നിവിന്‍റെ പ്രേമം കണ്ട് ഭ്രാന്തായി -വിക്രം

നിവിന്‍റെ പ്രേമം കണ്ട് ഭ്രാന്തായെന്ന് തമിഴ് നടൻ വിക്രം. വിക്രമിന്‍റെ പുതിയ ചിത്രമായ ഇരു മുഖന്‍റെ ഒാഡിയോ ലോഞ്ചിന് അതിഥിയായെത്തിയപ്പോഴാണ് വിക്രം നിവിനെ പുകഴ്ത്തിയത്.
പ്രേമം ചിത്രം കണ്ട് എനിക്ക് ഭ്രാന്തായി. ഞാനെല്ലാം മറന്നു. പിന്നെ പ്രേമത്തിന് മേലെ പ്രേമം വന്നു. തന്‍റെ കുടുംബമെല്ലാം നിവിന്‍റെ ആരാധകരാണെന്നും അവർക്ക് നിവിനെ കാണമെന്ന് പറഞ്ഞുവെന്നും വിക്രം പറഞ്ഞു.
ഒരു തമിഴ് സിനിമയുടെ ഒാഡിയോ ലോഞ്ചിൽ താൻ ആദ്യമായാണ് പങ്കെടുക്കുന്നത്. തന്നെ ഈ ചടങ്ങിലേക്ക് ക്ഷണിച്ചതിന് നന്ദി പറയുന്നുവെന്നും നിവിൻ പറഞ്ഞു.
ആനന്ദ് ശങ്കറാണ് ഇരുമുഖൻ സംവിധാനം ചെയ്യുന്നത്. നയൻതാരയും നിത്യ മേനോനുമാണ് നായികമാർ. അന്ന്യന്‍ എന്ന സൂപ്പര്‍ ഹിറ്റിന് ശേഷം വിക്രം ഹാരിസ് ജയരാജ് കൂട്ടുകെട്ട് ഒന്നിക്കുന്ന ചിത്രം കൂടിയാണിത്. തമീന്‍സ് ഫിലിംസിന്‍റെ ബാനറില്‍ ഷിബു തമീന്‍സാണ് ചിത്രം നിര്‍മിക്കുന്നത്. ആര്‍.ഡി രാജശേഖര്‍ ആണ് ക്യാമറ ചലിപ്പിക്കുന്നത്.