കട്ടപ്പനയിലെ ഹൃതിക്​ റോഷൻ തമിഴിലേക്ക്​; കൂടെ ധർമജനും

 തമിഴില്‍ അരങ്ങേറ്റത്തിനൊരുങ്ങി ധര്‍മജന്‍ ബോള്‍ഗാട്ടി. നാദിർഷാ സംവിധാനം ​ചെയ്​ത സൂപ്പർ ഹിറ്റ്​ ചിത്രം കട്ടപ്പനയിലെ ഹൃതിക്​ റോഷ​​െൻറ തമിഴ്​ റീമേക്കായ ‘അജിത്​ ഫ്രം അറുപ്പു കോ​ൈട്ട’യിലാണ്​​ ധർമജൻ ആദ്യമായി തമിഴ്​ പറയുന്നത്​. മലയാളത്തിൽ അവതരിപ്പിച്ച നായക​​െൻറ സുഹൃത്ത്​ വേഷം തന്നെയായിരിക്കും ധർമജൻ തമിഴിൽ ചെയ്യുക. ചിത്രത്തിലെ രസികനായ ദാസപ്പൻ എന്ന ധർമജ​​െൻറ കഥാപാത്രത്തെ പ്രേക്ഷകർ ഏറ്റെടുത്തിരുന്നു.

തമിഴ്​ റീമേക്കും സംവിധാനം ചെയ്യുക നാദിർഷാ തന്നെയായിരിക്കും. വിഷ്​ണു ഉണ്ണികൃഷ്​ണ​​െൻറ കിച്ചു എന്ന നായകവേഷം പുതുമുഖമാവും അവതരിപ്പിക്കുക. അതേ സമയം മലയാളത്തിൽ സിദ്ധിഖ്​ ചെയ്​ത വേഷത്തിൽ തമിഴിലെ മുതിർന്ന ഹാസ്യ നടനായ വിവേകെത്തും. ജനുവരി പകുതിയോടെ ചിത്രത്തി​​െൻറ ഷൂട്ടിംങ് ആരംഭിക്കും. ചെന്നൈ, പൊള്ളാച്ചി എന്നിവിടങ്ങളിലായിരിക്കും ചി്ത്രീകരണം.