രണ്ടാംദിനത്തിൽ കാഴ്ചയുടെ വസന്തം തീർത്തു ‘ഫിലാസ് ചൈല്‍ഡ്’

തിരുവനന്തപുരം: രാജ്യാന്തര ചലച്ചിത്രമേളയുടെ രണ്ടാംദിനത്തില്‍ പ്രേക്ഷകരുടെ മനസ്സു നിറച്ച് ബ്രെറ്റ് മൈക്കല്‍ ഇന്നസി​െൻറ ‘ഫിലാസ് ചൈല്‍ഡ്’. വെള്ളക്കാരനായ അനാഥബാലനെ എടുത്തുവളര്‍ത്തിയ കറുത്തവര്‍ഗക്കാരിയുടെ ജീവിതം പ്രമേയമാക്കിയ ചിത്രത്തിന് വന്‍ പ്രേക്ഷക പ്രീതിയാണ് ലഭിച്ചത്. ശനിയാഴ്ചത്തെ നാല് മത്സരചിത്രങ്ങളിൽ സിനിമ ഓപ്പറേറ്ററുടെ കഥ പറഞ്ഞ ജോസ് മരിയ കാബ്രലി​െൻറ ‘ദി പ്രൊജക്ഷനിസ്റ്റും’ കൈയ്യടി നേടി. നിറഞ്ഞ സദസിലായിരുന്നു പ്രദര്‍ശനങ്ങൾ.

മികച്ച ചിത്രത്തിനുള്ള സംസ്ഥാന പുരസ്‌കാരം നേടിയ ഷെരീഫ് സി. സംവിധാനം ചെയ്ത മലയാള സിനിമ ‘കാന്തന്‍- ദി കളര്‍ ഓഫ് ലവ്’, ‘ഇന്ത്യന്‍ സിനിമ ഇന്ന്’ വിഭാഗത്തിൽ ഉള്‍പ്പെട്ട ചിത്രമായ ‘ആനന്ദി ഗോപാല്‍’ തുടങ്ങിയവ രണ്ടാം ദിനത്തില്‍ മികച്ച അഭിപ്രായം നേടി.