യി​രു​ന്നു പ​രി​ശീ​ല​നം. പ​തി​നെ​ട്ട് വ​യ​സ്സ് മു​ത​ൽ അ​റു​പ​ത് വ​യ​സ്സ് വ​രെ​യു​ള്ള​വ​രു​ടെ പ​ങ്കാ​ളി​ത്തം ഉ​ണ്ടാ​യ​തി​നാ​ൽ ഗൗ​രി​യെ സം​ബ​ന്ധി​ച്ച് പ​രി​ശീ​ല​നം സ​ങ്കീ​ർ​ണ​മാ​യി... ഗൗ​രി ആ​രു​ടെ​യൊ​ക്കെ​യോ കാ​റി​ൽ പോ​കു​ന്നു. പു​ല​ർ​ച്ച​യോ മ​റ്റോ വ​രു​ന്നു.

അ​തി​നെ​ക്കാ​ൾ ക​ഠി​ന​മാ​യി ഒ​ച്ച ദാ​മു​വി​ന്റെ ജീ​വി​തം. ദാ​മു പ​ണി​ക്ക് പോ​കു​ന്നു. പ​ണിക​ഴി​ഞ്ഞ് വ​സ്ത്ര​ങ്ങ​ൾ അ​ല​ക്കു​ന്നു, അ​ടു​ക്ക​ള​യി​ലേ​ക്ക് ക​യ​റു​ന്നു... നാ​ട്ടു​കാ​രു​ടെ ആ​വ​ശ്യ​ങ്ങ​ൾ​ക്ക് പി​റ​കെ പോ​കു​ന്നു. പാ​ർ​ട്ടി സ​മ്മേ​ള​ന​ങ്ങ​ളി​ൽ ഇ​ത്ത​രം കെ​ട്ടുകാ​ഴ്ചക​ളേ പാ​ടി​ല്ല. പ​ക​രം അ​വി​ടെ മ​നു​ഷ്യ​രെ സം​ബ​ന്ധി​ച്ച ഗൗ​ര​വ​മേ​റി​യ ച​ർ​ച്ച​ക​ൾ ന​ട​ക്ക​ണം... ഓ​രോ സ​മ്മേ​ള​ന​വും മ​നു​ഷ്യ​രെ സം​ബ​ന്ധി​ക്കു​ന്ന പാ​ഠ​ശാ​ല​ക​ളാ​ക​ണം... ഒ​ച്ച ദാ​മു ഗൗ​രി കേ​ൾ​ക്കേ പ​റ​ഞ്ഞു.

ഗൗ​രി ദാ​മു​വി​നെ പു​ച്ഛ​ത്തോ​ടെ നോ​ക്കി. നി​ങ്ങ​ൾ കാ​റ​ൽ മാ​ർ​ക്സി​ന്റെ മൂ​ല​ധ​ന​വും കെ​ട്ടി​പ്പിടി​ച്ച് കി​ട​ന്നോ.​ നാ​ട്ടി​ലെ വി​വ​ര​മു​ള്ള ആ​ണു​ങ്ങ​ൾ അ​തി​ലെ ധ​നം മു​ഴു​വ​ൻ എ​ന്നോ കൊ​ണ്ടു​പോ​യി. നി​ങ്ങ​ക്കൊ​ക്കെ ഇ​നി അ​തി​ന്റെ ബാ​ക്കി മാ​ത്ര​മേ​ള്ളൂ... മൂ​ലം!

ഒ​ന്നും ര​ണ്ടും കാ​റും ന​ഗ​ര​ത്തി​ൽ ഷോ​പ്പിങ് കോം​പ്ല​ക്സും ക​ണ്ണാ​യ സ്ഥ​ല​ങ്ങ​ളി​ൽ ഭൂ​മി​യും ഇ​ല്ലാ​ത്ത ഏ​ത് നേ​താ​വാ​ണ് ഇ​ന്ന് നാ​ട്ടി​ലു​ള്ള​ത്. പൂ​ഴി​യും കു​ന്നും കു​ള​വും ഉ​പ​യോ​ഗി​ച്ച് പൈ​സ ഉ​ണ്ടാ​ക്കു​ന്ന​വ​ൻ ഉ​ണ്ടാ​ക്കിക്കൊ​ണ്ടി​രി​ക്കും. അ​ല്ലാ​ത്ത​വ​ൻ അ​ടി​യും തൊ​ഴി​യുംകൊ​ണ്ട് ഉ​ണ്ട തി​ന്നും... ഗൗ​രി പ​റ​ഞ്ഞ​തി​നൊ​ന്നും മ​റു​പ​ടി പ​റ​യാ​തെ ഒ​ച്ച ചു​റ്റും പ​ര​ക്കു​ന്ന ഇ​രു​ട്ടി​ലേ​ക്ക് നോ​ക്കി.

