ലൈംഗി​കാരോപണം: ഹാർവി വെയിൻസ്​റ്റൈൻ കീഴടങ്ങി

ന്യൂയോർക്ക്​: ലൈംഗികാരോപണ കേസുകളിൽ ഉൾപ്പെട്ട ഹോളിവുഡ്​ നിർമാതാവ്​ ഹാർവി വെയിൻസ്​റ്റൈൻ ന്യൂയോർക്ക്​ പൊലീസിന്​ മുമ്പാകെ കീഴടങ്ങി. ഏകദേശം 70തോളം സ്​ത്രീകളാണ്​ വെയിൻസ്​റ്റൈനെതിരെ ലൈംഗികാരോപണവുമായി രംഗത്തെത്തിയത്​. ഇതിനെ തുടർന്ന്​ അദ്ദേഹത്തി​നെതിരെ ന്യൂയോർക്ക്​ പൊലീസ്​ കേസെടുത്തിരുന്നു.

രണ്ട്​ സ്​ത്രീകൾ നൽകിയ പരാതിയുടെ അടിസ്ഥാനത്തിലാണ്​ നിലവിൽ വെയിൻസ്​റ്റൈ​നെതിരെ കേസെടുത്തിരിക്കുന്നതെന്നാണ്​ സൂചന. വൈകാതെ അദ്ദേഹത്തി​​െൻറ അറസ്​റ്റ്​ ഉണ്ടാവുമെന്നാണ്​ റിപ്പോർട്ടുകൾ. അമേരിക്കൻ സമയം 7.25ഒാടെയാണ്​ സ്​റ്റേഷനിലേക്ക്​ വെയിൻസ്​റ്റീൻ എത്തിയത്​. അവിടെയുണ്ടായിരുന്ന മാധ്യമ പ്രവർത്തകരോട്​ പ്രതികരിക്കാൻ അ​േദ്ദഹം തയാറായില്ല.

ഹോളിവുഡ്​ സിനിമ ലോകത്തെ പിടിച്ച്​ കുലുക്കിയ ആരോപണങ്ങളായിരുന്നു വെയിൻസ്​റ്റൈനെതിരെ ഉയർന്നു വന്നത്​. പല പ്രമുഖ ഹോളിവുഡ്​ നടിമാരും നിർമാതാവിനെതിരെ ആരോപണവുമായി രംഗത്തെത്തിയിരുന്നു. വെയിൻസ്​റ്റൈനെതിരായ ആരോപണങ്ങളെ തുടർന്നാണ്​ സ്​ത്രീകൾ തങ്ങൾക്ക്​ നേരിട്ട ലൈംഗികാതിക്രമങ്ങൾ തുറന്ന്​ പറയുന്ന മീ ടു കാമ്പയിന്​ തുടക്കമിട്ടത്​​. ആഗോളതലത്തിൽ തന്നെ മീ ടു കാമ്പയിനിന്​ വൻ പ്രചാരണം ലഭിച്ചിരുന്നു.