പൊ​തു​ഗ​താ​ഗ​ത​ത്തെ കൂ​ട്ടി​യി​ണ​ക്കി ‘ന​മ്മ ട്രാ​ൻ​സി​റ്റ് ’ ഫീ​ച്ച​റു​മാ​യി ന​മ്മ യാ​ത്രി

ബം​ഗ​ളൂ​രു: പൊ​തു​ഗ​താ​ഗ​ത സം​വി​ധാ​ന​ത്തെ​ക്കൂ​ടി ചേ​ർ​ത്തി​ണ​ക്കി യാ​ത്ര സാ​ധ്യ​മാ​ക്കു​ന്ന ‘ന​മ്മ ട്രാ​ൻ​സി​റ്റ്’ ഫീ​ച്ച​റു​മാ​യി ഓ​ൺ​ലൈ​ൻ യാ​ത്രാ സ​ർ​വി​സ് ദാ​താ​ക്ക​ളാ​യ ന​മ്മ യാ​ത്രി. പൊ​തു​ഗ​താ​ഗ​ത സം​വി​ധാ​നം യാ​ത്ര​ക്കാ​ർ​ക്ക് ല​ളി​ത​മാ​ക്കു​ക​യും ന​ഗ​ര​ത്തി​ലെ ഗ​താ​ഗ​ത​ക്കു​രു​ക്ക് കു​റ​ക്കു​ക​യും ചെ​യ്യു​ക എ​ന്ന​താ​ണ് ല​ക്ഷ്യം. തു​ട​ക്ക​ത്തി​ൽ ഓ​ട്ടോ​ക​ളെ​യും ന​മ്മ മെ​ട്രോ​യെ​യും ക​ണ​ക്ട് ചെ​യ്താ​ണ് ‘ന​മ്മ ട്രാ​ൻ​സി​റ്റ്’ പ്ര​വ​ർ​ത്തി​ക്കു​ക. വൈ​കാ​തെ ബി.​എം.​ടി.​സി ബ​സു​ക​ളും കാ​ബു​ക​ളും ഇ​തി​ൽ ഉ​ൾ​പ്പെ​ടു​ത്തും.

ബം​ഗ​ളൂ​രു ന​ഗ​ര​ത്തി​ൽ പു​തി​യ മെ​ട്രോ ലൈ​നു​ക​ൾ​കൂ​ടി ആ​രം​ഭി​ക്കു​ന്ന​തി​നാ​ൽ ഓ​ൺ​ലൈ​ൻ യാ​ത്രാ സേ​വ​ന രം​ഗ​ത്ത് ഇ​ത് പു​തി​യ ചു​വ​ടു​വെ​പ്പാ​യാ​ണ് വി​ല​യി​രു​ത്തു​ന്ന​ത്. ന​മ്മ ട്രാ​ൻ​സി​റ്റ് വ​ഴി യാ​ത്ര​ക്കു​ള്ള ഡെ​സ്റ്റി​നേ​ഷ​ൻ തി​ര​ഞ്ഞെ​ടു​ക്കു​മ്പോ​ൾ ഏ​റ്റ​വും അ​ടു​ത്തു​ള്ള മെ​ട്രോ സ്റ്റേ​ഷ​നി​ലേ​ക്ക് ഓ​ട്ടോ​യി​ലും തു​ട​ർ​ന്ന് മെ​ട്രോ​യി​ലും യാ​ത്ര ചെ​യ്യാ​നാ​വും.

മെ​ട്രോ ടി​ക്ക​റ്റ് ഓ​ൺ​ലൈ​നാ​യി​ത്ത​ന്നെ ആ​പ് വ​ഴി ല​ഭി​ക്കും. മെ​ട്രോ ഇ​റ​ങ്ങി​യ ശേ​ഷം ഡെ​സ്റ്റി​നേ​ഷ​നി​ലേ​ക്ക് വീ​ണ്ടും ദൂ​ര​മു​ണ്ടെ​ങ്കി​ൽ മെ​ട്രോ സ്റ്റേ​ഷ​നി​ലെ​ത്തു​ന്ന സ​മ​യം ഓ​ട്ടോ ബു​ക്കി​ങ്ങാ​വും. ഇ​തു​മൂ​ലം യാ​ത്ര​ക്കാ​ര​ന്റെ സ​മ​യ​വും പ​ണ​വും ലാ​ഭി​ക്കാ​നാ​വു​മെ​ന്ന​താ​ണ് പ്ര​ത്യേ​ക​ത. 2022 മു​ത​ൽ ഓ​ൺ​ലൈ​ൻ മൊ​ബി​ലി​റ്റി സ​ർ​വി​സ് രം​ഗ​ത്തു​ള്ള ‘ന​മ്മ യാ​ത്രി’ ഡ്രൈ​വ​ർ​മാ​രി​ൽ​നി​ന്ന് ക​മീ​ഷ​ൻ ഈ​ടാ​ക്കാ​തെ​യാ​ണ് പ്ര​വ​ർ​ത്തി​ച്ചു​വ​രു​ന്ന​ത്.

‘ന​മ്മ ട്രാ​ൻ​സി​റ്റ്’ ലോ​ഞ്ച് ച​ട​ങ്ങി​ൽ തേ​ജ​സ്വി സൂ​ര്യ എം.​പി, ബി.​എം.​ആ​ർ.​സി.​എ​ൽ എം.​ഡി ജെ. ​ര​വി​ശ​ങ്ക​ർ, ന​മ്മ യാ​ത്രി സ​ഹ​സ്ഥാ​പ​ക​രാ​യ ഷാ​ൻ എം.​എ​സ്, മ​ഗി​ഴ​ൻ, ഒ.​എ​ൻ.​ഡി.​സി സീ​നി​യ​ർ വൈ​സ് പ്ര​സി​ഡ​ന്റ് നി​തി​ൻ നാ​യ​ർ തു​ട​ങ്ങി​യ​വ​ർ പ​​​ങ്കെ​ടു​ത്തു. ച​ട​ങ്ങി​ൽ ’മെ​യ്ഡ് ഫോ​ർ ബി.​എ​ൽ.​ആ​ർ: ന​മ്മ മൊ​ബി​ലി​റ്റി ബ്ലൂ​പ്രി​ന്റ് 2030’ പ്ര​കാ​ശ​നം ചെ​യ്തു.