കക്കാട്ടിരിയിലെ കൈയേറ്റം: സബ് കലക്ടര്‍ റിപ്പോര്‍ട്ട് തേടി

കൂറ്റനാട്: പട്ടിത്തറവില്ളേജിലെ കക്കാട്ടിരിയില്‍ പൊതുസ്ഥലം കൈയേറി കാര്‍ഷെഡ് നിര്‍മിച്ച സംഭവത്തില്‍ സബ് കലക്ടര്‍ റിപ്പോര്‍ട്ട് ആവശ്യപ്പെട്ടു. കൈയേറ്റവുമായി ബന്ധപ്പെട്ട പരാതിയില്‍ പട്ടാമ്പി തഹസില്‍ദാറുടെ നേതൃത്വത്തില്‍ സ്വകാര്യവ്യക്തിക്കെതിരെ കേസെടുക്കുകയും വെള്ളിയാഴ്ച ഹിയറിങ് നടത്തുകയും ചെയ്തു. അതിനിടെ, കൈയേറ്റം ശരിവെച്ച സ്വകാര്യവ്യക്തി ഷെഡ് പൊളിച്ചുനീക്കാന്‍ കൂടുതല്‍ സമയം ആവശ്യപെട്ടെങ്കിലും അംഗീകരിക്കാനാവില്ളെന്ന് ബന്ധപ്പെട്ടവര്‍ അറിയിച്ചു. എത്രയും വേഗം നടപടിയെടുക്കുമെന്ന് തഹസില്‍ദാര്‍ അറിയിച്ചു. കക്കാട്ടിരി പ്രദേശത്ത് വ്യാപകതോതില്‍ പൊതുസ്ഥലം കൈയേറിയതായി പരാതി ലഭിച്ചതായി തഹസില്‍ദാര്‍ പറഞ്ഞു.