മ്യാന്‍മര്‍ സൈനിക നടപടി ശക്തി തെളിയിക്കാനെന്ന് അമിത് ഷാ

ബഗുസാര: മ്യാന്‍മര്‍ അതിര്‍ത്തി കടന്ന് ഇന്ത്യന്‍ സൈന്യം തീവ്രവാദികള്‍ക്ക് നേരെ നടത്തിയ ആക്രമണം മോദി സര്‍ക്കാര്‍ കോണ്‍ഗ്രസിനെക്കാള്‍ ശക്തമെന്ന് തെളിയിക്കായിരുന്നെന്ന് ബി.ജെ.പി ദേശീയ അധ്യക്ഷന്‍ അമിത് ഷാ. ബിഹാറിലെ ബഗുസാരയില്‍ തെരഞ്ഞെടുപ്പ് റാലിയില്‍ പ്രവര്‍ത്തകരെ അഭിസംബോധന ചെയ്യുകയായിരുന്നു അദ്ദേഹം.

ബി.ജെ.പി ഭരിക്കുമ്പോള്‍ ആരുടെയും കഴുത്തറക്കാന്‍ ഒരാളും ധൈര്യപ്പെടില്ല. ആരെങ്കിലും അതിന് ശ്രമിച്ചാല്‍ ബര്‍മയുടെ അതിര്‍ത്തി കടന്ന് നമ്മുടെ സൈന്യം തീവ്രവാദികളെ തകര്‍ത്തത് പോലെ ഇനിയും ആവര്‍ത്തിക്കും. അതാണ് മോദി സര്‍ക്കാര്‍. ബി.ജെ.പിയുടെ പ്രധാന അജന്‍ഡ രാജ്യസുരക്ഷയാണ്. രാജ്യത്തെ എങ്ങനെ സംരക്ഷിക്കണമെന്ന് രാഹുലിന് അറിയില്ല. അമ്മയുടെ ഭാഗത്തു നിന്നുള്ള വീക്ഷണം മാത്രമാണ് രാഹുലിന് അറിയാവുന്നതെന്നും അമിത് ഷാ പരിഹസിക്കുകയും ചെയ്തു.

കഴിഞ്ഞ ജൂണിലാണ് തീവ്രവാദികളെ തുരുത്താന്‍ ഇന്ത്യന്‍ സൈന്യം മ്യാന്‍മര്‍ അതിര്‍ത്തി കടന്ന് ആക്രമണം നടത്തിയത്.