മാധ്യമപ്രവര്‍ത്തക​െൻറ കൊലപാതകം: പ്രധാനപ്രതി കീടഴങ്ങി

പട്ന: ബിഹാറിലെ സിവാനില്‍ മാധ്യമപ്രവര്‍ത്തകനെ വെടിവെച്ചുകൊന്ന സംഭവത്തില്‍ പ്രധാനപ്രതി കോടതിക്ക് മുന്നില്‍ കീഴടങ്ങി. ഹിന്ദി പത്രമായ ഹിന്ദുസ്ഥാന്‍റെ ബ്യൂറോ ചീഫ് രജ്ദേവ് രഞ്​ജനെ വെടിവെച്ചുകൊന്ന സംഭവത്തില്‍ പൊലീസ് തെരഞ്ഞുകൊണ്ടിരുന്ന പ്രതി ലാദന്‍ മിയാന്‍ ആണ് കീഴടങ്ങിയത്. മേയ് 13 നാണ് രജ്ദേവ് രഞ്​ജനെ  സിവാനിലെ റെയില്‍വേ സ്റ്റേഷനടുത്ത് വച്ച് ഒരു സംഘം വെടിവച്ചു കൊലപ്പെടുത്തിയത്.  
ജയിലില്‍ കഴിയുന്ന ആര്‍.ജെ.ഡി നേതാവ് മുഹമ്മദ് ശഹാബുദീ​െൻറ  ഗുണ്ടാസംഘത്തിലെ പ്രധാനിയാണ് മിയാന്‍. മേയ് 25 ന് രഞ്​ജ​െൻറ കൊലപാതകവുമായി ബന്ധപ്പെട്ട് അഞ്ചുപേരെ പൊലീസ് പിടികൂടിയിരുന്നു. ഇവരില്‍ നിന്ന് രഞ്​ജനെ വെടിവെച്ച നാടന്‍ തോക്കും കണ്ടെടുത്തിരുന്നു. അന്വേഷണത്തില്‍ സ്ഥിരം കുറ്റവാളിയായ മിയാനാണ് പ്രധാനപ്രതിയെന്ന് പൊലീസ് കണ്ടത്തെിയിരുന്നു. എന്നാല്‍ ഇയാളെ പിടികൂടാന്‍ കഴിഞ്ഞിരുന്നില്ല. രജ്ദേവ് രഞ്​ജ​െൻറ കൊലപാതകികളെ പിടികൂടാത്തതില്‍ പ്രതിഷേധം ശക്തമായതിനെ തുടര്‍ന്ന് കേസ് സി.ബി.ഐക്ക് വിടാന്‍ ശിപാര്‍ശ ചെയ്തതായി മുഖ്യമന്ത്രി നീതീഷ് കുമാര്‍ അറിയിച്ചിരുന്നു.