സ്പീക്കറുടെ കോലം കത്തിച്ച യൂത്ത് കോണ്‍ഗ്രസിനെതിരെ അവകാശലംഘന നോട്ടീസ്

ന്യൂഡല്‍ഹി: ലോക്സഭ സ്പീക്കര്‍ സുമിത്ര മഹാജന്‍െറ വീട്ടിലേക്ക് മാര്‍ച്ച് നടത്തിയ യൂത്ത് കോണ്‍ഗ്രസ് നേതാക്കള്‍ക്കെതിരെ ലോക്സഭയില്‍ അവകാശലംഘന നോട്ടീസ്.  ബി.ജെ.പി എം.പിമാര്‍ കൊണ്ടുവന്ന നോട്ടീസ് സ്വീകരിച്ച സ്പീക്കര്‍, ഇക്കാര്യത്തില്‍ പിന്നീട് തീരുമാനം അറിയിക്കാമെന്ന് വ്യക്തമാക്കി.
ബി.ജെ.പി മന്ത്രിമാരുടെ രാജി ആവശ്യപ്പെട്ട് നടുത്തളത്തിലിറങ്ങിയ 25 കോണ്‍ഗ്രസ് എം.പിമാരെ സസ്പെന്‍ഡ് ചെയ്തതിനെതിരെ ബുധനാഴ്ചയാണ് യൂത്ത് കോണ്‍ഗ്രസ് പ്രവര്‍ത്തകര്‍ സ്പീക്കറുടെ വസതിയിലേക്ക് മാര്‍ച്ച് നടത്തി കോലം കത്തിച്ചത്.  സ്പീക്കറുടെ വസതിയിലേക്ക് മാര്‍ച്ച് സ്വതന്ത്ര ഇന്ത്യയില്‍ ആദ്യമാണെന്നും അത് നിസ്സാരമായി കാണരുതെന്നും അവര്‍ പറഞ്ഞു.