ഫീമെയില്‍ ഫിലിം ഫെസ്റ്റിവല്‍ 24 മുതല്‍

തിരുവനന്തപുരം: കേരള സ്ത്രീപഠനകേന്ദ്രം സംഘടിപ്പിക്കുന്ന അഞ്ചാമത് ഫീമെയില്‍ ഫിലിം ഫെസ്റ്റിവല്‍ സെപ്റ്റംബര്‍ 24 മുതല്‍ 27 വരെ തിരുവനന്തപുരത്ത് നടക്കും. 23ന് വൈകുന്നേരം അഞ്ചിന് ഏഷ്യന്‍ കോളജ്  ഓഫ് ജേണലിസം ചെയര്‍മാന്‍ ശശികുമാര്‍ ഉദ്ഘാടനം ചെയ്യും. പി.കെ. റോസി പുരസ്കാരം കവിയൂര്‍ പൊന്നമ്മക്ക് ഡോ. ടി.എന്‍. സീമ എം.പി സമ്മാനിക്കും. 25ന് രാവിലെ റീമ കല്ലിങ്കല്‍, ശ്രീബാല കെ. മേനോന്‍, പുഷ്പവതി, ഹരികുമാര്‍, സി.എസ്. വെങ്കിടേശ്വരന്‍ തുടങ്ങിയവര്‍ പങ്കെടുക്കുന്ന ‘സിനിമയും സ്ത്രീയും’ സംവാദം നടക്കും. രജിസ്ട്രേഷന്‍ ആരംഭിച്ചു. ഫോണ്‍:  0471 2578809, 9539103071.