റാണി പദ്മിനിയിലെ 'ഒരു മകരെ നിലാവേ'...

മഞ്ജു വാര്യരും റിമ കല്ലിങ്കലും നായികമാരായത്തെുന്ന ആഷിഖ് അബു ചിത്രം 'റാണി പദ്മിനി'യിലെ 'ഒരു മകരെ നിലാവേ' എന്ന ഗാനം പുറത്തിറങ്ങി. റഫീഖ് അഹമ്മദിന്‍െറ വരികള്‍ക്ക് ബിജിബാല്‍ സംഗീത സംഗീതം നിര്‍വഹിച്ച ഗാനം പാടിയിരിക്കുന്നത് ചിത്ര അരുണാണ്. നായക കഥാപാത്രമില്ലാത്ത മള്‍ട്ടി ഹീറോയിന്‍ ചിത്രമായ റാണിപദ്മിനി ഒക്ടോബര്‍ 23ന് റിലീസ് ചെയ്യും.

പരസ്പരം പരിചയമില്ലാത്ത റാണിയും പദ്മിനിയും വ്യത്യസ്ത ലക്ഷ്യങ്ങളുമായി കൊച്ചിയില്‍ നിന്നും ഹിമാചലിലേക്ക് നടത്തുന്ന യാത്രയാണ് ചിത്രത്തിന്‍െറ ഇതിവൃത്തം.ശ്യാം പുഷ്കരന്‍രവിശങ്കര്‍ ചേര്‍ന്നാണ് തിരക്കഥ. കൊച്ചി, ഡല്‍ഹി, ഹിമാചല്‍ എന്നിവിടങ്ങളാണ് ചിത്രത്തിന്‍റെ പ്രധാന ലൊക്കേഷനുകള്‍. മധു നീലകണ്ഠന്‍ ഛായാഗ്രഹണം നിര്‍വ്വഹിക്കുന്നു. പി.എം ഹാരിസും വി.എസ് മുഹമ്മദും ചേര്‍ന്നാണ് നിര്‍മാണം.