മ​ലി​ന​മാ​യ തോ​ട് ദു​ർ​ഗ​ന്ധ​വും രോ​ഗ​ഭീ​തി​യും പ​ര​ത്തു​ന്നു

പ​ര​വൂ​ർ: ഒ​ഴു​ക്ക് നി​ല​ച്ച് മ​ലീ​മ​സ​മാ​യ തോ​ട്​ ദു​ർ​ഗ​ന്ധ​വും രോ​ഗ​ഭീ​തി​യും പ​ര​ത്തു​ന്നു. പ​ര​വൂ​ർ ഒ​ല്ലാ​ൽ ഭാ​ഗ​ത്തു​ള്ള തോ​ടാ​ണ് ഏ​റെ​ക്കാ​ല​മാ​യി മാ​ലി​ന്യം അ​ടി​ഞ്ഞു​കൂ​ടി ആ​രോ​ഗ്യ​ത്തി​നു ഭീ​ഷ​ണി​യാ​യി​രി​ക്കു​ന്ന​ത്. ഗ്രീ​ൻ േപ്രാ​ട്ടോ​കോ​ൾ പാ​ലി​ക്ക​ണ​മെ​ന്ന ന​ഗ​ര​സ​ഭ​യു​ടെ ഉ​ദ്ബോ​ധ​ന​ങ്ങ​ൾ​ക്കി​ട​യി​ലാ​ണ് ന​ഗ​ര​ഹൃ​ദ​യ​ത്തി​ൽ​ത്ത​ന്നെ തോ​ട് ദു​ർ​ഗ​ന്ധ വാ​ഹി​നി​യും രോ​ഗ​വാ​ഹി​നി​യു​മാ​യി കി​ട​ക്കു​ന്ന​ത്. ഒ​ല്ലാ​ൽ ക്ഷേ​ത്ര​ത്തി​ന് സ​മീ​പ​ത്തു​കൂ​ടി ഒ​ഴു​കി കോ​ട്ട​പ്പു​റം കാ​യ​ലി​ൽ ചേ​രു​ന്ന തോ​ടി​നാ​ണ് ഈ ​ദു​ര​വ​സ്​​ഥ. സ​മീ​പ​ത്ത് ക​യ​ർ ഉ​ൽ​പാ​ദ​ന കേ​ന്ദ്ര​ങ്ങ​ളു​ള്ള​തി​നാ​ൽ തൊ​ണ്ടിെൻറ​യും ച​കി​രി​യു​ടെ​യും വേ​സ്​​റ്റു​ക​ള​ട​ക്കം വ​ൻ​തോ​തി​ൽ മാ​ലി​ന്യം തോ​ട്ടി​ൽ അ​ടി​ഞ്ഞു​കി​ട​ക്കു​ക​യാ​ണ്. ക​ലു​ങ്കി​ന് ഇ​രു​വ​ശ​ത്തു​മാ​ണ് കൂ​ടു​ത​ലും മാ​ലി​ന്യം അ​ടി​ഞ്ഞി​ട്ടു​ള്ള​ത്. വാ​ഹ​ന​ങ്ങ​ളി​ൽ മാ​ലി​ന്യം എ​ത്തി​ച്ച് ഇ​വി​ടെ നി​ക്ഷേ​പി​ക്കു​ന്ന പ്ര​വ​ണ​ത​യു​മു​ണ്ട്. തോ​ട്ടി​ൽ വെ​ള്ള​മു​ണ്ടെ​ങ്കി​ലും ഒ​ഴു​ക്ക് പൂ​ർ​ണ​മാ​യും നി​ല​ച്ച​തി​നാ​ൽ കെ​ട്ടി​നി​ൽ​ക്കു​ന്ന വെ​ള്ള​ത്തി​ന് ദു​ർ​ഗ​ന്ധ​മു​ണ്ട്. കൊ​തു​കു​ശ​ല്യ​വും വ​ർ​ധി​ച്ചി​ട്ടു​ണ്ട്. വെ​ള്ളം ക​റു​ത്ത് മ​ലീ​മ​സ​മാ​ണ്. ശു​ചീ​ക​ര​ണ​ത്തി​ന് ന​ഗ​ര​സ​ഭ മു​ന്തി​യ പ​രി​ഗ​ണ​ന ന​ൽ​കു​മെ​ന്ന് അ​ധി​കൃ​ത​ർ വ്യ​ക്​​ത​മാ​ക്കു​മ്പോ​ഴും മ​ലീ​മ​സ​മാ​യ തോ​ടു​ക​ളും കു​ള​ങ്ങ​ളും വൃ​ത്തി​യാ​ക്കാ​നോ സം​ര​ക്ഷി​ക്കാ​നോ ശ്ര​മ​ങ്ങ​ളു​ണ്ടാ​കു​ന്നി​ല്ല. അ​ടി​യ​ന്ത​ര പ്രാ​ധാ​ന്യ​ത്തോ​ടെ ചെ​യ്യേ​ണ്ട പ്ര​വ​ർ​ത്ത​ന​ങ്ങ​ൾ പോ​ലും ഇ​ക്കാ​ര്യ​ത്തി​ൽ ന​ഗ​ര​സ​ഭ സ്വീ​ക​രി​ക്കു​ന്നി​ല്ലെ​ന്ന് പ​ല​യി​ട​ത്തു​നി​ന്നും പ​രാ​തി​ക​ൾ ഉ​യ​രു​ന്നു​ണ്ട്. നി​ര​വ​ധി കു​ള​ങ്ങ​ളാ​ണ് മ​ലീ​മ​സ​മാ​യി​ട്ടു​ള്ള​ത്.