ബീഹാറില്‍ കേന്ദ്രമന്ത്രിയുടെ എസ്കോര്‍ട്ട് വാഹനമിടിച്ച് പതിനെട്ടുകാരന്‍ മരിച്ചു

പട്ന: കേന്ദ്രമന്ത്രി രാം കൃപാല്‍ യാദവിന്‍്റെ വാഹനവ്യൂഹത്തിലെ ജീപ്പിടിച്ച് ബൈക്ക് യാത്രികനായ യുവാവ് മരിച്ചു. രാഹുല്‍ കുമാര്‍ (18) ആണ് മരിച്ചത്.   ബിര്‍ ഗ്രാമത്തിലെ തന്‍്റെ വീട്ടിലേക്കു പോകുമ്പോഴായിരുന്നു അപകടത്തില്‍പ്പെട്ടത്. രാഹുല്‍ സംഭവസ്ഥലത്തുതന്നെ മരിച്ചിരുന്നു. ജീപ്പിലുണ്ടായിരുന്ന ആറു സുരക്ഷ ഉദ്യോഗസ്ഥര്‍ക്കു പരുക്കേറ്റു.

 പരിക്കേറ്റവരെ നളന്ദ മെഡിക്കല്‍ കോളജ് ആശുപത്രിയിലേക്ക് മാറ്റി. ബിഹാറിലെ ധനാരുഹയിലാണു സംഭവം. അപകടംനിര്‍ഭാഗ്യകരമാണെന്നും രാഹുലിന്‍്റെ കുടുംബാംഗങ്ങളുടെ ദുഃഖത്തില്‍ പങ്കുചേരുന്നുവെന്നും മന്ത്രി പറഞ്ഞു. ഒരു പൊതുപരിപാടി ഉദ്ഘാടനം ചെയ്യുന്നതിനായി പട്നയിലേക്ക്് പോവുകയായിരുന്നു മന്ത്രി .