നിത്യയുടെ മരണത്തില്‍ ദുരൂഹത; പിതാവ് പൊലീസില്‍ പരാതി നല്‍കി

മൂന്നാര്‍: മാട്ടുപ്പെട്ടി ഡാമില്‍ കണ്ടത്തെിയ നിത്യയുടെ മരണത്തില്‍ സംശയമുള്ളതായി കുട്ടിയുടെ പിതാവ് പൊലീസില്‍ പരാതി നല്‍കി. കൊരണ്ടക്കാട് വിമലാലയം സ്കൂളിലെ എട്ടാം ക്ളാസുകാരിയായ നിത്യയെ സെപ്റ്റംബര്‍ 21 ഉച്ചക്കുശേഷമാണ് കാണാതായത്. വീടിനടുത്തുള്ള മുത്തശ്ശിയുടെ വീട്ടിലേക്ക് പോയ നിത്യ മടങ്ങിയത്തെിയില്ല. ഇതേതുടര്‍ന്ന് മൂന്നാര്‍ പൊലീസില്‍ പരാതി നല്‍കുകയും തിരച്ചില്‍ നടത്തുകയും ചെയ്തെങ്കിലും പ്രയോജനമുണ്ടായില്ല. അടുത്തദിവസം രാവിലെ മാട്ടുപ്പെട്ടി ഡാമിന്‍െറ വനത്തോടുചേര്‍ന്ന ഭാഗത്ത് നിത്യയുടെ ചെരിപ്പുകള്‍ കാണപ്പെട്ടതോടെ വെള്ളത്തില്‍ വീണ് മരിച്ചതാകാമെന്ന സംശയം ഉടലെടുക്കുകയും ഫയര്‍ ഫോഴ്സിനെ അറിയിക്കുകയും ചെയ്തു. ഫയര്‍ഫോഴ്സിന്‍െറ സഹായത്തോടെ നടത്തിയ അന്വേഷണത്തില്‍ ഡാമില്‍ മൃതദേഹം കണ്ടത്തെുക്കുകയായിരുന്നു. നിത്യ ആത്മഹത്യ ചെയ്യാന്‍ സാധ്യതയില്ളെന്ന് വീട്ടുകാര്‍ പറയുന്നു. മരണത്തില്‍ അസ്വാഭാവികതയുള്ളതായി സംശയം ബലപ്പെട്ടിരിന്നെങ്കിലും അന്വേഷണത്തിന് പൊലീസ് താല്‍പര്യം കാണിച്ചില്ളെന്നും ആക്ഷേപമുണ്ട്.