ജലസംരക്ഷണ സന്ദേശവുമായി കെ.എസ്.ആര്‍.ടി.സിയും

എടപ്പാള്‍: ജലസംരക്ഷണ ബോധവത്കരണ പ്രവര്‍ത്തനങ്ങളുമായി കെ.എസ്.ആര്‍.ടി.സിയും രംഗത്തിറങ്ങുന്നു. ആകാശ നീലനിറത്തിലുള്ള ബസുകള്‍ പുറത്തിറക്കിയാണ് കെ.എസ്.ആര്‍.ടി.സി ജലസംരക്ഷണ പ്രവര്‍ത്തനങ്ങളില്‍ കൈകോര്‍ക്കുന്നത്. എടപ്പാളിലെ ബോഡി നിര്‍മാണ യൂനിറ്റില്‍ എട്ട് ബസുകളാണ് നിര്‍മിച്ചത്. ദുരന്തനിവാരണ മാനേജ്മെന്‍റുമായി സഹകരിച്ചാണ് ജലസംരക്ഷണ സന്ദേശങ്ങള്‍ പ്രചരിപ്പിക്കാന്‍ ബസുകള്‍ പുറത്തിറക്കുന്നത്. ബസിനകത്തും പുറത്തും ജലസംരക്ഷണ സന്ദേശങ്ങള്‍ പ്രദര്‍ശിപ്പിക്കും. ഫാസ്റ്റ് പാസഞ്ചര്‍, സൂപ്പര്‍ ഫാസ്റ്റ് ബസുകളായിട്ടായിരിക്കും ഇവ സര്‍വിസ് നടത്തുക. എല്ലാ ജില്ലകളിലും ബസുകളത്തെും. ഈ മാസംതന്നെ ബസുകള്‍ പുറത്തിറക്കുമെന്ന് അധികൃതര്‍ പറഞ്ഞു.