റിച്ചിയെ വിമർശിച്ച്​ പോസ്​റ്റ്​:​ രൂപേഷിനെ സിനിമയിൽ നിന്നും വിലക്കണമെന്ന്​ നിർമാതാക്കൾ

നിവിൻ പോളി ചിത്രം ‘റിച്ചി’യെ വിമർശിച്ച്​ ഫേസ്​ബുക്കിൽ പോസ്​റ്റിട്ട നടനും സംവിധായകനുമായ രൂപേഷ്​ പീതാംബരനെ മലയാള സിനിമയിൽ നിന്നു​ം വിലക്കണമെന്ന്​ ചിത്രത്തി​​െൻറ നിർമാതാക്കൾ. 

മലയാളികളായ ആനന്ദ് പയ്യന്നൂരും വിനോദ് ഷൊര്‍ണൂരുമാണ് റിച്ചി നിർമിച്ചത്​. നിർമാതാക്കളിലൊരാളായ ആനന്ദ്​ പയ്യന്നൂർ ആണ്​ പരാതി നൽകിയത്​​. സിനിമയുടെ റിലീസ് ദിവസം തന്നെ ഫേസ്​ബുക്കിൽ ചിത്രത്തെ അപകീര്‍ത്തിപ്പെടുത്തുന്ന തരത്തില്‍ പോസ്റ്റിട്ടതിനെതിരെയുള്ള പരാതിയുമായി ബന്ധപ്പെട്ട്​ മലയാള സിനിമയിൽ നിന്നും രൂപേഷിനെ വിലക്കാൻ​ പ്രെഡ്യൂസേഴ്​സ്​ അസോസിയേഷനിൽ കൂടിയാലോചന നടക്കുന്നതായി സൂചനകൾ ഉണ്ട്​.

സമൂഹമാധ്യമങ്ങളില്‍ ആര്‍ക്കും അഭിപ്രായ സ്വാതന്ത്ര്യമുണ്ടെങ്കിലും സിനിമാരംഗത്തുനിന്നു തന്നെയുള്ളവർ സിനിമകളെ വിമർശിക്കുന്നത്​ അങ്ങേയറ്റം ഗൗരവുമുള്ളതാണെന്ന് നിര്‍മാതാക്കളുടെ സംഘടന പറയുന്നു. കഷ്ടപ്പെട്ട് സിനിമ നിര്‍മിച്ച തങ്ങളെയും യുവതാരമായ നിവിന്‍ പോളിയെയും തകര്‍ക്കുന്നതാണ് രൂപേഷിന്‍റെ ഫേസ്​ബുക്ക്​ പോസ്​റ്റെന്നും ഇത്തരം സംഭവങ്ങൾ മലയാള സിനിമക്ക്​ ഭീഷണിയാണന്നും പരാതിയില്‍ നിർമാതാക്കൾ ആരോപിക്കുന്നുണ്ട്​.

നേരത്തെ ‘ഉളിദവരു കണ്ട​​​ന്തെ’ എന്ന രക്ഷിത്​ ഷെട്ടിയുടെ കന്നട ചിത്രത്തി​​​​െൻറ റിമേക്കായ റിച്ചി മാസ്​റ്റർ പീസായ ഉളിദവരു കണ്ട​​​ന്തെയെ വെറും പീസാക്കിയെന്ന്​ രൂപേഷ്​ പീതാംബരൻ വിമർശിച്ചിരുന്നു. ഇതിന്​ പിന്നാലെ രൂപേഷി​​​​​െൻറ ഫേസ്​ബുക് പോസ്​റ്റിന്​ കീഴെ തെറിയും പൊങ്കാലയുമായി നിവിൻ ഫാൻസ്​ എത്തുകയായിരുന്നു. ഇതോടെ​ മാ​പ്പപേക്ഷയുമായി രൂപേഷ്​ രംഗത്തെത്തി​.

‘അഭിനേതാവ്​, സംവിധായകൻ എന്നതിലുപരി താൻ ഒരു  സിനിമപ്രേമിയാണ്​, അതുകൊണ്ടാണ്​ റിച്ചിയെ വിമർശിച്ചത്​, സിനിമമേഖലയിൽ ജോലി ചെയ്യുന്ന ആൾ ആണെന്നത്​ മറന്നുകൊണ്ടുള്ള പ്രതികരണം പലരെയും വേദനിപ്പിച്ചു, ഇതിന്​ താൻ മാപ്പ്​ ചോദിക്കു​ന്നുവെന്നാണ്​’ രൂപേഷ്​ ഫേസ്​ബുക്കിൽ കുറച്ചത്.