മെ​ഗാ തി​രു​വാ​തി​ര​യു​ടെ ഫൈ​ന​ൽ റി​ഹേ​ഴ്സ​ൽ ന​ട​ക്കു​ന്ന​തി​നാ​ൽ ര​ണ്ട് ദി​വ​സ​ത്തി​ലേ​ക്ക് വ​രി​ല്ല എ​ന്നും പ​റ​ഞ്ഞ് ഗൗ​രി വീ​ട്ടി​ൽനി​ന്നും ഇ​റ​ങ്ങി... മൂ​ന്നുദി​വ​സം ക​ഴി​ഞ്ഞി​ട്ടും കാ​ണാ​താ​യ​പ്പോ​ൾ ദാ​മു ഏ​രി​യ കമ്മിറ്റി ഓഫീ​സി​ലേ​ക്ക് പോ​യി. ഏ​രി​യ സെ​ക്ര​ട്ട​റി തു​ണ്ടി​യി​ൽ ക​ണാ​രേ​ട്ട​ൻ ഓഫീസി​ൽ ഉ​ണ്ടാ​യി​രുന്നു. സ​മ്മേ​ള​ന​ത്തി​നോ​ട് അ​നു​ബ​ന്ധി​ച്ചു​ള്ള ക​ലാ​പ​രി​പാ​ടി​ക​ൾ എ​ന്ത്, എ​ങ്ങ​നെ, എ​വി​ടെ ഒ​ന്നും എ​നി​ക്ക് അ​റി​യി​ല്ല...

ഈ​യി​ടെ​യാ​യി ഈ ​ക​മ്മി​റ്റി​യി​ൽ എ​ന്ത് ന​ട​ക്കു​ന്നു എ​ന്നു പോ​ലും മു​ഴു​വ​നാ​യും ഞാ​ന​റി​യി​ല്ല... പ്രാ​യ​മാ​യി, അ​തി​ന്റേ​താ​യ പ്ര​ശ്ന​ങ്ങ​ളും എ​നി​ക്കു​ണ്ട്.

ഇ​തെ​ന്റെ അ​വ​സാ​ന പാ​ർ​ട്ടി സ​മ്മേ​ള​നമാ​ണ്!

രാ​ത്രി​യി​ൽ ദാ​മു തെ​രു​വി​ലൂ​ടെ തി​ര​ിച്ചു ന​ട​ക്കു​മ്പോ​ൾ സ​മ്മേ​ള​ന​ത്തി​ന്റെ ഭാ​ഗ​മാ​യി തെ​രു​വി​ന്റെ പ​ലഭാ​ഗ​ങ്ങ​ളി​ൽ പ​ല​ത​രം ഫെ​സ്റ്റി​വലു​ക​ൾ ന​ട​ക്കു​ന്നു​ണ്ടാ​യി​രു​ന്നു.

ബി​രി​യാ​ണി ഫെ​സ്റ്റ്

ഫി​ലിം ഫെ​സ്റ്റ്

സാ​ഹി​ത്യ ഫെ​സ്​റ്റ്

ബി​സി​ന​സ് മീ​റ്റ് ഫെ​സ്റ്റ്

ഫാഷ​ൻ ഫെ​സ്റ്റ്...

ഒ​ച്ച ദാ​മു തി​രി​കെ ബ്രാ​ഞ്ച് ഓഫീ​സി​ൽ എ​ത്തു​മ്പോ​ൾ സ​മ​യം പാ​തി​ര ക​ഴി​ഞ്ഞി​രുന്നു. അ​യാ​ൾ ഓഫീ​സി​ൽ അ​ല​ങ്ക​രി​ച്ചുവെ​ച്ച ബ്യൂ​ഗി​ൾ എ​ടു​ത്തു... അ​തേ ഇ​രു​ട്ടി​ലേ​ക്ക് വീ​ണ്ടും ന​ട​ന്നു. വെ​ള്ളി​ക്കീ​ലും മൊറാഴയും ക​ട​ന്ന് സ​മ്മേ​ള​ന സ്ഥ​ല​ത്തെ​ത്തു​മ്പോ​ഴേ​ക്കും നേ​രം പു​ല​ർ​ന്നി​രുന്നു...

ശ​ബ്ദം പു​റ​ത്തു​വ​രാ​ത്ത ത​ന്റെ ചു​ണ്ടു​ക​ളി​ലേ​ക്ക് അ​യാ​ൾ ബ്യൂ​ഗി​ൾ ചേ​ർ​ത്തു... ഉ​ള്ളി​ൽനി​ന്നും അ​ച്ഛ​നെ​ക്കാ​ളും വ​ലി​യൊ​രു ഒ​ച്ച കൂ​റ്റ​ൻ റെ​ഡ് വ​ള​ന്റിയ​ർ മാ​ർ​ച്ചി​ലെ​ന്നപോ​ലെ പു​റ​ത്തേ​ക്ക് പ്ര​വ​ഹി​ക്കു​ന്ന​താ​യി അ​യാ​ൾ സ്വ​പ്നം ക​ണ്ടു. കു​റ​ച്ച് സ​മ​യ​ത്തെ ബ്യൂ​ഗി​ൾ വാ​യ​ന​ക്കുശേ​ഷം ദാ​മു മൈ​താ​ന മ​ധ്യ​ത്തി​ലേ​ക്ക് മ​റി​ഞ്ഞു​കെ​ട്ടി വീ​ണു. അ​പ്പോ​ഴേ​ക്കും സ​മ്മേ​ള​ന ന​ഗ​രി​യി​ലും പ്ര​ഭാ​തം പു​ല​ർ​ന്നു. ഏ​താ​നും നി​മി​ഷ​ങ്ങ​ൾ​ക്ക​കം മൈ​താ​നം വ​ലി​യ വാ​ഹ​ന​ങ്ങ​ളാ​ലും കാ​റു​ക​ളാ​ലും നി​റ​ഞ്ഞുതു​ട​ങ്ങി​യി​രുന്നു.