വർഷങ്ങൾക്ക്​ ശേഷം സ്​പൈസ്​ ​േഗൾസ്​ മ്യൂസിക്​ ബാൻറ്​ വീണ്ടും 

‘വാന്നാബി’ എന്ന ഒറ്റ ആൽബത്തിലൂടെ ലോക പ്രശസ്​തരായി മാറിയ ‘സ്​പൈസ്​ ഗേൾസ്’ എന്ന​ പോപ്​ മ്യൂസിക്​ ബാൻറ് ​സംഗീത ലോകത്തേക്ക്​ മടങ്ങിയെത്തുന്നു. വിഖ്യാത ഫുട്​ബോൾ താരം ഡേവിഡ്​​ ബെക്കാമി​​െൻറ ഭാര്യയടക്കം അഞ്ച്​ പേരടങ്ങിയ സ്​പൈസ്​ ഗേൾസ്​ ഒരു കാലത്ത്​ സംഗീത പ്രേമികളുടെ ഇഷ്​ട​ ബാൻറായിരുന്നു.

പ്രഥമ ആൽബമായ വാന്നാബി തരംഗമായതിന്​ ആറ്​ വർഷങ്ങൾക്ക്​ ശേഷം അഞ്ച്​ പേരും പല വഴിക്ക്​ പിരിഞ്ഞിരുന്നു. ഇവരുടെ തിരിച്ച്​ വരവ്​ ആഘോഷമാക്കിയിരിക്കുകയാണ്​ പോപ് സംഗീത​ ആരാധകർ. 2012ലെ ഒളിമ്പിക്​സി​​െൻറ ക്ലോസിങ്​ സെറിമണിയിലെ സ്​പൈസ്​ ഗേൾസി​​െൻറ പ്രകടനം ശ്രദ്ധിക്കപ്പെട്ടിരുന്നു.

ഒരുമിച്ച്​ പുതിയ അവസരങ്ങൾ കണ്ടെത്താനുള്ള ഏറ്റവും മികച്ച സമയമാണിതെന്ന്​ അഞ്ച്​ പേരും പ്രസ്​താവനയിൽ പറഞ്ഞു. സ്​പൈസ്​ ഗേൾസ്​ എന്ന ബാൻറി​​െൻറ പഴയ പ്രതാപം തിരിച്ച്​ കൊണ്ടുവരാനുള്ള ശ്രമത്തിലാണെന്നും അവർ കൂട്ടിച്ചേർത്തു.