വൈമനസ്യത്തോടെയാണ്​​ പ്രസിഡൻറ്​ ത​െൻറ രാജി സ്വീകരിച്ചതെന്ന്​ നജ്മ​ ഹിബത്തുല്ല

ന്യൂഡൽഹി: കേന്ദ്ര മന്ത്രിസഭയിൽ നിന്ന്​ രാജിവെച്ചതി​ന്​ പിന്നാലെ ​പ്രതിഷേധവുമായി നജ്മ ഹിബത്തുല്ല രംഗത്ത്​. പ്രസിഡൻറ്​ ത​െൻറ രാജി സ്വീകരിച്ചത്​ വൈമനസ്യത്തോടെയാണെന്ന്​ ഹിബത്തുല്ല ​ പ്രതികരിച്ചു. സ്വകാര്യ ജീവിതത്തിനായി എനിക്ക്​ സമയമാവശ്യമുണ്ട്​. അത്​ കൊണ്ടാണ്​ താൻ രാജി പ്രസിഡൻറിന്​ സമർപ്പിച്ചതെന്നും ഹിബത്തുല്ല വ്യക്​തമാക്കി.

75 വയസിന്​ മുകളിലുള്ളവരെ മ​ന്ത്രിസഭയിൽ നിന്ന്​ നീക്കം ചെയ്യുമെന്ന്​ നേരത്തെ റിപ്പോർട്ടുകളുണ്ടായിരുന്നു. ഇതി​െൻറ ഭാഗമായാണ്​ ഹിബത്തുല്ലയുടെ രാജിയെന്ന്​ സൂചനകളുണ്ട്​. അതേസമയം 76  വയസുള്ള കൽരാജ്​ ശർമ്മ മന്ത്രിസഭയിൽ തുടരുന്നുണ്ട്​. അടുത്ത വർഷം നടക്കുന്ന യു.പി തെരഞ്ഞെടുപ്പ്​ മുന്നിൽ കണ്ടാണ്​​ ശർമ്മയെ നീക്കം ചെയ്യാതിരുന്നതെന്ന്​ സൂചനയുണ്ട്​.

 രാജി വെച്ചതിൽ തനിക്ക്​ ഒരു വിഷമവുമില്ലെന്നും രണ്ട്​ വർഷം  ന്യൂനപക്ഷ മന്ത്രാലയം കാര്യക്ഷമതയോട്​ കൂടി കൈകാര്യം ചെയതിട്ടുണ്ടെന്നും ഹിബത്തുല്ല പ്രതികരിച്ചു. സഹമന്ത്രിയായ മുഖ്താര്‍ അബ്ബാസ് നഖ്​വിക്കാണ്​ ന്യൂനപക്ഷ മന്ത്രാലയത്തിന്‍െറ സ്വതന്ത്ര ചുമതല നല്‍കിയത്​. നേരത്തെ തന്നെ നജ്​മ ഹിബത്തുല്ലയും മുഖ്താർ അബ്ബാസ്​ നഖ്​വിയും  തമ്മിൽ അഭിപ്രായ വ്യത്യാസം നിലനിന്നിരുന്നു. മോദി സര്‍ക്കാര്‍ രണ്ടുവര്‍ഷം പൂര്‍ത്തിയാക്കിയ ഘട്ടത്തില്‍ ന്യൂനപക്ഷ മന്ത്രാലയത്തിന്‍െറ നേട്ടങ്ങള്‍ വിശദീകരിക്കാന്‍ ഇരുവരും ശാസ്ത്രി ഭവനിലും അശോക റോഡിലെ ബി.ജെ.പി ആസ്ഥാനത്തും ഒരേസമയം വാര്‍ത്താസമ്മേളനം നടത്തിയിരുന്നു.

2004ൽ കോൺഗ്രസിൽ നിന്ന്​ രാജിവെച്ചാണ്​ നജ്​മ ബി.ജെ.പിയിൽ ചേർന്നത്​. നജ്​മയെ ഏതെങ്കിലും സംസ്​ഥാനത്തി​െൻറ ഗവർണറാക്കാനും സാധ്യതയുണ്ട് ​.രാജ്യത്തി​െൻറ ഭാവിക്ക്​ വേണ്ടി പാർട്ടി നൽകുന്ന ഏത്​ ഉത്തരവാദിത്തവും സ്വീകരിക്കുമെന്നും നജ്​മ വ്യക്​തമാക്കി.