പറപ്പൂരില്‍ ബേക്കറിയില്‍ വന്‍ തീപിടിത്തം

പറപ്പൂര്‍: പറപ്പൂരില്‍ ബേക്കറിയില്‍ വന്‍ അഗ്നിബാധ. ബേക്കറി പൂര്‍ണമായും കത്തി നശിച്ചു. പറപ്പൂര്‍ സെന്‍ററിലെ റൂഫ് ബേക്കറിയില്‍ ബുധനാഴ്ച അര്‍ധരാത്രിയോടെയാണ് തീപിടിത്തം. തീ പടര്‍ന്ന് സമീപത്ത് പാര്‍ക്ക് ചെയ്തിരുന്ന തോളൂര്‍ ഗ്രാമപഞ്ചായത്തിന്‍െറ വാഹനവും ഭാഗികമായും കത്തി. തൃശൂരില്‍ നിന്ന് ഫയര്‍ഫോഴ്സും പേരാമംഗലം പൊലീസും സ്ഥലത്തത്തെി. നാട്ടുകാരും ചേര്‍ന്ന് തീയണച്ചെങ്കിലും പൂര്‍ണമായും കത്തി പടരുകയായിരുന്നു. രാത്രി 10.30ന് ശേഷമാണ് ബാക്കറി അടച്ച് ഉടമസ്ഥര്‍ പോയത്. 11.45 കൂടിയാണ് അപകടം. നാട്ടുകാര്‍ തീ പടരുന്നത് കണ്ട് തൃശൂരിലെ അഗ്നിശമനസേനയെ അറിയിക്കുകയായിരുന്നു. മുകള്‍ നിലയില്‍ പ്രവര്‍ത്തിക്കുന്ന ജില്ലാ കോഓപ്പറേറ്റീവ് ബാങ്കിനുള്ളില്‍ എന്തെങ്കിലും നാശനഷ്ടങ്ങളുണ്ടായിട്ടുണ്ടോയെന്ന വിവരം വ്യാഴാഴ്ച രാവിലെയേ അറിയൂ.