ഹിരോഷിമയില്‍ നിന്നും 'വാര്‍ത്തകളു'മായി മമ്മൂട്ടി

പത്തേമാരിയെ പള്ളിക്കല്‍ നാരായണനെ ഇരു കൈയ്യും നീട്ടി സ്വീകരിച്ച മലയാളികളോട് നന്ദി പറഞ്ഞ് നടന്‍ മമ്മൂട്ടി. ജപ്പാനിലെ ഹിരോഷിമയിലുള്ള താരം ഫേസ്ബുക്കില്‍ പോസ്റ്റ് ചെയ്ത വീഡിയോയിലൂടെയാണ് നന്ദി അറിയിച്ചത്. ജപ്പാനിലെ ഹിരോഷിമയിലാണ് താനെന്നും ഇവിടെ നിങ്ങള്‍ക്കായി ഒരു റിപ്പോര്‍ട്ടറായി താന്‍ മാറുകയാണെന്നും വിഡിയോയിലുണ്ട്. രണ്ടാം ലോകമഹായുദ്ധകാലത്തെ അണുബോംബക്രമണത്തില്‍ തകര്‍ന്ന ഒരു കെട്ടിടം ചൂണ്ടിക്കാട്ടി അന്നു നടന്ന സംഭവങ്ങളും അദ്ദേഹം വിശദീകരിച്ചു.