അ​മി​ത​വേ​ഗ​ം; ആ​ഡം​ബ​ര ബൈ​ക്കു​ക​ൾ​ക്കെ​തി​രെ ന​ട​പ​ടി സ്വീ​ക​രി​ക്കു​ന്നി​ല്ലെ​ന്ന് പ​രാ​തി

വെ​ളി​യം: ഓ​ട​നാ​വ​ട്ടം, വെ​ളി​യം, പൂ​യ​പ്പ​ള്ളി, നെ​ടു​മ​ൺ​കാ​വ്, ഓ​യൂ​ർ പ്ര​ദേ​ശ​ങ്ങ​ളി​ൽ ആ​ഡം​ബ​ര ബൈ​ക്കു​ക​ൾ അ​മി​ത വേ​ഗ​ത്തി​ൽ പോ​കു​ന്ന​തി​നെ​തി​രെ പൂ​യ​പ്പ​ള്ളി പൊ​ലീ​സ് ന​ട​പ​ടി സ്വീ​ക​രി​ക്കു​ന്നി​ല്ലെ​ന്ന് പ​രാ​തി. സ്കൂ​ൾ സ​മ​യ​ത്തും അ​ല്ലാ​തെ​യും വി​ദ്യാ​ർ​ഥി​ക​ൾ ആ​ഡം​ബ​ര ബൈ​ക്കു​ക​ളി​ൽ സ​ഞ്ച​രി​ക്കു​ന്ന​ത് കാ​ൽ​ന​ട​യാ​ത്രി​ക​ർ​ക്കും മ​റ്റ് വാ​ഹ​ന​ങ്ങ​ൾ​ക്കും ബു​ദ്ധി​മു​ട്ടാ​കു​ന്നു. രാ​വി​ലെ 7.30 ഓ​ടെ ജ​ങ്ഷ​നു​ക​ളി​ൽ എ​ത്തു​ന്ന ബൈ​ക്കു​ക​ളി​ൽ മൂ​ന്നും നാ​ലും പേ​ർ ഒ​രു​മി​ച്ചാ​ണ് സ​ഞ്ച​രി​ക്കു​ന്ന​ത്. സ്കൂ​ളു​ക​ളു​ടെ ഇ​ട​വ​ഴി​ക​ളി​ലും തി​ര​ക്കു​ള്ള റോ​ഡു​ക​ളി​ലൂ​ടെ​യു​മാ​ണ് യാ​ത്ര. ഓ​ട​നാ​വ​ട്ടം ജ​ങ്ഷ​നി​ലൂ​ടെ ഇ​ത്ത​ര​ത്തി​ൽ ക​റ​ങ്ങി​യ യു​വാ​ക്ക​ളെ നാ​ട്ടു​കാ​ർ ത​ട​ഞ്ഞു​നി​ർ​ത്തി ഉ​പ​ദേ​ശി​ച്ച ശേ​ഷം പ​റ​ഞ്ഞു​വി​ട്ടി​രു​ന്നു. ബൈ​ക്കു​ക​ളി​ൽ പാ​യു​ന്ന​ത് തു​ട​രു​ന്ന​തി​നാ​ൽ പ്ര​ദേ​ശ​വാ​സി​ക​ൾ പൊ​ലീ​സി​ൽ പ​രാ​തി ന​ൽ​കി​യി​രു​ന്നു. ഓ​യൂ​ർ ജ​ങ്ഷ​നി​ലും സ​മീ​പ​ത്തെ പ​യ്യ​ക്കോ​ട്ടും ബൈ​ക്കു​ക​ൾ അ​മി​ത വേ​ഗ​ത​ത്തി​ലാ​ണ് സ​ഞ്ച​രി​ക്കു​ന്ന​ത്. ബൈ​ക്കു​ക​ളു​ടെ സൈ​ല​ൻ​സ​റു​ക​ൾ ഇ​ള​ക്കി മാ​റ്റി വ​ൻ ശ​ബ്​​ദ​ത്തോ​ടെ​യാ​ണ് സ​ഞ്ച​രി​ക്കു​ന്ന​ത്. ന​മ്പ​ർ പ്ലേ​റ്റി​ല്ലാ​ത്ത ബൈ​ക്കു​ക​ളും നി​ര​ത്തി​ലൂ​ടെ ക​ട​ന്നു​പോ​കു​ന്നു​ണ്ട്. ഇതിനാൽ ഇത്തരക്കാരെ കണ്ടെത്താനും സാധിക്കുന്നില്ലെന്ന്​ നാട്ടുകാർ പറയുന്നു. പൂ​യ​പ്പ​ള്ളി​യി​ൽ കൊ​ട്ടാ​ര​ക്ക​ര, -ഓ​യൂ​ർ, കൊ​ല്ലം-, കു​ള​ത്തൂ​പ്പു​ഴ റോ​ഡു​ക​ൾ ക​ട​ന്നു​പോ​കു​ന്ന ജ​ങ്ഷ​നി​ലൂ​ടെ​യാ​ണ് അ​പ​ക​ട​ക​ര​മാ​യ രീ​തി​യി​ൽ സ​ഞ്ച​രി​ക്കു​ന്ന​ത്. ഓ​ട​നാ​വ​ട്ട​ത്ത് ആ​റ് മാ​സ​ത്തി​നി​ടെ മൂ​ന്ന് പേ​ർ​ക്ക് ബൈ​ക്കി​ടി​ച്ച് പ​രി​ക്കേ​റ്റു. ജ​ങ്ഷ​നി​ൽ ദൂ​രെ സ്ഥ​ല​ങ്ങ​ളി​ൽ നി​ന്നു​ള്ള ബൈ​ക്കു​ക​ളും എ​ത്തു​ന്നു​ണ്ട്. ഇ​തു​മൂ​ലം ആ​ളു​ക​ൾ​ക്ക് റോ​ഡ് മു​റി​ച്ചു​ക​ട​ക്കാ​ൻ പ​റ്റാ​ത്ത അ​വ​സ്ഥ​യാ​ണ്. ഒ​രു വ​ർ​ഷം മു​മ്പ് ഓ​യൂ​രി​ൽ ആ​ഡം​ബ​ര ബൈ​ക്കു​ക​ൾ ഉ​പ​യോ​ഗി​ക്കു​ന്ന യു​വാ​ക്ക​ളി​ൽ​നി​ന്ന് ക​ഞ്ചാ​വും മ​റ്റും പി​ടി​ച്ചെ​ടു​ത്തി​രു​ന്നു. ഓ​യൂ​രി​ൽ സ​ന്ധ്യ ക​ഴി​ഞ്ഞാ​ൽ ബൈ​ക്കു​ക​ളി​ലാ​ണ് ക​ഞ്ചാ​വ് എ​ത്തി​ക്കു​ന്ന​ത്. ജ​ങ്ഷ​നി​ൽ​നി​ന്ന് 100 മീ​റ്റ​ർ അ​ക​ലെ​യു​ള്ള ച​ന്ത​ക്ക്​ സ​മീ​പ​ത്താ​ണ് ക​ഞ്ചാ​വ് വി​ൽ​പ​ന ന​ട​ക്കു​ന്ന​ത്. സി​റി​ഞ്ചും ആം​പ്യൂ​ളും ഇ​വി​ടെ നി​ന്ന് നാ​ട്ടു​കാ​ർ ക​ണ്ടെ​ത്തി​യി​രു​ന്നു. കർശന നടപടിയെടുക്കാൻ പൊലീസും മോ​േട്ടാർവാഹനവകുപ്പും തയാറാകണമെന്നാണ്​ നാട്ടുകാർ ആവശ്യപ്പെടുന്നത്​.