‘വരനെ ആവശ്യമുണ്ട്’ ​ട്രെയിലർ എത്തി

ദുൽഖർ സൽമാൻ കേന്ദ്ര കഥാപാത്രമായും നിർമാതാവായും എത്തുന്ന ‘വരനെ ആവശ്യമുണ്ട്’ എന്ന ചിത്രത്തിന്‍റെ ​ട്രെയിലർ പ ുറത്തിറക്കി. സത്യൻ അന്തിക്കാടിന്‍റെ മകൻ അനൂപ് സത്യൻ അന്തിക്കാടാണ് ചിത്രം സംവിധാനം ചെയ്യുന്നത്. ഏറെക്കാലത്തെ ഇടവേളയ്ക്ക് ശേഷം സുരേഷ് ഗോപിയും ശോഭനയും അഭിനയരംഗത്ത് സജീവമാകുന്ന ചിത്രം കൂടിയാണിത്. കല്യാണി പ്രിയദർശനാണ് നായിക.

മുകേഷ് മുരളീധരൻ ഛായാഗ്രഹണം നിർവഹിച്ച ഈ ചിത്രത്തിന്‍റെ സംഗീത സംവിധാനം അൽഫോൺസ് ജോസഫാണ്. സന്തോഷ് വർമയാണ് ഗാനരചന. പ്ലേ ഹൗസ് ആണ് ചിത്രം തിയേറ്ററുകളിൽ എത്തിക്കുന്നത്.

ദുല്‍ഖര്‍ സല്‍മാന്‍റെ പ്രൊഡക്ഷന്‍ കമ്പനിയായ വേഫെയ്‌റര്‍ ഫിലിംസും എം സ്റ്റാര്‍ ഫിലിംസും ചേര്‍ന്നാണ് ചിത്രം നിർമിക്കുന്നത്. ചിത്രം ഫെബ്രുവരി ഏഴിന് റിലീസ് ചെയ്യും.