മു​ട്ടു​മാ​റ്റി​വെ​ക്ക​ൽ ശ​സ്​​ത്ര​ക്രി​യ: നേ​ട്ട​വു​മാ​യി താ​ലൂ​ക്ക്​ ആ​ശു​പ​ത്രി

കൊടുങ്ങല്ലൂർ: മുട്ടുമാറ്റിവെക്കൽ ശസ്ത്രക്രിയ വിജയകരമായി നടപ്പാക്കി കൊടുങ്ങല്ലൂർ താലൂക്ക് ആശുപത്രി മറ്റൊരു നേട്ടം കൂടി സ്വന്തമാക്കി. സംസ്ഥാനത്ത് ആദ്യമായാണ് താലൂക്ക് ആശുപത്രിയിൽ മുട്ടുമാറ്റിവെക്കൽ ശസ്ത്രക്രിയ നടത്തുന്നത്. എടവിലങ്ങ് കാര മുളങ്ങത്ത് മുഹമ്മദിെൻറ ഭാര്യ മറിയുമ്മയാണ് (60) ശസ്ത്രക്രിയക്ക് വിധേയയായത്. ഡോ. തോമസ്മാമെൻറ നേതൃത്വത്തിൽ ഡോ.പ്രവീൺ, ഡോ. നിശാന്ത് ,ബഷീർ എന്നിവരടങ്ങുന്ന ടീമാണ് ശസ്ത്രക്രിയ നടത്തിയത്. രോഗി സുഖം പ്രാപിച്ചുവരുന്നതായി ഡോക്ടർമാർ അറിയിച്ചു. സ്വകാര്യ ആശുപ്രത്രികളിൽ ഒന്നര ലക്ഷത്തിലേറെ െചലവ് വരുന്ന ശസ്ത്രക്രിയക്ക് 45,000 രൂപ മാത്രമാണ് താലൂക്ക് ആശുപത്രിയിൽ െചലവ് വന്നതെന്ന് അധികൃതർ അറിയിച്ചു.