സെന്‍ട്രല്‍ സ്റ്റേഡിയത്തില്‍ ഗവര്‍ണര്‍ പതാക ഉയര്‍ത്തും

തിരുവനന്തപുരം: റിപ്പബ്ളിക് ദിനാഘോഷത്തില്‍ വ്യാഴാഴ്ച രാവിലെ 8.30ന് ഗവര്‍ണര്‍ പി. സദാശിവം സെന്‍ട്രല്‍ സ്റ്റേഡിയത്തില്‍ ദേശീയപതാക ഉയര്‍ത്തും. ഭാരതീയ കരസേന, വ്യോമസേന, അതിര്‍ത്തിരക്ഷാ സേന, സെന്‍ട്രല്‍ റിസര്‍വ് പൊലീസ് ഫോഴ്സ്, റെയില്‍വേ സുരക്ഷാസേന, സ്പെഷല്‍ ആംഡ് പൊലീസ്, തിരുവനന്തപുരം സിറ്റി ആംഡ് റിസര്‍വ് പൊലീസ്, റിസര്‍വ് ബറ്റാലിയന്‍, ജയില്‍ വകുപ്പ്, അഗ്നിരക്ഷാസേന, എക്സൈസ്, വനംവകുപ്പ്, എന്‍.സി.സി,എന്‍.സി.സി നേവല്‍ യൂനിറ്റ്, സ്റ്റുഡന്‍റ്സ് പൊലീസ് കാഡറ്റ്സ്, ഭാരത് സ്കൗട്ട്സ് ഗൈഡ്, ശ്വാനസേന, അശ്വാരൂഢ പൊലീസ്, തിരുവനന്തപുരം സിറ്റി പൊലീസ് എന്നിവ പങ്കെടുക്കും.