വണ്ടിച്ചെക് കേസില്‍ ഭാര്യ അറസ്റ്റില്‍, ഭര്‍ത്താവ് ഒളിവില്‍

കളമശ്ശേരി: സ്വകാര്യ കമ്പനിയിലെ ഇലക്ട്രിക്കല്‍ ജോലി ചെയ്ത കരാറുകാരന് നല്‍കിയ ചെക് മടങ്ങിയതിനെതിരായ പരാതിയില്‍ ദമ്പതികള്‍ക്കെതിരെ കേസ്. ഭാര്യയെ അറസ്റ്റുചെയ്തു. ഭര്‍ത്താവ് ഒളിവില്‍. എടയാറില്‍ സ്വകാര്യ സ്ഥാപനം നടത്തുന്ന തൃശൂര്‍ സ്വദേശി വര്‍ഗീസിന്‍െറ ഭാര്യ അനിതയാണ് അറസ്റ്റിലായത്. കോടതിയില്‍ ഹാജരാക്കി ജാമ്യത്തില്‍ വിട്ടു. കമ്പനി ഡയറക്ടര്‍ വര്‍ഗീസിനും, ഭാര്യ അനിതയ്ക്കും എതിരെ കമ്പനിയില്‍ ഇലക്ട്രിക്കല്‍ ജോലി നടത്തിയ കളമശ്ശേരി സ്വദേശി എന്‍.വി. വിന്‍സര്‍ നല്‍കിയ പരാതിയിലാണ് അറസ്റ്റ്. കമ്പനിയുടെ ഇലക്ട്രിക്കല്‍ ജോലികള്‍ ചെയ്തതിന് നല്‍കിയ ചെക് പണമില്ലാതെ മടങ്ങിയതിനെ തുടര്‍ന്നാണ് കരാറുകാരന്‍ പൊലീസില്‍ പരാതി നല്‍കിയത്.