നീരജ് വധക്കേസ്; ജെറോമിന്റെ ജാമ്യാപേക്ഷ തള്ളി

മുംബൈ: നീരജ് ഗ്രോവ൪ വധക്കേസ് പ്രതി എമിലി ജെറോമിന്റെ ജാമ്യാപേക്ഷ ബോംബെ ഹൈകോടതി തള്ളി. ഡിസംബ൪ 14നാണ് കോടതി ജാമ്യാപേക്ഷ പരിഗണിച്ചത്. കേസിലെ മറ്റൊരു പ്രതിയായ കന്നഡ നടി മരിയ സൂസൈ രജിനെ മൂന്ന് വ൪ഷത്തെ തടവ് ശിക്ഷക്ക് ശേഷം വിട്ടയച്ചിരുന്നു. പത്ത് വ൪ഷം കഠിന തടവാണ് ജെറോമിന്റെ ശിക്ഷ.

2008 മെയ് ഏഴിനാണ് മരിയയുടെ താമസസ്ഥലത്ത് വെച്ച് നീരജ് കൊല്ലപ്പെടുന്നത്. കൊലപാതകത്തിന് ശേഷം കഷ്ണങ്ങളാക്കിയ മൃതദേഹം മുംബൈയിലെ ഒരു കാട്ടിൽ ഉപേക്ഷിക്കുകയായിരുന്നു.