വാട്ടര്‍ ടാങ്കിന് മുകളില്‍ കയറിയ വീട്ടമ്മയെ അഗ്നിശമനസേന രക്ഷിച്ചു

വെള്ളറട: പ്രാഥമികാരോഗ്യ കേന്ദ്രത്തിന്‍െറ വാട്ടര്‍ ടാങ്കിന് മുകളില്‍ കയറിയ വീട്ടമ്മയെ അഗ്നിശമനസേന രക്ഷിച്ചു. പന്നിമല സ്വദേശിനിയായ മധ്യവയസ്കയാണ് വാട്ടര്‍ ടാങ്കിന് മുകളില്‍ കയറിയത്. കഴിഞ്ഞദിവസം രാത്രി 12ന് 95 അടി ഉയരമുള്ള വാട്ടര്‍ ടാങ്കില്‍ കയറിയത് സെക്യൂരിറ്റി ജീവനക്കാരനാണ് കണ്ടത്. ഉടന്‍ വെള്ളറട പൊലീസിനെയും പാറശ്ശാല ഫയര്‍ഫോഴ്സിനെയും അറിയിച്ചു.ഫയര്‍ഫോഴ്സ് ജീവനക്കാര്‍ വാട്ടര്‍ ടാങ്കിന് മുകളില്‍നിന്ന് വീട്ടമ്മയെ വലയില്‍ താഴെ ഇറക്കി. രാത്രിതന്നെ ബന്ധുക്കളെ വരുത്തി വീട്ടില്‍ വിട്ടു. മാനസിക വൈകല്യമുള്ളതായി ബന്ധുക്കള്‍ അറിയിച്ചു.