നെയ്യാറില്‍ മണലൂറ്റ്; നാലു വള്ളങ്ങള്‍ പിടിച്ചെടുത്തു

നെയ്യാറ്റിന്‍കര: നെയ്യാറില്‍ മണലൂറ്റ് നടത്തുന്ന മാഫിയ സംഘങ്ങള്‍ക്കെതിരെ വ്യാപക പരിശോധന. തിങ്കളാഴ്ച നെയ്യാറ്റിന്‍കര ഡിവൈ.എസ്.പി ബി. ഹരികുമാറിന്‍െറ നേതൃത്വത്തില്‍ നാല് മണലൂറ്റ് വള്ളങ്ങള്‍ പിടികൂടി നശിപ്പിച്ചു. പൂവാര്‍, പൊഴിയൂര്‍ ഭാഗങ്ങളില്‍ നടത്തിയ പരിശോധനയിലാണ് വള്ളങ്ങള്‍ പിടിച്ചെടുത്തത്. ഒരു ഇടവേളക്കുശേഷം മണലൂറ്റ് ശക്തമായെന്ന വിവരത്തിന്‍െറ അടിസ്ഥാനത്തിലാണ് പൊലീസ് നിരീക്ഷണം ശക്തമാക്കിയത്. കടവുകളില്‍ മഫ്തി പൊലീസിനെ നിയോഗിച്ചിട്ടുണ്ട്. നീന്തല്‍ വിദഗ്ധരായ പൊലീസുകാരുടെ സേവനവും ഉപയോഗപ്പെടുത്തുന്നുണ്ട്. കരകളിടിച്ചുള്ള മണല്‍ ഖനനം തടയുന്നതിന് റവന്യൂ വകുപ്പ് വേണ്ട നടപടി സ്വീകരിക്കുന്നില്ളെന്നും ആക്ഷേമുണ്ട്. പൂവാര്‍ എസ്.ഐ സുരേഷ് എന്നിവരുള്‍പ്പെടുന്ന ഉദ്യോഗസ്ഥരും പരിശോധനയില്‍ പങ്കെടുത്തു.