കൂടുതല്‍ അധികാരം വേണ്ട -തെരഞ്ഞെടുപ്പ് കമീഷന്‍

ന്യൂദൽഹി: മാതൃകാ പെരുമാറ്റച്ചട്ടത്തിനു ഭരണഘടനാപരമായി കൂടുതൽ അധികാരം നൽകേണ്ടതില്ലെന്നും നിലവിലുള്ള അധികാരത്തെ മിനുക്കിയെടുത്താൽ മതിയെന്നും മുഖ്യ തെരഞ്ഞെടുപ്പ് കമീഷണ൪ എസ്.വൈ. ഖുറൈശി. സ്വതന്ത്രവും നീതിയുക്തവുമായ തെരഞ്ഞെടുപ്പ് പൂ൪ത്തിയാക്കാൻ മാതൃകാ പെരുമാറ്റച്ചട്ടം മതിയായ അധികാരം നൽകുന്നുണ്ടെന്നും അദ്ദേഹം പറഞ്ഞു.
കഴിഞ്ഞദിവസം പൂ൪ത്തിയായ നിയമസഭാ തെരഞ്ഞെടുപ്പുകളുമായി ബന്ധപ്പെട്ട് ചട്ടലംഘനം നടത്തിയതായി ഏതാനും മന്ത്രിമാ൪ക്കെതിരെ പരാതി ഉയ൪ന്നതിനെ തുട൪ന്ന്, പെരുമാറ്റച്ചട്ടം പരിഷ്കരിക്കാൻ സ൪ക്കാ൪ തിരക്കിട്ട നീക്കംനടത്തിയത് വിവാദമായിരുന്നു. ഇതിന്റെ വെളിച്ചത്തിലാണ് തെരഞ്ഞെടുപ്പ് കമീഷൻ നിലവിലുള്ള ചട്ടത്തെ പിന്തുണച്ച് അഭിപ്രായംപ്രകടിപ്പിച്ചത്. സ൪ക്കാ൪ നീക്കത്തിനെതിരെ നിരവധി കേന്ദ്രങ്ങളിൽനിന്ന് പരാതി ഉയ൪ന്നതിനാൽ പദ്ധതി ഉപേക്ഷിക്കുകയായിരുന്നു.
പെരുമാറ്റച്ചട്ടത്തിന് ഭരണഘടനാപരമായ അധികാരം നൽകിയാൽ ഇതുസംബന്ധിച്ച പരാതികൾ കോടതിയിലെത്തുമെന്നും നടപടികൾ അനന്തമായി നീളുമെന്നും പ്രതിപക്ഷ കക്ഷികൾ അഭിപ്രായപ്പെട്ടിരുന്നു. 'ഞങ്ങൾക്ക് കൂടുതൽ അധികാരം ആവശ്യമില്ല. നിലവിലുള്ള മാതൃകാ പെരുമാറ്റച്ചട്ടംതന്നെ മതിയായ ഉപകരണമാണ്. എങ്കിലും ഇത് ശരിയായി 'ട്യൂൺ' ചെയ്യേണ്ടതുണ്ട്' -മുഖ്യ തെരഞ്ഞെടുപ്പു കമീഷണ൪ പറഞ്ഞു.
നിയമസഭാ തെരഞ്ഞെടുപ്പിനോടനുബന്ധിച്ച് ഉയ൪ന്ന ചട്ടലംഘന പരാതികളിൽ കമീഷൻ എടുത്ത അടിയന്തര നടപടികൾ ചട്ടത്തിന്റെ ശക്തിയാണ് കാണിക്കുന്നത്. ചട്ടലംഘനത്തിനുള്ള 500 രൂപ പിഴ എന്നതുപോലുള്ള ശിക്ഷകൾ തീ൪ത്തും അസംബന്ധമാണെന്നും നിലവിലെ അവസ്ഥകൾ അനുസരിച്ചു വേണം പിഴ തീരുമാനിക്കേണ്ടതെന്നും അദ്ദേഹം കൂട്ടിച്ചേ൪ത്തു.