തമിഴ് നടന്‍ സായ്പ്രശാന്ത് ആത്മഹത്യ ചെയ്ത നിലയില്‍

ചെന്നൈ: തമിഴ് ടി വി സീരിയല്‍ നടന്‍ സായ്പ്രശാന്ത് (30)നെ അദ്ദേഹത്തിന്‍െറ വീടിനുള്ളില്‍ ആത്മഹത്യ ചെയ്ത നിലയില്‍ കണ്ടത്തെി. വിഷം കഴിച്ചതാണ് മരണകാരണം. ഏകാന്തതയാവാം ആത്മഹത്യയിലേക്ക് നയിച്ചതെന്ന് പൊലീസ് പറഞ്ഞു.

അണ്ണാമലൈ,സെല്‍വി,അരസി എന്നീ സീരിയലുകളിലും നേരം,തെഗിഡി,വാദാക്കുറി തുടങ്ങീ സിനിമകളിലും അഭിനയിച്ചിട്ടുണ്ട്. വിഡിയോ ജോക്കിയായി ഒൗദ്യോഗിക ജീവിതമാരംഭിച്ച പ്രശാന്താണ് ദില്‍ ദില്‍ മന്‍ദില്‍ എന്ന പ്രശസ്തമായ ടി വി പരിപാടി അവതരിപ്പിച്ചിരുന്നത്.

ആദ്യ ഭാര്യയുമായുള്ള വിവാഹമോചന ശേഷം മൂന്ന് മാസം മുന്‍പ് പ്രശാന്ത് വീണ്ടും വിവാഹിതനായിരുന്നു. അമ്മ ലളിതസുഭാഷ് ബി.ജെ.പി മുന്‍ സംസ്ഥാന വൈസ് പ്രസിഡന്‍റായിരുന്നു. മൃതദേഹം പോസ്റ്റ്മോര്‍ട്ടത്തിനായി കില്‍പോക്ക് മെഡിക്കല്‍ കോളജിലേക്ക് മാറ്റി.