പാഴ്വസ്തുക്കള്‍ക്ക് തീപിടിച്ചു; വന്‍ ദുരന്തം ഒഴിവായി

കോതമംഗലം: നഗരമധ്യത്തിലെ ഒഴിഞ്ഞ സ്ഥലത്ത് കൂട്ടിയിട്ട പാഴ്വസ്തുക്കള്‍ക്ക് തീപിടിച്ചു.ഞായറാഴ്ച ഉച്ചയോടെയാണ് പ്രസ് ഫോറം ഹാളിന് സമീപത്തെ സ്വകാര്യവ്യക്തിയുടെ സ്ഥലത്ത് ഉണ്ടായിരുന്ന പാഴ്വസ്തുക്കള്‍ക്ക് തീ പിടിച്ചത്. ആളിപ്പടര്‍ന്ന തീ സമീപത്തെ ഒരേക്കറോളം സ്ഥലത്തെ കുറ്റിക്കാടുകളിലേക്കും പടര്‍ന്നു. കച്ചവടക്കാര്‍ അറിയിച്ചതിനത്തെുടര്‍ന്ന് കോതമംഗലം ഫയര്‍ഫോഴ്സിലെ സ്റ്റേഷന്‍ ഓഫിസര്‍ സതീഷിന്‍െറ നേതൃത്യത്തില്‍ എല്‍.എഫ് ടി.കെ. എല്‍ദോ, ഫയര്‍മാന്‍മാരായ ഇബ്രാഹിം, ജംഷാദ്, മനു, രഞ്ജിത്ത്, സാബു, സി.എ. നിഷാദ്, സജിന്‍ എന്നിവരടങ്ങുന്ന സംഘം മണിക്കൂറോളം ശ്രമിച്ചാണ് തീ അണച്ചത്. പകല്‍ ആയതിനാലും പെട്ടെന്ന് തീ അണക്കാനായതുകൊണ്ടും വന്‍ ദുരന്തമാണ് ഒഴിവായത്.