പ​രീ​ക്ഷ​യെ​ഴു​താ​ൻ അ​നു​വ​ദി​ച്ചി​ല്ലെ​ന്നാ​രോ​പി​ച്ച് വി​ദ്യാ​ർ​ഥി​യു​ടെ ആ​ത്​​മ​ഹ​ത്യ​ഭീ​ഷ​ണി

പാറശ്ശാല: ഹാജർ കുറവായതിനാൽ പരീക്ഷയെഴുതാൻ അനുവദിച്ചില്ലെന്നാരോപിച്ച് എൽഎൽ.ബി വിദ്യാർഥി കെട്ടിടത്തിന് മുകളിൽ കയറി ആത്മഹത്യഭീഷണി മുഴക്കി. ബുധനാഴ്ച ഉച്ചയോടെ പാറശ്ശാല ചെറുവാരക്കോണം സി.എസ്.ഐ കോളജ് ഓഫ് ലീഗൽ സ്റ്റഡീസിലാണ് സംഭവം. മൂന്ന് നിലയുള്ള കെട്ടിടത്തിന് മുകളിൽകയറി ആറാം സെമസ്റ്റർ വിദ്യാർഥി ആദർശാണ് മൂന്ന് മണിക്കൂറോളം ആത്മഹത്യഭീഷണി മുഴക്കിയത്. വൈകീട്ട് അഞ്ചോടെ ജനപ്രതിനിധികളും പൊലീസും പ്രിൻസിപ്പലുമായി നടത്തിയ ചർച്ചയിൽ യൂനിവേഴ്സിറ്റിയുമായി ആലോചിച്ചശേഷം അനുകൂല നടപടികൾ സ്വീകരിക്കുമെന്ന് അറിയിച്ചതിനെതുടർന്ന് വിദ്യാർഥി താഴെയിറങ്ങി. സംഭവം അറിഞ്ഞ് നൂറുകണക്കിന് ആളുകളാണ് കോളജിന് മുന്നിൽ തടിച്ചുകൂടിയത്.