മുംബൈ സ്ഫോടനകേസിലും കലാപകേസിലും ഭരണകൂടം വിവേചനം കാണിക്കുന്നു -ജസ്റ്റിസ് ശ്രീകൃഷ്ണ

ന്യൂഡല്‍ഹി: മുംബൈ സ്ഫോടനകേസിലും കലാപകേസിലും ഭരണകൂടം വിവേചനം കാണിക്കുന്നുവെന്ന് മുംബൈ കലാപം അന്വേഷിച്ച ജസ്റ്റിസ് ബി.എന്‍ ശ്രീകൃഷ്ണ. യാക്കൂബ് മേമന്‍െറ കേസില്‍ നീതി നടപ്പായി. എന്നാല്‍ മുംബൈ കലാപകാരികളുടെ കാര്യത്തില്‍ അതുണ്ടായില്ല -ഇന്ത്യന്‍ എക്സ്പ്രസിന് നല്‍കിയ ഇ-മെയില്‍ അഭിമുഖത്തില്‍ ജസ്റ്റിസ് ശ്രീകൃഷ്ണ പറഞ്ഞു.

കലാപകേസിലെ ഇരകള്‍ക്ക് നീതിയുറപ്പാക്കുന്ന കാര്യത്തില്‍ ഭരണകൂടം വിവേചനം കാണിക്കുന്നു. സ്ഫോടനകേസിലുണ്ടായതുപോലെയുള്ള നിയമനടപടികള്‍ കലാപകേസിലുമുണ്ടാകണം. രണ്ടുകേസുകളോടും ഒരേ സമീപനമാണ് ഭരണകൂടത്തിന്‍റെ ഭാഗത്തുനിന്നുണ്ടാകേണ്ടത്.  ജസ്റ്റിസ് ശ്രീകൃഷ്ണ പറഞ്ഞു.